Ejikele 34:23 - Bibilia Buk na Ŋun nagon koti luŋu a

²³ A nan mo tiŋdi ŋuto geleŋ logon a Dawidi köliŋönit lio a kayukunit lose, a lepeŋ mo lo tunyeji se, iŋkoi, lepeŋ mo lo tunyeju se a gwe a kayukunit lose.

Ejikele 34:23 Iomraidhean Croise

Saumajin 78:71

a nye joŋgi lepeŋ i meyaddu na köbilu nagon nönökö, anyen yuggu ŋutu kanyit ti Yakobo, kweja adi i yuggu na ŋutu ti Yisaraele logon a lomoriot kanyit.

Saumajin 89:49

MATAT, kuniya konesi kunök ti nyaŋu ti köju kunu? Niya to ’diri inot nagon do a milyekin Dawidi?

Katokuönit 12:11

Tamesi ti ŋutu lokoŋ a lopi gwoso loya, ko gwoso musumar logon a ’bikiki go. Kilo a jamesi logon a pepena lo jam kayukunit geleŋ.

Yisaya 11:1

A kene mo wilu i kumut na Yisai, a kene mo ŋunu kaŋo i kokori kanyit.

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yeremia 3:15

A nan mo tiŋdi ta kayukuk logon töili lio ’de ’deggi kulo, a lepeŋat mo yuggi ta ko deŋdya se ko kuruŋdyö na kulya.

Yeremia 30:21

A matat lose mo gwe a ŋuto lose, iŋkoi, a lele lose mo puku i saŋuna se. A nan mo tiŋdi lepeŋ i mijun köyö nyona, a nye mo poŋdi köyö nyona, ko ’bayin sona, a ŋa logon papakanyit pukun i kalet no kiŋdya ru nanyit i po köyö nyona? ŋilo a nan MATAT lo pija.

Yeremia 30:9

Ama a se mo kitakiŋdye nan MATAT Ŋun lose se ko Dawidi mor lose logon mo titiki kase ŋerot lo.

Yeremia 33:14

Nan MATAT lo kulya adi, Mete, perok molu popo logon nan mo koŋdi milye logon nan a milyekin kötumit na Yisaraele ko na Yuda lo.

Ejikele 34:13

A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 34:15

A nan ko mugun nio mo lo gwe a kayukunit lo köbilu kwe,

Ejikele 37:22

A nan mo koŋdi se a jur geleŋ i kak nase i merya ti Yisaraele, a lepeŋat liŋ mo gwe ko mor geleŋ; a lepeŋat köti mo tine gwon a jurön murek, kode kora a tumatyanjin murek.

Osea 3:5

A i mukok a ŋutu ti Yisaraele mo yitwene i ga ’yu na MATAT Ŋun lose se ko Dawidi mor lose; a se mo ŋoŋdi ko Matai ni bobonuŋdyo yinuŋdyo kulya kanyit na ’but ti molu nu.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.

Yoane 10:11

Nan a kayukunit lo ’but. Kayukunit lo ’but pakiŋdya ru nanyit kogwon yidin kanyit.

Yoane 10:16

Kunie yidin kwe kata nagon ’bayin a ti lo goro. Nan ködyö jojon se köti, a se mo yiŋge gworo liŋ, a se mo gwe a teŋ geleŋ ko kayukunit geleŋ.

Ebere 13:20

Ŋun a toŋiju Matat likaŋ Yesu i twan, logon a kayukunit duma lo yidin kogwon ’bukwe na rima kanyit i tomoret nagon Ŋun a torukökin koyi ko milye lo yeŋ nyin.

1 Petero 2:25

Ta aje tobiala kogwon ’dikasin kanyit na ’bitoki kune.Ta koju aje gigiri gwoso yidin, ama soŋinana ta aje yitwe ko Kayukunit ni logon a Kametanit lo ködudwölön kasu lo.

1 Petero 5:4

A na pukuŋdye Kayukunit duma nu, a ta mo wuji Iŋguya telet logon a bulet lo ti riŋön.

Kweyatti 22:16

Nan Yesu a sunyuŋdyo malaikatat liŋ i tokurukiŋdyö na ta kine kulya kogwon kulya ti kanisajin. Nan a kokorite ko a nyakwari lo Dawidi. Nan a dabur lo kokobbu.

Kweyatti 7:17

kogwon ŋilo Kilolor logon gwon i kiden na si ’daet lo mo gwon a kayukunit lose a mo nyömöddi se i kidia ti pioŋ toruesi; a Ŋun mo seji ŋolitan liŋ kase i konyen.