Ejikele 35:3 - Bibilia Buk na Ŋun nagon koti luŋu a

³ taki lepeŋat adi, MATAT ŊUN lo kulya adi, Ta ŋutu ti mere Seir, mete ta, nan a miriku losu, a nan mo riöddi könin lio kaŋo i mörö ko ta, a nan mo koŋdi jur losu a murwö ko a ruba.

Ejikele 35:3 Iomraidhean Croise

Yeremia 15:6

Nan MATAT lo kulya adi, Ta aje renya nan, ta yeŋon kukutörö bot; nyena nan aje riörö könin lio kasu loki i tukaŋu na ta; nan aje dara pitökiŋdyo.

Yeremia 21:13

Nan MATAT lo kulya adi, Do naŋon si ’da i pirit na ’dir, iŋkoi, do lurutat logon gwon i pirit naŋon a ’dar, mete, nan a miriku ilot.Do kulya adi, Ŋa logon mo po kak ni i mörö koyi? Adi, Ŋa logon mo lulupe i pirit naŋon yi si ’da kata na?

Yeremia 49:13

Kogwon nan MATAT lo milyeju ’diŋdya mugun adi, ’Diri ’diri Bosera mo wora a ŋo torigwökit, ko a ’diuket, ko a murwö, ko a lömit; a turön kanyit liŋ mo gwe a murwö ŋupi.

Yeremia 49:17

Edom mo wora a ŋo torigwökit; ŋutu liŋ logon lwöpöddu kata kulo mo sösöŋu, a mo ’diuŋge ’diugga kogwon tukara nanyit liŋ.

Yeremia 51:25

Nan MATAT lo kulya adi, Do mere katukaranit logon tukaŋu kak ’bukuluŋ lo, mete, nan a miriku ilot. Nan mo ririörö könin lio i mörö ko do, a nan mo dukuŋdye do i lurwat, a do mo gwugwulupundye kak, a mo koŋdi do a mere lo nokan.

Yeremia 6:12

A kulye ŋutu mo ruddye kadijik kase ko meleseno kase se ko wate kase. Kogwon nan MATAT lo kulya adi, Nan mo ririörö könin lio kaŋo i mörö ko ŋutu ti lo jur.

Ejikele 21:3

Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

Ejikele 25:13

nyenagon nan MATAT ŊUN lo kulya adi, Nan mo ririörö könin lio i jur lo Edom, a mo tu ’baka ’yi ŋutu se ko kijakwa i lukata nanyit. A nan mo koŋdi lepeŋ a murwö suluja Teman ma ’di tojo ko Dedan, a se mo totokoni kak ko baŋdujin.

Ejikele 29:10

Nyenagon mete, nan a miriku ilot do se ko kinasi kulök ti Supiri, a nan mo koŋdi jur lo Ejipeto a ruba ko a murwö, suluja Migedola tojo ko Sewene, köti tojo ko lokökorit lo Etiopia.

Ejikele 29:3

Tambi jambu, ko taki lepeŋ adi, MATAT ŊUN lo kulya adi, Do Paro mor lo Ejipeto, do kinyop duma logon piriki i kiden na kinasi ti Supiri, mete, nan a miriku ilot. Do kulya adi, Supiri ilot a ilot lomore, do lo teteŋdya lepeŋ.

Ejikele 35:15

Nyena nan mo kokonakin jur losu gwoso na lyöŋgi ta ko jur lomore lo kötumit na Yisaraele kogwon nye a kona a murwö. Do mere Seir, iŋkoi, do jur lo Edom liŋ mo gwon a murwöki kweja adi i swötön kulök liŋ. A kirut ŋutu mo deŋdi adi nan logon a MATAT.

Ejikele 35:7

A nan mo koŋdi mere Seir a ruba ko a murwö. a nan mo tu ’baka ’yi kata ŋo liŋ lo popo ko lo tutu.

Ejikele 5:15

A na ’duŋökiŋdye nan ŋutu kulök putesi, i riŋga na se ko woran nio duma na pape nu, a do mo gwe a ŋo na ’dö ’döyö ko a na lalawe, ko a kweyet tokujönöet, ko a ŋo nagon tusöŋu ŋutu ti jurön liŋ logon lorga do kulo. Nan MATAT aje jambu.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Ejikele 6:14

A nan mo riöddi könin lio kase loki, a mo koŋdi jur lose a murwö i piritön liŋ nagon se sisi ’dari kune, iŋkoi, a naron parik lwölwöŋ yöbu na sese na gwon nyona ko Ribila. A kirut lepeŋat mo dene den adi nan logon a MATAT.

Naum 2:13

Nan MATAT lo kurumi lo kulya adi, Nan a miriku losu, nan mo ’yu ’yur arabiajin kasu lo jijiko, a mo tatuje torela kasu ti komiruŋt ko baŋdujin, a nan mo tutuŋe tutuŋ po nagon ta a koja i kak ni kune, a gworolo ti luyökie kasu mo tine yiŋa koti kwöŋ.

Naum 3:5

Nan MATAT lo kurumi lo kulya adi, Nan a miriku ilot, a nan mo banyaddi boŋgo inot na mukok ki tojo konut i kwe, a mo kwekiŋdye juron se ko tumatyan mugun inot a limu kana nagon tiŋdu ŋutu yu na kwe na.

Malaki 1:3

a nan maŋdi Esau; nan aje tiŋdu Jur lonyit lo merya i gwon a murwö, a nan kölökiŋdye Jur lonyit lomore i kijakwa ti yobu,