Ejikele 36:11 - Bibilia Buk na Ŋun nagon koti luŋu a

¹¹ A nan mo tuŋdije ŋutu ko kijakwa kasu pini, a se mo ŋdine ŋdi jore parik, a nan mo tiŋdi ta i si ’darikin gwoso i diŋit na ’beron köju nu, a nan mo konakiŋdye ta ’bura lwölwöŋ na köju nu, a kirut ta mo deŋdi adi nan logon a MATAT.

Ejikele 36:11 Iomraidhean Croise

Eyobo 42:12

A MATAT ’boroji Eyobo i perok kanyit ti ’dutet lwolwoŋ ti kokwe kulu; a lepeŋ gwe ko köbilu aliŋan ŋuök wot iŋwan, ko kamilojin aliŋan buker, ko öwönin aliŋan murek logon a tora murek murek ko gwolor kase i muruto, se ko kaineki nawate aliŋ geleŋ.

Yisaya 30:26

A pija na yapa mo gwe gwoso loja na kolor, a loja na kojoŋ mo gwe daŋin buryo, gwoso loja na perok buryo.

Yisaya 51:3

kogwon nan a luŋgu lepeŋ nagwoŋdi nye geleŋ nu, a nan ’boroji lepeŋ a tiŋdi nye i ŋdi a ŋutu jore. Kogwon nan MATAT a suŋga Siona; a nan iŋge suŋga piritön murwöki kanyit, a nan tiŋdi yöbu nanyit i gwon gwoso Edene, ko yöbu nanyit na sese i gwon gwoso melesen nio na MATAT; a lyöŋön ko nyola mo ryeni kanyit, ko tiŋdu na lyöŋesi se ko yolo na kölisi.

Yeremia 23:3

a kirut nan ko mugun nio mo tutuŋdye pitönö ti teŋ na köbilu kwe i jurön liŋ logon nan köju a rikoddi se kata kulu, a nan mo nyökuŋdye se kase i ŋoro, a se mo rade radan, a mo ŋdine ŋdi.

Yeremia 23:4

A nan mo wuluŋdye kayukuk logon mo yuggu se, a köbilu kwe mo tine kujönö köti, kode delya, a nene nase mo tine likin köti. Kilo a kulyaesi kwe ti MATAT.

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 31:27

Nan MATAT lo kulya adi, Perok kilo popo logon nan mo weja kötumit na Yisaraele se ko na Yuda ko nyomot logon a ŋutu se ko logon a toro ’bo.

Yeremia 33:12

Nan MATAT lo kurumi lo kulya adi, Kayukuk se ko yidin kase mo köti peron kak i yukan i na pirit nagon a murwo ’bak ŋutu kode kijakwa na, ko i köjinö kanyit liŋ.

Ejikele 16:55

Nyena a kiösur nagon a Sodoma ko ŋwajik kanyit nawate mo yitöni i gwiliŋit lose lo ’beron, a Samaria ko ŋwajik kanyit nawate mo yitöni i gwiliŋit lose lo ’beron, a do se ko ŋwajik kunök nawate mo yitöni i gwiliŋit losu lo ’beron.

Ejikele 35:9

A nan mo koŋdi jur losu a murwö ŋupi, a köjinö kasu mo tine si ’darikin. A kirut ta mo deŋdi adi nan logon a MATAT.

Ejikele 36:35

A ŋutu ti diŋit na popo mo kulyani adi, Na kak nagon köju gwon a murwö na aje wora gwoso melesen na Edene; a köjinö nagon köju a rubajin, ko kunie a murwöki, ko kunie a kökörötu kune soŋinana si ’darikin si ’darikin a gwe ko mariŋan nago.

Ejikele 37:13

Ta ŋutu kwe, ta mo deden adi nan logon a MATAT i diŋit na ŋaji nan gulömö kasu a toŋiuŋdye ta kaŋo kasu i gulömö nu.

Ejikele 37:26

A nan mo teteŋdi tomoret na taliŋ ko lepeŋat, a ŋina tomoret mo yeŋe ko lepeŋat ŋupi, a nan mo tiŋdi lepeŋat i gwolor nyu a mo tuŋdije se, a nan mo tiŋdi pirit nio nake na rurwan kase kiden ŋupi.

Ejikele 37:6

A nan mo to ’depakiŋdye ta murilö, a lokore na mugun mo juuŋdye juuŋdya kasu, a nan mo muŋge ŋina lokore ko ’böriköt, a tiŋdi köbuŋöt kasu i mugunya anyen ta yuyukan, a ta mo gwe jörun; a ta mo deŋdi adi nan logon a MATAT.

Osea 2:1

Nyena a do mo kulyani ko lupösurök adi, Ta a ŋutu kwe, koti a mo kulyani ko kiosurok adi, Ta aje woŋorikin konyen.

Osea 2:20

A nan mo yemuŋdye do a mo tine loruggo; a do mo deŋdi nan MATAT.

Amosa 9:11

A i ŋilu lor a nan mo ’bilikiŋdye tumatyan na Dawidi ki nagon gwoso morogo nagon a ’doro kak na, a nyöggi teteŋdya piriton kanyit na tutulujo, a ’bilikiŋdye murwo nanyit ki a nyöggi ’duggö nye gwoso na ’beron koju nu,

Amosa 9:15

A nan mo nyöggi ’yuddu lepepat kase i jur, a lepepat mo köti tine gwunye kaŋo kwön i jur logon nan aje tikin lepeŋat lo. Kilo a kulyaesi kwe ti MATAT Ŋun losu.

Mika 7:14

Yuŋgi ŋutu kulok ko ture ilot, kilo a teŋ na köbilu nagon a lomore inot, logon si ’da ka ’de mu ’diŋ kata i jur logon ko kinyojin lo ’but; ti lepeŋat nyesi i jur lo Basan ko lo Gilada, gwoso i perok ti ’beron koju kulu.

Jakaria 10:8

A nan mo kukuwituŋdye se a mo momoruŋdye se i pirit na geleŋ, kogwon nan a lwökuŋdyö se, a se yitökine i pirit gwoso na köju nu.

Jakaria 2:8

A MATAT lo kurumi kulyani sona i diŋit nagon nye soŋdi nan i koŋdya na kita na kukwon i kulu gweyarijin ti ŋutu logon a ryaggu ta kulu, kogwon nye logon a ’bo ’yu ta lo aje ’bo ’yu kiden na kone lonyit lo MATAT,

Nyökit 30:5

a MATAT Ŋun losu mo joŋdi ta i lu jur lomore lo merenyejin kasu, anyen ta mo ’debba lepeŋ a losu; a nye mo konakiŋdye ta ’bura, a mo tupöŋe ta lwölwöŋ merenyejin kasu.

Ebere 11:40

kogwon Ŋun aje ’delakin yi ŋo nagon a na ’but bia parik lwölwöŋ kine, adi lepeŋat ködyö ti bulö tetena a lo ’but jojo ake ko se a morakiŋdya kayaŋ.

1 Yoane 5:20

Yi deden adi Ŋuro lo Ŋun aje po. Lepeŋ aje tiŋdu yi kuruŋdyö na kulya anyen yi deden nye logon a gwak lo. Yi gwon ko lepeŋ logon a gwak lo i mugun, kogwon yi gwon ko Yesu Kristo Ŋuro lonyit i mugun. Ŋilo a Ŋun ’diri; ŋina a ru na yeŋ nyin.