Ejikele 36:12 - Bibilia Buk na Ŋun nagon koti luŋu a

¹² Iŋkoi, a nan mo tiŋdi ŋutu i wörö kasu loki, kweja adi kilo a ŋutu kwe Yisaraele, a lepeŋat mo ’debbi ta a lomoriot kase, a ta mo köti tine toliki-ŋdyö ŋwajik kase kwöŋ.

Ejikele 36:12 Iomraidhean Croise

Yisaya 65:9

A nan mo topukuŋdye nyakwariat ko Yakobo, a mo topukuŋdye ŋutu ko Yuda logon ruddya merya kwe; a nutu kwe lo wulwe mo ruddye lepeŋat, a kölipönök kwe mo si ’dani nyu.

Yeremia 15:7

Nan aje seddya ŋutu kwe ko setet i kötumitön ti köjinö liŋ ti lo jur; nan aje tukar se a iŋge tatuja ŋwajik kase, kogwon lepeŋat a ko löpukuŋdyö kaŋo i kikolin kase.

Yeremia 32:15

Kogwon MATAT lo kurumi Ŋun lo Yisaraele lo kulya adi, Kadijik ko meleseno ko luköbiöt ti kaden ti binyo mo köti tutugwörö i lo jur.

Yeremia 32:44

Meleseno mo tutugwörö ko gurut, a ŋutu mo tanyakiŋdye könisi kase i waragalan gwöriesi, a se mo joggi ko katiman nya ’dotesi, a ŋutu mo gwe kata logon a kametak ti kine kulya. Kine kulya mo kona i jur lo Benyamina, ko i turön lolorga Yerusalema, ko i köjinö ti Yuda, ko i köjinö ti jur logon a merya, ko i köjinö na gwon i ’dir na merya, ko i köjinö ti jur lo Loki kulo; kogwon nan mo jojoŋ to ’dupien nase kaŋo. Kilo a kulyaesi kwe ti MATAT.

Ejikele 22:12

ŋutu kata konut kiden logon wuju ropesi nagon wuki a lwön anyen ’buköddu rima, a ta luŋgi ’yalet ko ŋutu lo kuröddu po kasu, a ri ’di-kiŋdye lepeŋat i robba ko wöli, a ta iŋge böŋö nan. Ŋilo a kulyaet lio lo MATAT ŊUN.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 34:14

A nan mo tunyeji lepeŋat i pi-riton nagon a leme, a merya lojo ti Yisaraele mo gwe a piritön nagon lepeŋat nyesu kata. Nyu a lepeŋat mo pere kak i pirit nagon döru a duma kata, lepeŋat mo nyesu i loki na merya ti Yisaraele.

Ejikele 36:13

Nan MATAT ŊUN lo kulya adi, ŋutu jambu adi do Yisaraele a jur logon tatuja ŋutu a tolikiŋdye ŋwajik lo gwon konut lukata kulo,

Ejikele 47:14

Kak nagon nan aje milyeju i tiŋdu na merenyejin kasu nu ta ködyö kokorakiŋdya ’börik jojo; iŋkoi, ŋina kak ’dukin kasu a lomoriot i guba na guralan.

Kenet 13:32

a se jakiŋdye ŋutu ti Yisaraele lore loron lo jur logon se aje wiŋa lu, adi, Jur logon yi a tu lukata i wiŋa na lepeŋ lu, gwon a jur kanyöönit lo ŋutu logon si ’da nyu kulu; a ŋutu liŋ logon yi a met nyu kulu gwe a loyurumök.