Ejikele 34:6 - Bibilia Buk na Ŋun nagon koti luŋu a

⁶ Köbilu kwe aje rekin, a lepeŋat wirte wirtö i loki na merya liŋ, ko i lurwat liŋ lojo. Iŋkoi, köbilu kwe aje rekin i kak ’bukuluŋ, a ŋutu gwe ’bayin lo pipija kode galaddu se.

Ejikele 34:6 Iomraidhean Croise

Saumajin 119:176

Nan a girara gwoso köbilityo na likin; galaddi nan köliŋönit ilot kogwon nan ti böŋö saresi kulök.

Saumajin 142:4

Nan a boŋaddu köyö i könin lutaten, a nan gwe a ko ryö ju köyö nyona; ŋirit ’bayin nagon nan wökön kata i ’dana, a ŋuto gwe ’bayin lo yeyeju nan.

Yisaya 51:18

A ŋuto gwe ’bayin i kiden na ŋwajik kulök liŋ lo yugun do kulo logon nyömöddu do; a lele gwe ’bayin i kiden na ŋwajik kulök liŋ lo wowo do kulo logon jiggö do ko könin.

Yeremia 10:21

Kayukuk ti ŋutu a lu ’böŋ, lepeŋat a ko piyuŋdya ko MATAT, nyenagon a kulya kase tine tu ’bura, a yidin kase liŋ iŋge rekin.

Yeremia 13:16

Bu ’ye ta MATAT ŋun losu i ŋerot nagon nye a ko nyuŋ joŋdya mudwe, a kokwe nagon ta a ko nyuŋ kopuko i merya logon gwoso korikori na kak kulu; ta ga ’yu parara ama a nye mo lopuke a mudwe lurwo adi ’dii.

Yeremia 5:1

Wowokine ta abur i kikolin ti Yerusalema anyen ta memet ko denuŋdya kago kode gona ŋuto lo rigwo kata. Iŋkoi, gale ta ga piriton kanyit liŋ nagon a ’dara kana kode gona ŋuto lo gaga ’yu to ’diri kata, anyen nan bogo pipitokin ŋinu köji.

Yeremia 50:6

Ŋutu kwe a likin gwoso köbilu; kayukuk kase aje tulyapara lepeŋat, a se tiŋdi se i wörö abur i merya; lepeŋat wöröji suluja i merya tojo ko lurwat, a iŋge böŋö pirit nase nagon a goro lose na.

Ejikele 34:7

Nyena ta kayukuk, yiŋge ta kulyaet lio lo MATAT.

Ejikele 7:16

A ko kulye kase a rwosoddu a woki i merya, a se mo gwine gwoso gureki ti pirit na ’dir, ŋuto geleŋ gwi ko toron nanyit.

Osea 7:13

Wöidiö i Lepeŋat, kogwon se aje girara kaŋo koyö! Ti tukaret ’duki ko Lepeŋat loki kogwon se a renya nan! Nan ködyö lwölwök se, ama a se jambi ’burönö i kulya kwe.

Yoele 3:2

a nan mo momoruŋdye jurön liŋ, a mo joŋdi se kak i pirit na ’dir na Yosepata, a nan mo ’duŋokiŋdye putet nyu kogwon kulya ti Yisaraele logon a ŋutu kwe lomoriot, kogwon se a torekin lepeŋat i kiden na jurön, a iŋge kökörö jur lio.

Yoane 10:16

Kunie yidin kwe kata nagon ’bayin a ti lo goro. Nan ködyö jojon se köti, a se mo yiŋge gworo liŋ, a se mo gwe a teŋ geleŋ ko kayukunit geleŋ.

1 Petero 2:25

Ta aje tobiala kogwon ’dikasin kanyit na ’bitoki kune.Ta koju aje gigiri gwoso yidin, ama soŋinana ta aje yitwe ko Kayukunit ni logon a Kametanit lo ködudwölön kasu lo.