Ejikele 37:6 - Bibilia Buk na Ŋun nagon koti luŋu a

⁶ A nan mo to ’depakiŋdye ta murilö, a lokore na mugun mo juuŋdye juuŋdya kasu, a nan mo muŋge ŋina lokore ko ’böriköt, a tiŋdi köbuŋöt kasu i mugunya anyen ta yuyukan, a ta mo gwe jörun; a ta mo deŋdi adi nan logon a MATAT.

Ejikele 37:6 Iomraidhean Croise

Suluet 2:7

A MATAT Ŋun gweyuŋdye ŋuto i lipo na kak, a yukakiŋdye lepeŋ köbuŋöt lo ru kanyit i kume; aŋuto worani a ŋolo gwon jörun.

1 Moran 20:28

A ŋuto lo Ŋuro ŋoŋdi nyona a kulyani ko mor lo Yisaraele adi, MATAT lo kulya sona adi, Kogwon ŋutu ti Suria a kulya adi MATAT a pun lo merya ama lepeŋ ’bayin a ŋun lo luruki, nyenagon nan de tiŋdu ŋilu lodir duma liŋ lo ŋutu konut i könin, a ta de kuruŋdye adi nan logon a MATAT.

Saumajin 104:30

Do a yukakindya se köbuŋöt a se rune ru; a do toluduŋge kak.

Yuörö 6:3

Nan köju a pukökin ko Abarayama, ko Yisaka, se ko Yakobo, adi nan a Ŋun Kabulönit, ama nan a ko tiŋdu lepeŋat i deŋdya na nan ko karin kwe ti MATAT.

Yisaya 26:19

Lo twatwa kulök mo ruru, öpuö kase mo ŋiŋien.

Yisaya 49:23

A moran mo gwe a ka ’depak kulök, a wate kase mo gwe a katunökök kunök; a se mo rosokakine kak konut ko komorsikan kase, a mo dadaŋgi ŋutut ti mokosi kasu. A do mo kuruŋdye adi nan a MATAT, se logon nyinyiŋgö nan kilo mo ti toyue kusik.

Ejikele 11:10

Ta mo totoko kak ko baŋdujin na ’duŋökiŋdye nan ta putesi i lokökorit lo Yisaraele nu; a kirut ta mo dene den adi nan a MATAT.

Ejikele 11:12

a ta mo kirut dene den adi nan a MATAT; kogwon ta a ko wörö i saresi kwe lo wurö a gwe a ko ’depakiŋdya i jujuwesi kwe, ama kölu-mbö a ta koŋdi gwoso i jujuwesi ti ŋutu ti jurön logon kasu i mara kilo.

Ejikele 20:38

A nan mo nyunyumbe katoronyak ko se lo toroŋdya nan kilo kaŋo kasu kiden. A nan mo joŋdi se kaŋo i jur logon se sisi ’dari a lepelok ŋilo, ama se mo ti lupö i jur lo Yisaraele kwöŋ. A kirut ta mo dene den adi nan logon a MATAT.

Ejikele 32:15

I Diŋit nagon nan koŋdi jur lo Ejipeto a murwo, ko i diŋit nagon ŋo liŋ ti jur a ryakaji, ko i diŋit nagon nan tatuje ŋo liŋ logon si ’da i lukata nanyit kulo nu, a kirut lepeŋat mo deŋdi adi nan logon a MATAT.

Ejikele 34:27

A kaden ti mu ’diŋ mo rade ludweki kase, a kak mo topunuŋdye ŋo kanyit, a lepeŋat mo gwe ’bura kase i jur. Lepeŋat mo deden adi nan logon a MATAT i diŋit na ’be ’beleŋgi nan kaden gwolor kase i murutö nu, a lwökuŋdye lepeŋat i könisi ti ŋutu lo ri ’dikiŋdya se i gwon a ’dupi kulu.

Ejikele 35:12

A ta mo deŋdi adi nan MATAT aje yiŋ ’dö ’döju nasu nagon ta ’dö ’döji merya ti Yisaraele adi, Lepeŋat aje kölöki kana ’bak ŋutu, lepeŋat aje tiki yi i ryakaddu a kaŋ.

Ejikele 35:15

Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 35:9

A nan mo koŋdi jur losu a murwö ŋupi, a köjinö kasu mo tine si ’darikin. A kirut ta mo deŋdi adi nan logon a MATAT.

Ejikele 37:14

A nan mo tiŋdi mulökötyo lio kasu i mugunya, a ta mo gwe jörun, a nan mo tiŋdi ta i jur losu; a kirut ta mo deŋdi adi nan MATAT aje jambu kine kulya a nan mo kone kon se. Kilo a kulyaesi kwe ti MATAT.

Ejikele 38:23

Nyena a nan mo kweji todumalan nio se ko kelan nio, a nan mo tiŋdi mugun i dena ko ŋutu jore i komor. A kirut lepeŋat mo deŋdi adi nan logon a MATAT.

Ejikele 39:22

Suluja i ŋinu diŋit tojo ko ŋerot, a kötumit na Yisaraele mo deŋdi adi nan logon a ŊUN lose.

Ejikele 39:28

A lepeŋat mo deŋdi adi nan logon a MATAT ŊUN lose, kogwon nan köju a son lepeŋat i to ’dupien i kiden na jurön, a nan mo nyökuŋdye se bot i pirit na geleŋ kase i jur lomore. A nan mo tine pitökin lele lose bot kwöŋ i kiden na jurön.

Ejikele 39:6

A nan mo soŋdi kimaŋ i ’yuŋa na Magoga se ko ŋutu logon si ’da ’bura ’bak kujönö i juron lo gwon i tikönyö kulo; a se mo deŋdi adi nan logon a MATAT.

Ejikele 6:13

A kirut ta mo dene den adi nan a MATAT, na dotori öpuö ti ŋutu kasu lo tatua i kiden na nyömuejin kase logon a ŋunyen lorga piritön kase ’yuresi ti rubaŋgajin, i lurwat liŋ loki, ko i kusik ti merya liŋ, ko i mukökö ti kaden liŋ lo rurwan se ko i mukökö ti rinö lobot liŋ, kweja adi i piritön liŋ nagon se wukiŋdye nyömuejin kase liŋ rubaŋgajin lo mon paleleŋ kune.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.

Ejikele 7:4

A nan mo tine pitökin ta, a nan mo tine won konyen ko ta kwöŋ, ama nan mo roropakin ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi nan logon a MATAT.

Ejikele 7:9

A nan mo tine pitökin ta, a nan mo tine won konyen ko ta kwöŋ, a nan mo ropakiŋdye ta konesi kasu se ko konesi kasu na mamana nagon ta nyuŋ kökon kine. A kirut ta mo dene den adi ŋilo a nan MATAT lo riŋga ta.

Yoele 2:27

A ta mo deŋdi adi nan kata i kiden na Yisaraele, koti adi nan a MATAT ŋun losu, a lele gwe ’bayin köti. A ŋutu kwe mo köti tine toyuö kusik kwoŋ.

Yoele 3:17

Nyena a ta mo deŋdi adi nan a MATAT ŋun losu, nan si ’da i mere lio loke Siona. A Yerusalema mo gwe a nake, a ŋutu lepelok mo köti tine lwöpöddu kata kwöŋ.

Nyökit 29:6

köti ta a ko nyesu ambata, a ta gwe a ko möju binyo kode yawa na pötwör; anyen ta böŋö deden adi nye a MATAT Ŋun losu.