Ejikele 36:5 - Bibilia Buk na Ŋun nagon koti luŋu a

⁵ Nyenagon nan MATAT ŊUN lo kulya adi, I yulön nio na pape nan jambu po narok i kulya ti kulye jurön, kegga nan jambu i kulya ti Edom. Ŋutu ti Edom ’de ’dekan jur lio a lose, lepeŋat lyölyöpi ko töilyet liŋ jambu ’da ’daresi, anyen morga jur a ryaggi nye.

Ejikele 36:5 Iomraidhean Croise

Saumajin 137:7

Pon MATAT, yiyiundye toron na ŋutu ti Edom i lor lo telari Yerusalema lu, na kulyari se adi, Duke ta lepeŋ kak, duke ta kak tojo ko ŋiŋilesi kanyit gwak!

Saumajin 79:5

Pon MATAT, do woworan koyi diŋit ŋoman? Yinö inot yeŋon tule gwoso kimaŋ le?

Tolupesi 17:5

Ŋuto logon kwekweni ko lomeri-ka laundya ŋun lo gweja lepeŋat lo, a nye lo nyola ko ŋutu lo totomie lo mo tine tu kana ’bak riŋet.

Yeremia 12:14

Nan MATAT lo kulya i kulya ti maratejin kwe liŋ Jorok logon a ’bulukiŋdyo konisi i jur logon nan a tiŋikin ŋutu kwe Yisaraele a lose lomore adi, Mete, nan mo gwugwunyun kulu ŋutu kaŋo kase i jur, a nan mo gwunyuŋdye kotumit na Yuda kaŋo kase kiden.

Yeremia 25:9

Babela köliŋönit lio, a nan mo joŋdi se i mörö ko lo jur se ko ŋutu lo si ’da kata kulo, ko i mörö ko kilo jurön liŋ lo didiŋö kulo; a nan mo tukaŋi se asut, a koŋdi se a torigwökit, ko a ’diuket, ko a lomit ŋupi.

Yeremia 49:1

’Dolet i kulya ti ŋutu ti Amon. MATAT lo pija adi, Yisaraele ŋona ’bak ŋwajik lulyan le? Lepeŋ ŋona ’bak ŋuro lo ruddya ŋo kanyit le? Ko nyo nagon Milikom aje ruddya Gada? Ko nyo nagon ŋutu ti Amon si ’da i köjinö ti Gada?

Yeremia 50:11

Ta karyakak lo ryaggu ŋutu kwe lomoriot kilo, ma ’di ködyö ta lyölyöŋi, ma ’di ködyö ta nyonyola, ma ’di ködyö ta wörö abur gwoso tagwok i döru kata, ma ’di ködyö ta wuwuŋi gwoso kusanjin kaluwak,

Delyasi 4:21

Ta ŋutu ti Edom logon si ’da i jur lo Usa kilo, lyoŋi ta lyoŋon ko nyolani ta nyola; kolumbo dikori na woran na ŋun mo ’du ’durökin a kiyuk kasu i jur, a ta mo mere meran, a mo yoköji ’borik ’buson.

Ejikele 36:3

Nyena keŋ keju adi, MATAT ŊUN lo kulya adi, Ta merya ti Yisaraele, ta aje ryaka i swötön liŋ, a iŋge kölöki kana ’bak ŋutu, anyen kulye jurön morga ta a kase, a kulya kasu ’dumani a jamiat ko a po na ’dö ’döyö.

Ejikele 36:6

Nyena keŋ keju i kulya ti jur lo Yisaraele. Taki merya, ko lurwat, ko karya, se ko piritön na ’dir kune adi, MATAT ŊUN lo kulya adi, Mete ta, nan jambi i yulön nio na pape, kogwon ŋutu ti jurön a tomijö ta ko ’dö ’döyösi.

Ejikele 38:19

A i yulön nio se ko i woran nio na pape a nan mo milyeji milyeju adi, ’Diri ’diri i ŋilu lor rigirigi mo gwon kata i jur lo Yisaraele.

Ejikele 5:13

A kirut nan mo tutuŋge woran nio, a nan mo toliŋge woran nio na pape i lepeŋat, a nan mo gwe ko taliŋ. A ko woran nio na pape aje ’baka, a se mo deŋdi adi ŋilo a nan MATAT lo jambu ko yinö.

Obadia 1:12

Ama do kodyo ti lyoŋon i med-dya na lor delyaet lo lupösurök, do kodyo ti kwekweni ko ŋutu ti Yuda i lor lose tukaret; a do kodyo tine jambu a lulayak i lor delyaet.

Mika 7:8

Ta merok kwe, ko lyöŋön ta ko nan; ma ’di nagon nan aje ’doro nan mo ŋiŋien, a ko nan si ’da i mudwe, a MATAT mo lo gwe a parara nio.

Jepania 3:8

Nyenagon MATAT lo kulya adi, Moŋdi ta nan. mömöŋdi ta ŋilu lor logon nan mo pije ki i tökoŋu na kulya kasu arabat lu, kogwon nan aje lilija adi nan mo lo moruŋdya jurön i pirit na geleŋ, a momoruŋdye tumatyanjin, anyen ’bukokiŋdyo lepeŋat woran nio na pape liŋ; a kak liŋ mo tume tumön ko kimaŋ na yinö nio.

Jakaria 1:14

A malaikatat logon jambu ko nan lo kulyani ko nan adi, Laije adi, MATAT lo kurumi lo kulya sona adi, Toili lio mimien parik kogwon Yerusalema se ko Siona.

Jakaria 1:15

A nan iŋge woran parik ko gweyajin ti ŋutu logon si ’da taliŋ; kogwon ma ’di nagon nan a woran madaŋ a kulo ŋutu ’yaladdi yoyoŋesi ŋerot.

Marako 3:8

ko Yerusalema, ko i kak na Idumea, ko i nu pele na Yardene, se ko ŋutu ti jur lo Turo ko Sidona. Kilo ŋutu jore parik a tu ko lepeŋ yu kogwon se a yiŋ liŋio ti ŋo liŋ nagon lepeŋ aje kon kune.

Nyökit 4:24

Kogwon MATAT ŋun losu a kimaŋ na tototumbo, ko a ŋun kayinönit.