Ejikele 37:4 - Bibilia Buk na Ŋun nagon koti luŋu a

⁴ a lepeŋ köti takiŋdye nan adi, Keŋ keju, taki kilo kuyu adi, Ta kuyu loteyok, yiŋge ta kulyaet lo MATAT.

Ejikele 37:4 Iomraidhean Croise

1 Moran 13:2

A ŋilo ŋuto woŋoro ki i kulya ti pirit ’yuret na rubaŋgajin jambu kulyaet lo MATAT adi, Do ŋina pirit ’yuret. MATAT a kulya sona adi, Mete, kötumit na Dawidi mo yuyuŋweki ŋuro logon karin kanyit a Yosia; a nye mo ’duŋge rubaŋgajin konut loki logon a kilo koanejin ti piritön kwakwasesi na gwon i ko ’dulan ti merya kune, logon ’yu’yuŋa bökur konut loki kulo, a kuyu ti ŋutu mo ’yurakine konut loki.

Eyobo 10:11

Do a tojubbu nan ko ’böriköt ko lokore, a do gweji nan ko kuyu se ko murilö.

Yisaya 26:19

Lo twatwa kulök mo ruru, öpuö kase mo ŋiŋien.

Yisaya 42:18

Ta ŋutu miŋeki, yiŋge ta ta ŋutu mo ’dokeno, meddi ta, anyen ta böŋö kukuruŋdyö!

Yeremia 22:29

Do jur, do ŋilo jur, do jur, yiŋge ta kulyaet lo MATAT!

Ejikele 36:1

Nyena do ŋuro lo ŋuto, keŋ keju, taki merya ti Yisaraele adi, Ta merya ti Yisaraele, yiŋge ta kulyaet lo MATAT.

Ejikele 37:11

A kirut lepeŋ takiŋdye nan adi, Ŋuro lo ŋuto, kilo kuyu a kötumit ’bukuluŋ na Yisaraele. Mete, se kulya adi, Kuyu kaŋ gwe a loteyok, yenet nikaŋ aje ’baka; yi aje ’duŋöji kaŋo asut.

Ejikele 37:12

Nyena kikiŋdye lepeŋat adi, MATAT ŊUN lo kulya adi, Ta ŋutu kwe, mete ta, nan mo ŋaŋa gulömö kasu, a mo toŋiuŋdye ta kaŋo kasu i gulömo, a nan mo nyomuŋdye ta mede i jur lo Yisaraele.

Ejikele 37:9

A kirut lepeŋ takiŋdye nan adi, Do ŋuro lo ŋuto, keŋ keju i kulya ti köbuŋöt, taki lepeŋ adi, MATAT ŊUN lo kulya adi, Do köbuŋöt, wukuŋdye i swötön iŋwan ti kak, lupökine i kilo lo tatua anyen se köti gwon jörun.

Mika 6:2

Ta merya, se ko ta pipilesi ti kak lo yeyeŋon ŋupi, yiŋge ta rerenyesi kwe ti MATAT, kogwon nan MATAT kata ko rerenyet ko ŋutu kwe, a nan mo rerenyani ko Yisaraele adi,

Kenet 20:8

’Dumuŋdye ŋilo ture, a ta ko Arona luŋösur pepenuŋdye ŋinu momoret, a ta saŋi lu lurutat kase i komor, a nye mo tiŋdi pioŋ kanyit, a do toworakiŋdye se pioŋ i lurutat, a do tumaddi ŋina momoret ko toro ’bo kase.

Matayo 21:21

A Yesu waddi lepeŋat adi, ’Diri nan takiŋdya ta adi ko ta gwon ko yupet a tine dyadya ’yu, a ta mo bulöni bulö koŋdya ŋo nagon aje konaki ŋilu ki ’bi na, ama bia parik ko ta kulya ko lo mere adi, Gwunyu mugun kaŋo ko gubara mugun i tör, a kine ŋo mo konani kona.

Yoane 2:5

A ŋote takiŋdye koliponök adi, Kone ta kon ŋo nagon lepeŋ de tatakin ta kine ko se a nyo.

Yoane 5:25

’Diri ’diri, nan takiŋdya ta adi, diŋit ŋina popo, iŋkoi aje ’dur, nagon lo twatwa mo yiŋge gworo liŋ lo Ŋuro lo Ŋun; a se lo yiŋga kilo mo rune ru.

Kweyatti 10:11

A kirut nye takiŋdye nan adi, Do agu koti ködyö kekeju i kulya ti gweyajin jore ti ŋutu, ko i kulya ti jurön, ko ti kutusen se ko ti moran.