Ejikele 36:7 - Bibilia Buk na Ŋun nagon koti luŋu a

⁷ Nyenagon nan MATAT ŊUN lo kulya adi, Nan a milyeju adi, ’Diri ’diri jurön logon dipö ko ta kilo, lepeŋat ko ’börik mo tomiö ko ’dö ’dö-yosi.

Ejikele 36:7 Iomraidhean Croise

Saumajin 79:12

Pon MATAT, roŋaki manesi ti maratejin kaŋ nagon se mandi do kine kase i kusik daŋin buryo.

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Ejikele 20:15

A nan köti köju iŋge ’doggu könin ki i milyekiŋdyö na se i yöbu yu adi, nan ködyö ti joŋga se i jur logon nan a tikin se lu, ŋilu a jur lo ’dokon a le ko a siwatat, ko a jur lokwekwelen lwölwöŋ jurön liŋ,

Ejikele 20:5

nyena taki lepeŋat adi, MATAT ŊUN lo kulya adi, I lor lo wuluŋdye nan Yisaraele köju lu, nan a ’doggu könin ki i mi-lyekiŋdyö na nyakwariat ti kötumit na Yakobo, a tiŋdi mugun i dena ko se i jur lo Ejipeto; a nan iŋge ’doggu könin ki a milyekiŋdye lepeŋat adi, Nan a MATAT ŊUN losu.

Ejikele 36:15

A nan mo köti tine tin do i yiŋga na ŋutu ti jurön i ’da ’daŋu na do, a ŋutu mo köti tine tomijö do ko ’dö ’döyösi, a köti mo tine tiŋdu jur ilot i ’doro kwöŋ. Kilo a kulyaesi kwe ti MATAT ŊUN.

Ejikele 36:6

Nyena keŋ keju i kulya ti jur lo Yisaraele. Taki merya, ko lurwat, ko karya, se ko piritön na ’dir kune adi, MATAT ŊUN lo kulya adi, Mete ta, nan jambi i yulön nio na pape, kogwon ŋutu ti jurön a tomijö ta ko ’dö ’döyösi.

Ejikele 36:8

Ama ta merya ti Yisaraele, kenia kasu mo wiwilan, a mo rade ludweki a ti ŋutu kwe Yisaraele, kogwon lepeŋat mo yiyito mede i diŋit a na ’dit.

Nyökit 32:40

Kogwon nan a sijoro könin liŋ ki, adi, ’Diri, ’diri gwoso na gwoŋdi nan ŋupi na,