Ejikele 37:1 - Bibilia Buk na Ŋun nagon koti luŋu a

¹ A riŋit na MATAT gwe köyö i mugun, a nye ’dokoddi nan kaŋo i riŋit na mulökötyo lonyit, a tiŋdi nan kak i kiden na pirit na ’dir nagon a jore ko kuyu.

Ejikele 37:1 Iomraidhean Croise

1 Moran 18:12

A gwe sona ko nan aje kö ’yu do, a Mulökötyo lo MATAT de ’doggi do a nan tine denara do. Nyena ko nan a tu i takiŋdya na Aba, a nye tine ryö do, a nye de tatuje nan, ma ’di ködyö nan köliŋönit ilot kukuk MATAT suluja i tolupudien nio.

2 Moran 2:16

A se kulyani ko lepeŋ adi, Mete, yi köliŋönök kulök gwon ko ŋutu iŋgo merya mukanat ni; ti lepeŋat böŋö iti ga ’yu na duma ilot; kode Mulökötyo lo MATAT ŋona a ’depaddu lepeŋ ki a gubakiŋdye lepeŋ i lele mere kode i lele loro. A nye kulyani adi, Ta ti soŋdu.

Yisaya 26:19

Lo twatwa kulök mo ruru, öpuö kase mo ŋiŋien.

Yeremia 7:2

Iti, gwo ’de i kötumit na kadi nio na MATAT, ko laije lo kulyaet adi, Ta ŋutu liŋ ti Yuda logon lupöri kine kötumitön i kwakwaddu na MATAT kilo, yiŋge ta kulyaet lo MATAT.

Yeremia 7:32

Nyenagon nan MATAT lo kulya adi, mete, perok mo popo logon nu pirit mo tine luŋu köti a Topet, kode a pirit na ’dir na ŋuro lo Inoma, a mo luŋuni a pirit na ’dir nagon a Tatuet, kogwon lo twatwa mo nuka Topet kogwon pirit nuket gwe ’bayin i kunie piritön.

Yeremia 8:2

A kilo kuyu mo totorekine i komor na kolor, ko na yapa, se ko na kaser liŋ ti ki. Kogwon kilo ŋutu köju nyanyar se ko kikitakin se, a iŋge kebbu se, a iŋge ga ’yu se a kwakwaddi se. A kilo kuyu mo tine bulö pepena, kode nuka; a se mo ra ’dani kak gwoso woro.

Ejikele 1:3

a kulyaet lo MATAT poki köyö i Jur lo Kaledea nyona ko kare Kebar; nyu a riŋit na MATAT poki köyö i mugun.

Ejikele 11:24

A mulökötyo lo po ko ŊUN ’dukuŋdye nan ki a joŋgi nan Kaledea yu i ŋutu lo gwon i to ’dupien kulu. Kine ŋo liŋ a ŋo nagon mulökötyo lo po ko ŊUN a kwekin nan köyö i töili, a kirut kine ŋo na met nan kune wusaddi kaŋo köyö.

Ejikele 3:14

A mulökotyo lo po ko Ŋun ’dukuŋdye nan ki a joŋgi nan i nene pirit, a nan iti ko woran na pape köyö i töili, ama a riŋit na MATAT gwe a duma köyö i mugun.

Ejikele 3:22

A riŋit na MATAT poki köyö i mugun i ŋinu pirit; a lepeŋ takiŋdye nan adi, Ŋine ki, iti i pirit nagon a ’dar; a nan mo tu jambi ko do nyu.

Ejikele 33:22

Nyena a riŋit na MATAT gwe köyö i mugun suluja i koriri i ŋerot na poŋdi ŋuto logon a rwösuŋdyo lo; a nye iŋge tiŋdu nan riŋit nagon nan jajambi i ŋerot na diŋit nagon ŋilo ŋuto po köyö ni ko ’bure nu. Nyena a nan bulöni bulo jambu a nan köti gwe ’bayin a mumut.

Ejikele 37:2

A lepeŋ nyömöddi nan i kuyu kiden, a nan meddi kuyu jore parik logon aje teteyon parik nyu i pirit na ’dir.

Ejikele 40:1

A i mukök na kiŋajin puök wot iŋwan gwak nagon köji aje körö, a yi iŋge si ’da i to ’dupien ko kiŋajin merya murek wot mukanat nu, a riŋit na MATAT poki köyö i mugun i suluet na kiŋa i perok puök ti yapa.

Ejikele 43:5

A mulökötyo lo po ko ŊUN ’biluŋdye nan ki, a joŋgi nan i ’baŋ lo lukata, a minyo lo MATAT iŋge jore i lukata na kadi nanyit.

Ejikele 8:1

A ko gwe sona i kiŋa tobuker, i perok mukanat ti yapa tobuker, na si ’dari nan köyö midi se ko temejik ti Yuda i pirit na geleŋ nu, a riŋit na MATAT ŊUN poki köyö i mugun.

Ejikele 8:3

A lepeŋ riuŋdye lele ŋo gwoso könin a morgi nan i kupir ti kwe, a mulokötyo lo po ko Ŋun ’dokoddi nan i wöli na ki ko kak, a nan meddi kulya ti ŊUN köyö i töili meta gwoso nye a joŋ nan Yerusalema. A lepeŋ togwi ’dikiŋdye nan kak i lupet na kötumit na lupörikin i ’baŋ lo lukata lo kadi na ŊUN, lo diraddu i swot lo lobot, i pirit na gwo ’di ’e nyömue yinet logon totowoŋa lo.

Luka 4:1

Yesu a jore ko Mulökötyo Loke, a yitwene Yardene, a Mulökötyo nyomoddi lepeŋ perok merya iŋwan i yobu nagon ŋutu ’bayin kata,

Konesi 8:39

a na poŋdi se kaŋo i pioŋ kata nu, a Mulokotyo lo Matat joŋgi Pilipo kaŋo ’de ’de, a ŋilo ŋuto tine met lepeŋ köti; a nye kölumbö iti i kiko lonyit ko lyöpön a duma.

Kweyatti 1:10

A Mulökötyo Loke iŋge mok nan i Lor lo Matat, a nan yiŋge gworo lobot woŋon gwoso buruŋ i köyo i ki ’diŋ.