Ejikele 36:1 - Bibilia Buk na Ŋun nagon koti luŋu a

¹ Nyena do ŋuro lo ŋuto, keŋ keju, taki merya ti Yisaraele adi, Ta merya ti Yisaraele, yiŋge ta kulyaet lo MATAT.

Ejikele 36:1 Iomraidhean Croise

Yeremia 22:29

Do jur, do ŋilo jur, do jur, yiŋge ta kulyaet lo MATAT!

Ejikele 20:47

Taki rudu lo jur lo Loki adi, Yiŋge kulyaet lo MATAT, adi, Nan MATAT ŊUN lo kulya adi, Mete, nan mo mokakiŋdya kimap konut kiden, a ŋina kimaŋ mo totumbe kaden kulök liŋ lodök se ko kaden kulök liŋ loteyok; a kimaŋ na tutule mo tine pepa, a komo-ösikan ti ŋutu liŋ mo rölöni rölö suluja i swöt lo loki tojo i swöt lo lobot.

Ejikele 33:28

A nan mo koŋdi jur a murwö ko a ruba; a riŋit nagon ŋilo jur bu ’ye mugun na mo ’bakani ’baka, a merya ti Yisaraele mo gwe a rubajin, anyen po gwon ’bayin lo lwöpöddu kata.

Ejikele 34:14

A nan mo tunyeji lepeŋat i pi-riton nagon a leme, a merya lojo ti Yisaraele mo gwe a piritön nagon lepeŋat nyesu kata. Nyu a lepeŋat mo pere kak i pirit nagon döru a duma kata, lepeŋat mo nyesu i loki na merya ti Yisaraele.

Ejikele 35:15

Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 36:2

Nan MATAT ŊUN lo kulya adi, Merok a kweni ko ta adi, Aha! piritön nagon a ko ’dulan na yeŋ nyin kune gwe a kaŋ.

Ejikele 36:4

Nyenagon ta merya ti Yisaraele, yiŋge ta kulyaesi kwe ti MATAT ŊUN, na kulyari nan ko merya, ko lurwat, ko karya, ko piritön na ’dir, ko piritön nagon a murwoki, ko köjinö nagon aje kölöki kana ’bak ŋutu ko a ryaka, nagon ŋutu ti kulye jurön lo didipö kulo ’dö ’dö se.

Ejikele 36:8

Ama ta merya ti Yisaraele, kenia kasu mo wiwilan, a mo rade ludweki a ti ŋutu kwe Yisaraele, kogwon lepeŋat mo yiyito mede i diŋit a na ’dit.

Ejikele 37:22

A nan mo koŋdi se a jur geleŋ i kak nase i merya ti Yisaraele, a lepeŋat liŋ mo gwe ko mor geleŋ; a lepeŋat köti mo tine gwon a jurön murek, kode kora a tumatyanjin murek.

Ejikele 37:4

a lepeŋ köti takiŋdye nan adi, Keŋ keju, taki kilo kuyu adi, Ta kuyu loteyok, yiŋge ta kulyaet lo MATAT.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Yoele 3:2

a nan mo momoruŋdye jurön liŋ, a mo joŋdi se kak i pirit na ’dir na Yosepata, a nan mo ’duŋokiŋdye putet nyu kogwon kulya ti Yisaraele logon a ŋutu kwe lomoriot, kogwon se a torekin lepeŋat i kiden na jurön, a iŋge kökörö jur lio.