Ejikele 34:3 - Bibilia Buk na Ŋun nagon koti luŋu a

³ Ta möju le, a ta tojubbi ’börik ko boŋgwat na gweya ko kupir ti köbilu, a ta ’duŋge köbilu lopir, ama a ta tine tunyeju köbilu.

Ejikele 34:3 Iomraidhean Croise

2 Moran 21:16

Köti luŋa Manase a ’buköddu rima na mamaŋa jore parik, tojo lepeŋ a tojore Yerusalema i ’dutet tojo ko nene ’dutet, kökö toron nagon nye a tiŋdi kötumit na Yuda i toroŋdya anyen se koŋdya ŋo nagon a naron ko MATAT i metet.

Tolupesi 30:14

Kulye ŋutu kata logon kala kase a bandujin, logon lili kase a walya, anyen tutuŋge nyesi lomerika i kak, ko se lo gwon ko yöŋö i kiden na ŋutu.

Yisaya 1:10

Ta kasarak ti Sodoma, yiŋge ta kulyaet lo MATAT! Ta ŋutu ti Gomora, gakiŋdye ta swo kasu i todinesi ti ŋun likaŋ!

Yisaya 1:15

A ko ta a mamanyuŋdya ko konisi kasu, a nan de muŋge konyen kwe ko ta; ma ’di ködyö ta a kwakwaddu kwakwasesi jore, Könisi kasu a jore ko rima;

Yeremia 2:30

’Bulit ’bayin nagon nan gwuddyö ŋwajik kasu kak, tojumisi kwe ti yiŋa; a ta gwe gwoso kömiru nagon a kaŋ ai tatuja na nebijin kasu ko walya kasu.

Yeremia 22:17

Ama konyen kulök ko töili ilot tuŋ ’dekan ’bulit naŋon do ryö i kiko loron, a do tuŋ ’deke ’buköddu rima na mamapa, a do köti ’deke ru ’ya ŋutu ko riŋit.

Delyasi 4:13

Kine kulya a pokin kogwon toronjin ti nebijin ti ŋinu köji se ko lyaŋesi ti koanejin kanyit, logon a ’bukuŋdyo rima ti ŋutu ti loti lo rigwo i lukata nanyit.

Ejikele 19:3

A lepeŋ wowoji lele lo torela kanyit, a ’duŋe a titinti, a jujumbi koja lokore, a nyesi ŋutu.

Ejikele 19:6

A pilu wöröni abur i kiden na kömiruöt, a iŋge ’duŋö a kömiru titinti, a jujumbi koja lokore, a nyesi ŋutu.

Amosa 6:4

Wöidiö i ŋutu lo piriki i dotoesi na tokwelenyo ko kala ti tome, a rikiŋdye ’börik kase i dotoesi, a nyesi yisi lo ’dumwe i teŋ na yidin, se ko kaja na ’dumwe i goro;

Jepania 3:3

ŋutu temejik logon si ’da i lukata nanyit kulo gwon gwoso komi-ruot lo rurumon; a ka ’duŋok kanyit ti putesi gwe gwoso lujin lo woro i sömukö logon ti kolokiŋdyo nene ŋina tojo ko ko ’bure.

Jakaria 11:16

Kogwon mete, nan MATAT gwon i ’bilikiŋdya kayukunit i ŋilu jur logon ti yeyeju yidin nagon a likin kune, a nye tine ga ’yu yidin nagon a rekin, kode toke ’ya yidin nagon a bata, kode tunyeju se nagon a na ’but, ama a nye nyesi lokore na yidin nagon a napir, a iŋge koko ’yu ma ’di sulukwakan kase,

Jakaria 11:5

A kagwörök kase ’duŋge se ’bak kujönö, a katugwörök kase kulyani adi, Ti MATAT purani pura kogwon yi gwe a kwörinikö. A kayukuk kase tine won konyen ko se.