Ejikele 38:15 - Bibilia Buk na Ŋun nagon koti luŋu a

¹⁵ A do se ko gweyajin jore ti ŋutu lo gwon ko do i pirit na geleŋ kilo mo ŋiu kaŋo konut i pirit suluja i ’dutet na kak i swöt lo lobot, ta liŋ a teŋ duma parik na kamörök logon wökön ko kusanjin.

Ejikele 38:15 Iomraidhean Croise

Ejikele 32:30

Kasarak ti swöt lo lobot se ko ŋutu ti Sidona liŋ gwon nyu. Lepeŋat a tu kak ko yu na kusik i pirit na geleŋ ko ŋutu logon aje tatua, ma ’di nagon se a ŋutu ti riŋitön logon köju a tokujöŋdu ŋutu parik. Lepeŋat aje topiriki kak a lawe a ko tawero ko ŋutu lo tatua ko baŋdujin i pirit na geleŋ, a paŋi yu na kwe ko ŋutu logon aje tu kak i dili nagon ’bak ’dutet kulo.

Ejikele 38:4

Nan mo lölöpuk do, a nan mo rekakiŋdye jabadalan konut i lukalaya; a nan mo pikuŋdye do kaŋo ko ŋutu kulök kamörök liŋ, ko kusanjin ko kajoŋak kase. Kilo ŋutu liŋ a jupu tito möriesi, lepeŋat jore parik morga ’bukwö na ’di ’dik se ko dumalak. Lepeŋat liŋ morga baŋdujin.

Ejikele 38:6

Köti ŋutu ti Gomer se ko teŋon kase liŋ, ko ti Bete-togarema se ko teŋon kase liŋ lo po i ’dutet na kak i swöt lo lobot kulo a mora ko ŋutu kulok—iŋkoi, kweja adi gweyajin jore parik ti ŋutu gwon ko do i pirit na geleŋ.

Ejikele 39:2

Nan mo lölöpuk do, a riköddi do ŋerot, a mo joŋdi do kaŋo i ’dutet na kak i swöt lo lobot, a mo joŋgi do i mörö ko merya ti Yisaraele.

Daniele 11:40

A i diŋit na ’dutet a mor lo loki mo rupipije lepeŋ; ama a mor lo lobot mo pu ’dökine ko lepeŋ loki gwoso libibiu. A nye mo poŋdi ko arabiajin lo jijiko ko ŋutu lo wokon ko kusanjin se ko ki ’bojin jore; a se mo luponi i jurön, a mo ’diku ’dikun, a Iwoŋöddi ŋerot.

Yoele 3:11

Ta juron lio lo didiŋö, poŋdi ta ’de ’de, momoruŋdye ta i pirit na geleŋ. (Sonyoddi ŋutu kulök walan kak pon MATAT!)

Yoele 3:2

a nan mo momoruŋdye jurön liŋ, a mo joŋdi se kak i pirit na ’dir na Yosepata, a nan mo ’duŋokiŋdye putet nyu kogwon kulya ti Yisaraele logon a ŋutu kwe lomoriot, kogwon se a torekin lepeŋat i kiden na jurön, a iŋge kökörö jur lio.

Jepania 3:8

Nyenagon MATAT lo kulya adi, Moŋdi ta nan. mömöŋdi ta ŋilu lor logon nan mo pije ki i tökoŋu na kulya kasu arabat lu, kogwon nan aje lilija adi nan mo lo moruŋdya jurön i pirit na geleŋ, a momoruŋdye tumatyanjin, anyen ’bukokiŋdyo lepeŋat woran nio na pape liŋ; a kak liŋ mo tume tumön ko kimaŋ na yinö nio.

Kweyatti 16:14

Lepeŋat a mulökö lorok logon koŋdya kweyesi. Lepeŋat tu kaŋo i tutunuŋdya na moran ti kak ’bukuluŋ i mörö i lor duma lo Ŋun Kabulönit lo ŋo liŋ. (

Kweyatti 16:16

A kilo mulökö tutuŋdye moran i pirit na geleŋ tojo i pirit na luŋu ko kutuk na Ebere a Armegido.

Kweyatti 20:8

A lepeŋ mo iti i togiŋa na Goga se ko Magoga logon a jurön lo gwon i swötön iŋwan ti kak kulo, anyen momoruŋdya se i pirit na geleŋ i mörö. Lepeŋat jore parik gwoso sese na tör.