Ejikele 34:5 - Bibilia Buk na Ŋun nagon koti luŋu a

⁵ Nyena a lepeŋat iŋge rekin kogwon kayukunit ’bayin, a lepeŋat iŋge kölöki i nyei ko gwuruŋin.

Ejikele 34:5 Iomraidhean Croise

1 Moran 22:17

A Mikaya kulyani adi, Nan a met ŋutu liŋ ti Yisaraele a rekin i merya kata gwoso yidin nagon ’bak kayu-kunit; a MATAT kulyani adi, Duma lo kilo ŋutu ’bayin; ti se liŋ geleŋ geleŋ yitöni kase i ’bapin ko taliŋ.

2 Dekat 18:16

A Mikaya kulyani adi, Nan a met ŋutu liŋ ti Yisaraele a rekin i merya kata gwoso yidin nagon ’bak kayukunit; a MATAT kulyani adi, Duma lo kilo ŋutu ’bayin; ti se liŋ geleŋ geleŋ yitöni kase i ’baŋin ko taliŋ.

Yisaya 56:9

Ta kijakwa liŋ ti mu ’diŋ ko ti yöbu, poŋdi ta i nyesu.

Yeremia 10:21

Kayukuk ti ŋutu a lu ’böŋ, lepeŋat a ko piyuŋdya ko MATAT, nyenagon a kulya kase tine tu ’bura, a yidin kase liŋ iŋge rekin.

Yeremia 23:2

Nyenagon nan MATAT ŋun lo Yisaraele lo jambu i kulya ti kayukuk lo yuggu ŋutu kwe kulo adi, Ta aje torekiŋdya teŋ na köbilu kwe, ta aje rikörö se mu ’diŋ, a ta gwe a ko met se ’bura. Mete ta, nan mo memet ta kogwon konesi kasu narok, ŋilo a nan MATAT lo jambu.

Yeremia 50:17

Ŋutu ti Yisaraele a köbilu na totogora nagon kömiruöt a rikörö kaŋo. A kokwe mor lo Asura lo koja lepeŋat, i mukök a Nebukadaresar mor lo Babela lo pije kuyu kase.

Ejikele 33:21

A i perok mukanat ti yapa topuök, i kiŋa topuök wot murek, lo gwoŋdi yi i to ’dupien lu, a ŋuto logon aje rwösu-ŋdyö kaŋo i Yerusalema yu lo poŋdi köyö ni, a takiŋdye nan adi, Köji nu aje ’doro ko merok i könisi.

Ejikele 33:28

A nan mo koŋdi jur a murwö ko a ruba; a riŋit nagon ŋilo jur bu ’ye mugun na mo ’bakani ’baka, a merya ti Yisaraele mo gwe a rubajin, anyen po gwon ’bayin lo lwöpöddu kata.

Ejikele 34:28

A jurön mo tine ryaggu lepeŋat köti, a gwuruŋin ti mu ’diŋ mo köti tine koja lepeŋat; a lepeŋat mo si ’dani ’bura lele ŋo ’bayin lo tokujöŋdu se.

Ejikele 34:6

Köbilu kwe aje rekin, a lepeŋat wirte wirtö i loki na merya liŋ, ko i lurwat liŋ lojo. Iŋkoi, köbilu kwe aje rekin i kak ’bukuluŋ, a ŋutu gwe ’bayin lo pipija kode galaddu se.

Ejikele 34:8

Nan MATAT ŊUN lo kulya adi, ’Diri ’diri gwoso na gwoŋdi nan na, kogwon köbilu kwe aje kölöki i kokoa, iŋkoi, köbilu kwe aje nyei ko gwuruŋin, kogwon kayukunit ’bayin; köti kogwon ŋutu kwe logon a kayukuk a ko galaddu köbilu kwe, ama lepeŋat deŋdi tunyeju ’borik, a gwe a ko tunyeju köbilu kwe;

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Kenet 27:17

logon mo tu kaŋo kase ŋerot a mo lubbe lukata kase ŋerot, logon mo nyömöddu se kaŋo a mo tolupödöi se lukata; an momoret na MATAT ko gwon gwoso köbilu nagoŋ ’bak kayukunit.

Matayo 9:36

A Yesu ko meddi lodir lo ŋutu a nye wone konyen ko se, kogwon se gwon gwosoyidin nagon ’bak kayukunit, a iŋge yo yoŋo a reki abur.

Marako 6:34

A nagon Yesu aje kiyuŋdya kaŋo i ki ’bo nu, a nye meddi lodir duma lo ŋutu, a nye wone konyen ko se kogwon se gwon gwoso yidin nagon ’bak kayukunit. A nye suluje todinikiŋdyö lepeŋat ŋo jore.

Yoane 10:2

ama nye lo lupöri kötumit lo a kayukunit lo yidin.