Ejikele 36:10 - Bibilia Buk na Ŋun nagon koti luŋu a

¹⁰ A nan mo tupöije ŋutu anyen si ’da kasu pini, kweja adi kilo a ŋutu ti kötumit na Yisaraele ’bukuluŋ. A köjinö mo si’darikin si ’darikin, a piritön nagon a rubajin kune mo nyököni ’dukö.

Ejikele 36:10 Iomraidhean Croise

Yisaya 27:6

A i kilu perok lo popo kulu a kötumit na Yakobo mo ’bekoddi kokorite nanyit kak, a ŋina kötumit na Yisaraele mo turöne turö, a wile wilan, a mo töjoreji kak ko ludweki.

Yisaya 51:3

kogwon nan a luŋgu lepeŋ nagwoŋdi nye geleŋ nu, a nan ’boroji lepeŋ a tiŋdi nye i ŋdi a ŋutu jore. Kogwon nan MATAT a suŋga Siona; a nan iŋge suŋga piritön murwöki kanyit, a nan tiŋdi yöbu nanyit i gwon gwoso Edene, ko yöbu nanyit na sese i gwon gwoso melesen nio na MATAT; a lyöŋön ko nyola mo ryeni kanyit, ko tiŋdu na lyöŋesi se ko yolo na kölisi.

Yisaya 52:9

Ta piritön ti Yerusalema na gwon a murwöki, sulujeta yolo i pirit na geleŋ; kogwon MATAT aje suŋga ŋutu kanyit, a nye aje lwöŋgu Yerusalema.

Yisaya 58:12

A ŋutu kasu mo ’duŋge murwöki ti ’beron kunu; a ta mo nyöŋgi ’duggö kadijik nagon merenyejin kasu köju a pipi ’yu ’beron kunu, a ta mo luŋuni a katetenak ti piritön ti mejiŋ nagon a duduyömö, ko a kanyönyökök ti ’baŋin nagon a körö.

Yisaya 61:4

A se nio nyöŋgi ’duggö murwöki ti ’beron kunu, a se mo ’bilikiŋdye piritön na kököro köju kiinu ki, a se mo teteŋdi köjinö nagon a murwöki, ko piritön na kökörö suluja i nyakwariat ti ’befon köju kulu.

Yeremia 30:19

A pupuresi se ko gworolo ti kalyöŋök mo kuörö kaŋo i kine köjinö lukata. A nan mo tuŋdije kilo ŋutu, a se mo tine kakaruŋdya ku ’dik. A nan mo tiŋdi lepeŋat i bula, a se mo tine lawe.

Yeremia 31:24

A ŋutu ti Yuda ko ti köjinö kase liŋ mo si ’dani nyu i pirit na geleŋ, mora ko kakuruk se ko ŋutu lo meyaddu yidin kase.

Yeremia 33:12

Nan MATAT lo kurumi lo kulya adi, Kayukuk se ko yidin kase mo köti peron kak i yukan i na pirit nagon a murwo ’bak ŋutu kode kijakwa na, ko i köjinö kanyit liŋ.

Ejikele 36:33

Nan MATAT ŊUN lo kulya adi, 1 lor logon nan mo toke ’yi ta i toronjin kasu liŋ nu, a nan mo tiŋdi köjinö i si ’darikin, a mo tiŋdi piritön nagon a rubajin kune i nyökö ’dukö.

Ejikele 36:37

Nan MATAT ŊUN lo kulya adi, Nan mo köti rurukökin kötumit na Yisaraele i pija na nan i kitakiŋdya na lepeŋat. Iŋkoi, nan mo tutuŋdi ŋutu kase gwoso teŋ na yidin.

Ejikele 37:11

A kirut lepeŋ takiŋdye nan adi, Ŋuro lo ŋuto, kilo kuyu a kötumit ’bukuluŋ na Yisaraele. Mete, se kulya adi, Kuyu kaŋ gwe a loteyok, yenet nikaŋ aje ’baka; yi aje ’duŋöji kaŋo asut.

Ejikele 37:21

A kirut kulyani ko lepeŋat adi, MATAT ŊUN lo kulya adi, Mete ta, nan mo jojon ŋutu ti Yisaraele kaŋo i jurön logon lepeŋat aje tu kata kulu, a nan mo momoruŋdye lepeŋat i swötön liŋ, a nan mo nyökuŋdye lepeŋat i jur lose.

Ejikele 37:22

A nan mo koŋdi se a jur geleŋ i kak nase i merya ti Yisaraele, a lepeŋat liŋ mo gwe ko mor geleŋ; a lepeŋat köti mo tine gwon a jurön murek, kode kora a tumatyanjin murek.

Ejikele 37:26

A nan mo teteŋdi tomoret na taliŋ ko lepeŋat, a ŋina tomoret mo yeŋe ko lepeŋat ŋupi, a nan mo tiŋdi lepeŋat i gwolor nyu a mo tuŋdije se, a nan mo tiŋdi pirit nio nake na rurwan kase kiden ŋupi.

Ejikele 39:25

Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.

Amosa 9:14

A nan mo nyokuŋdye ŋutu kwe Yisaraele kaŋo i to ’dupien, a lepeŋat mo nyoggi ’duggö köjinö nagon a murwöki a si ’dani kata; a se mo ’yuddi kaden ti binyo a möji binyo kase, a se mo kuŋi meleseno a nyesi ludweki kase.