Ejikele 38:10 - Bibilia Buk na Ŋun nagon koti luŋu a

¹⁰ Nan MATAT ŊUN lo kulya adi, A mo gwe sona i ŋilu lor a yeyeesi mo lupökine konut i töili, a do mo yeyeji koŋdya po naron.

Ejikele 38:10 Iomraidhean Croise

Saumajin 139:2

Do aje denun si ’da nio kak ko ŋiun nio ki, do aje kurundyö yeyeesi kwe ma ’di ko nan gwon ŋajo!

Saumajin 36:4

Nye a yeyeju kulya mwönyesi na gwondi nye i doto nu; nye a tikin mugun i kiko logon ’bayin a lo ’but; nye a ko renya ŋonyan.

Tolupesi 12:2

Ŋuto lo ’but ryeju ’busan ko MATAT, ama a nye ’duŋge kulya ti ŋuto logon tetendya mwönyesi arabat.

Tolupesi 19:21

Yeyeesi kata jore ko ŋuto i töili, ama yeyeet na MATAT nagon nye yöŋö kondya na gwo ’dan go.

Tolupesi 6:14

Lepeŋ köti a ŋuto logon ko töili loron logon yeyeju kulya narok, ko a katojulönit i diŋitan liŋ.

Tolupesi 6:18

ko töili logon yeyeju köŋu kulye ŋutu, ko mokosi lo rumakin i kondya na toron,

Yisaya 10:7

Ama lepeŋ a ko tiŋdu tirikwet nanyit sona, a töili lonyit tine yeyeju sona; ama kanyit i töili a nye yeyeji tukaŋu abur, ko i tu ŋerot i tu ’baka ’yu na jurön jore;

Ejikele 11:5

A mulökötyo lo MATAT poki köyö, a kulyani ko nan adi, Tambi adi, MATAT lo kulya sona adi, Ta kötumit na Yisaraele, kilo a kulyaesi kasu. Nan deden ’bura ŋo nagon a pokin kasu i kusik kine.

Mika 2:1

Wöidiö i ŋutu logon gwon kase i dotoesi a yeyeji toron ko i koŋdya na ŋo narok. Ko kak aje waran, a lepeŋat koŋdi se, kogwon se gwon ko riŋit i koŋdya na kine ŋo.

Marako 7:21

Kogwon ŋo narok lupuŋdyö ko ŋuto i töili kata yu, kweja adi yeyeesi narok, ko towutön, ko koko ’ya, ko tatuja, ko lubbo,

Yoane 13:2

A kaŋöönit aje ’beron tiŋdu yeyeet naron ko Yuda i töili ŋuro lo Simona Isikariota anyen tiŋdu Yesu i tatua. A na gwoŋdi se i nyesu nu,

Konesi 5:3

Ama a Petero pije lepeŋ adi, Anania, nyo nagon Satani tojoreju töili ilot a tiŋdi do i mumulugga na Mulökötyo Loke, a do ’de ’yi kunie gurut nagon a gwöriesi ti kak kune?

Konesi 5:9

a Petero pije lepeŋ adi, Nyo nagon ta a torukökin i möŋu na Mulökötyo lo Matat? Yiŋge mokosi ti ŋutu lo nugga lalet ilot kulo makilu popo i kötumit; lepeŋat köti de ’dokoro do kaŋo.

Konesi 8:22

Nyena löpuŋge töili i ŋina toron inot, ko momo ’yi Matat kode ŋona nye mo pipitökin ŋo na yeye do konut i töili ŋina.

1 Korinto 4:5

Nyenagon ko lilija ta kulya ti lele Ŋuto i ŋerot na nu diŋit, tojo ko Matat a po. Lepeŋ mo kwe kweyun Iwono na gwon i mudwe kune i parara, iŋkoi, lepeŋ mo kwekwe yeyeesi nagon ŋutu a ’de kase i töilyet kune. A kirut Ŋun mo pupurje ŋutu liŋ geleŋ geleŋ.