Ejikele 37:12 - Bibilia Buk na Ŋun nagon koti luŋu a

¹² Nyena kikiŋdye lepeŋat adi, MATAT ŊUN lo kulya adi, Ta ŋutu kwe, mete ta, nan mo ŋaŋa gulömö kasu, a mo toŋiuŋdye ta kaŋo kasu i gulömo, a nan mo nyomuŋdye ta mede i jur lo Yisaraele.

Ejikele 37:12 Iomraidhean Croise

Yisaya 11:11

A mo gwe sona i ŋilu lor, a MATAT mo riöddi könin lonyit daŋ tomurek i toyituŋdyö na pitönö ti ŋutu kanyit lo pituŋdyö, i Asura, ko i Ejipeto, ko i Patorosa, ko i Etiopia, ko i Elam, ko i Sinar, ko i Kamat, ko i tikönyö.

Yisaya 26:19

Lo twatwa kulök mo ruru, öpuö kase mo ŋiŋien.

Yisaya 66:14

A ta mo meddi meddya, a töilyet kasu mo lyögi lyöŋön; a kuyu kasu mo bote botan gwoso döra; a mo denani adi riŋit nio na MATAT gwon ko kölipönök kwe, a tukagan nio gwe i merok kwe.

Ejikele 28:25

Nan MATAT ŊUN lo kulya adi, I diŋit na pepenuŋdye nan kötumit na Yisaraele i gweyajin ti ŋutu logon lepeŋat a tore aji kata kulu nu, a nan mo kwekiŋdye kelan nio kase kiden a ŋutu ti jurön memeddya, a kirut lepeŋat mo si ’dani i jur lose logon nan köju a tikin köliŋönit lio Yakobo lu.

Ejikele 36:24

a nan mo joŋdi ta kaŋo i jurön, a pepenuŋdye ta kaŋo i jurön liŋ, a nyökuŋdye ta kasu i jur.

Ejikele 37:13

Ta ŋutu kwe, ta mo deden adi nan logon a MATAT i diŋit na ŋaji nan gulömö kasu a toŋiuŋdye ta kaŋo kasu i gulömö nu.

Ejikele 37:21

A kirut kulyani ko lepeŋat adi, MATAT ŊUN lo kulya adi, Mete ta, nan mo jojon ŋutu ti Yisaraele kaŋo i jurön logon lepeŋat aje tu kata kulu, a nan mo momoruŋdye lepeŋat i swötön liŋ, a nan mo nyökuŋdye lepeŋat i jur lose.

Ejikele 37:25

A se mo gwolore i jur logon nan aje tikin köliŋönit lio Yakobo. (Ŋilo a jur logon merenyejin kasu si ’da kata lo.) A ŋutu ti Yisaraele ko ŋwajik kase se ko nyakwariat kase mo si ’dani nyu ŋupi ŋupi; a köliŋönit lio Dawidi mo gwe a kasaranit lose ŋupi.

Ejikele 37:4

a lepeŋ köti takiŋdye nan adi, Keŋ keju, taki kilo kuyu adi, Ta kuyu loteyok, yiŋge ta kulyaet lo MATAT.

Daniele 12:2

A jore ti kilu lo doto i kujöŋ kulu mo purwene purwe; kulye kase mo wuju ru na yeŋ nyin a kulye mo wuji ’yu na kusik a manani mana ŋupi ŋupi.

Osea 13:14

Nan ŋona mo Iwolwokun se i riŋit na pirit na mulokö le? Nan gona mo dadakun se i twan le? Do twan, kuliya twana kulok iŋgo? Do pirit na mulokö, niya tukaret inot? Nan ti won konyen ko se kwoŋ.

Osea 6:2

A i mukök na perok murek a nye mo toruje yi; iŋkoi, i lor tomusala a nye mo ’biluŋdye yi ki, anyen yi böŋö gwon jörun kanyit i komor.

Yoele 3:5

Kogwon ta aje ’du-maddu pödö kwe se ko dakap kwe, a ta aje ’dokoro kaŋo tukworienjin kwe na gwöro go a tiŋdi se i lukata na kadijik ti ŋunyen kasu.

Jepania 3:20

I ŋinu diŋit a nan mo momoruŋdye ta a joŋdi ta mede, a nan mo tiŋdi ta i pupura ko i kono i kiden na gweyajin lio ti ŋutu ti kak, i diŋit nagon nan nyökuŋdye ta bot i to ’dupien nu, a ta mo mete met kine kulya. Kilo a kulyaesi kwe ti MATAT.

Nyökit 32:39

Meddi ta adi, Nan ma ’di nan lo a nye, lele Ŋun gwe ’bayin ake nan tuŋ; nan logon tatatuja, ko nan logon totorujö; nan logon böböŋöddu, ko nan logon totobia ’yu; ŋuto ’bayin logon bubulö riŋaddu kaŋo köyö i könin.

1 Tesalonike 4:16

Kogwon saret mo lalaiya, a gworo lo malaikatat duma mo yiŋani yiŋ, a buruŋ i lo Ŋun mo kutani kuta, a Matat ko mugun nanyit mo poŋdi kak ki yu. A Ŋutu logon a twakin ko Kristo i mugun kilo mo lo ŋine a kokwe;

Kweyatti 20:13

A tor duma na ’balaŋ topukuŋdye ŋutu lo twatwa kaŋo i lukata nanyit, a twan se ko pirit na muloko koti topukuŋdye ŋutu lo twatwa kulo kaŋo i lukata nase; a se liŋ ’dupökine putesi gwoso i konesi kase.

1 Samuele 2:6

MATAT tatatuja ko totorujö köti; lepeŋ jojoŋga ŋutu kak i pirit na mulökö ko toto piju ki köti.