Ejikele 38:11 - Bibilia Buk na Ŋun nagon koti luŋu a

¹¹ A do mo kulyani adi do mo tu i mörö ko jur logon turön kanyit a ko gömö ko goroma nagon a maripan, a do mo ’dorone i ŋutu logon ti mörö, logon si ’da kata ’bura ’bak kujönö kulo, kweja adi, kilo a ŋutu logon si ’da ’bak goroma nagon a maripan a gwe ’bak kötumitön ko rigilesi kulo.

Ejikele 38:11 Iomraidhean Croise

Saumajin 10:9

a nye momondi i ŋirit ’danaet gwoso komiru logon gwon kanyit i kuggi lukata; a nye gwe i domba anyen nye mokundya lomeri, a nye mokundye lomeri i diŋit nagon nye jikundyö lepeŋ kanyit i boyi lukata.

Yuörö 15:9

A miriku kulyani adi, Nan de ’demeja lepeŋat, a nan de woggi se, a nan de koŋi ŋo na ryaryakwe, a nan de toyimönöji ’dekesi kwe ko se. Nan de ’du ’dutun baŋdu lio kaŋo, a nan de tatuje se.

Ejikele 30:9

A i ŋilu lor a ŋutu logon nan soson kulo mo iti kaŋo ’de ’de koyö i komor, i tokujoŋdu na ŋutu ti Etiopia logon a ko den adi kulya kine popo kulu; a lepeŋat mo poŋgi poŋga i lor lo tukarari Ejipeto lu. Ma ’di soŋinana ŋilu lor gwe i po.

Ejikele 34:27

A kaden ti mu ’diŋ mo rade ludweki kase, a kak mo topunuŋdye ŋo kanyit, a lepeŋat mo gwe ’bura kase i jur. Lepeŋat mo deden adi nan logon a MATAT i diŋit na ’be ’beleŋgi nan kaden gwolor kase i murutö nu, a lwökuŋdye lepeŋat i könisi ti ŋutu lo ri ’dikiŋdya se i gwon a ’dupi kulu.

Ejikele 38:14

Nyenagon ŋuro lo ŋuto, keŋ keju, taki Goga adi, MATAT ŊUN lo kulya adi, I lor logon ŋutu kwe Yisaraele si ’dari ’bura ’bak kujönö lu, do mo deden, ’bayin sona le?

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Jakaria 2:8

A MATAT lo kurumi kulyani sona i diŋit nagon nye soŋdi nan i koŋdya na kita na kukwon i kulu gweyarijin ti ŋutu logon a ryaggu ta kulu, kogwon nye logon a ’bo ’yu ta lo aje ’bo ’yu kiden na kone lonyit lo MATAT,

Roma 3:15

Mokosi kase a lowulekak i ’buköddu na rima,

Nyökit 12:10

Ama ko ta a laŋaddu i nu pele na Yardene, a si ’dani i lu jur logon MATAT Ŋun losu a tikin ta i morga a losu lu, a nye tiŋdi ta yukan i merok kasu lo lorga ta kulo, anyen ta si ’da ko taliŋ,

Ka’duŋök 18:27

A se joŋge ŋo nagon Maika a teten kune, se ko koane lonyit, a ’dure Laisa i ŋutu logon si ’da ta liŋ ’bak yenet i ŋo narok kulo, a se tatuje lepeŋat ko baŋdujin a ’yuŋe köji.

Ka’duŋök 18:7

A ŋutu mukanat kulo iti tu, a ’dure Laisa, a meddi ŋutu lo gwon nyu kulu si ’da ’bura ’bak kujönö, a gwi liŋit lose gwe gwoso gwi liŋit lo ŋutu ti Sidona, a se gwe ko ta liŋ ko ’bak yenet i ŋo narok, a se gwe ti yöŋö nene ŋo i kak, ko gwon ko tukwörien, a se gwe pajo ko ŋutu ti Sidona, a se gwe ’bak töjulin ko kulye ŋutu.