Ejikele 36:2 - Bibilia Buk na Ŋun nagon koti luŋu a

² Nan MATAT ŊUN lo kulya adi, Merok a kweni ko ta adi, Aha! piritön nagon a ko ’dulan na yeŋ nyin kune gwe a kaŋ.

Ejikele 36:2 Iomraidhean Croise

Saumajin 78:69

A nye ’duŋge ŋirit nanyit nake na rurwan a najo gwoso ki, a togwi ’dikindye lepeŋ go gwoso kak.

Saumajin 83:13

Pon Ŋun lio, kondi lepeŋat gwoso ŋutu na witö ko libibiu, gwoso ŋudi na wuköji ko köbuŋöt.

Yisaya 58:14

nyena a ta mo lyöŋi lyöŋön ko nan MATAT, a nan mo ’dokoddi ta i ko ’dulan ti kak; a nan mo tunyeji ta ko jur logon nan a tiŋdu Yakobo merenye losu, kogwon nan MATAT lo jambu.

Yeremia 49:1

’Dolet i kulya ti ŋutu ti Amon. MATAT lo pija adi, Yisaraele ŋona ’bak ŋwajik lulyan le? Lepeŋ ŋona ’bak ŋuro lo ruddya ŋo kanyit le? Ko nyo nagon Milikom aje ruddya Gada? Ko nyo nagon ŋutu ti Amon si ’da i köjinö ti Gada?

Ejikele 25:3

Tambi ko ŋutu ti Amon adi, Yiŋge ta kulyaesi ti MATAT ŊUN. MATAT ŊUN lo kulya adi, Kogwon ta aje ’dö ’döju na meddi ta pirit nio nake na rurwan i körö nu, a ta iŋge ’dö ’döju jur lo Yisaraele i diŋit nagon nye aje kona a murwö nu, a ta iŋge ’dö ’döju kötumit na Yuda i diŋit nagon se aje joŋa i to ’dupien nu,

Ejikele 26:2

Ŋuro lo ŋuto, kogwon Turo a ’dö ’döju i kulya ti Yerusalema adi, Aha! Nye nagon a kötumit na tiri ŋutu ti jurön na aje ’beleŋo, kötumit nanyit aje paki nan; lepeŋ aje kona a murwö, a nan mo worani a kwörinit.

Ejikele 35:10

Ta kulya adi, kulu gweyajin murek ti ŋutu, kweja adi kulu jurön murek mo gwon a kasu, a ta mo morgi se a lomo-riot kasu, ma ’di ködyö nan MATAT gwon nyu.

Ejikele 35:12

A ta mo deŋdi adi nan MATAT aje yiŋ ’dö ’döju nasu nagon ta ’dö ’döji merya ti Yisaraele adi, Lepeŋat aje kölöki kana ’bak ŋutu, lepeŋat aje tiki yi i ryakaddu a kaŋ.

Ejikele 36:1

Nyena do ŋuro lo ŋuto, keŋ keju, taki merya ti Yisaraele adi, Ta merya ti Yisaraele, yiŋge ta kulyaet lo MATAT.

Ejikele 36:5

Nyenagon nan MATAT ŊUN lo kulya adi, I yulön nio na pape nan jambu po narok i kulya ti kulye jurön, kegga nan jambu i kulya ti Edom. Ŋutu ti Edom ’de ’dekan jur lio a lose, lepeŋat lyölyöpi ko töilyet liŋ jambu ’da ’daresi, anyen morga jur a ryaggi nye.

Obadia 1:13

Do kodyo ti lupöri kotumit na ŋutu kwe i lor lose logusu; a do kodyo tine lyöŋön i meddya na delyaesi kase i lor lose logusu, a do kodyo tine ryaggu toro ’bo kase i lor lose logusu.

Abakuk 3:19

ŊUN MATAT a riŋit nio; a nye tiŋdi mokosi kwe a lowulekak gwoso ti kilep, a nye tiŋdi nan i woro i piriton nagon a ko ’dulan.

Nyökit 32:13

A nye tuwöröddi lepeŋat ki i ko ’dulan ti kak, a nye tunyeji se ko kinyojin ti meleseŋo; a nye tiŋdi se i ’biuŋdya na siwatat na rye i lurutat, a ’biuŋdye welet i lele nagoŋ a wiyu.