Ejikele 34:2 - Bibilia Buk na Ŋun nagon koti luŋu a

² ŋuro lo ŋuto, keŋ keju kulya narok i kulya ti kayukuk ti Yisaraele, keŋ keju ko taki lepeŋat adi, Ta kayukuk, MATAT ŊUN lo kulya adi, Wöidiö, ta kayukuk ti Yisaraele logon deŋdya tunyeju ’börik kilo! Kayukuk ködyö ti tunyeju yidin le?

Ejikele 34:2 Iomraidhean Croise

2 Samuele 5:2

I diŋitan na lwoŋgu nagon Saula lo gwon a mor likaŋ nu, do köju lo nyömbu ŋutu ti Yisaraele i gor ko i nyököddu bot; a MATAT iŋge kulya ko do adi, Do mo lo gwon a kayukunit lo ŋutu kwe Yisaraele, a do mo gwe a kanyömönit lose.

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yisaya 56:11

Se a ’dioŋjin lo gwon ko maŋor ŋupi; a se tine yimönö kwöŋ. A kayiŋituk köti gwe ’bak tirikwet; a se liŋ geleŋ geleŋ girara i kikolin kase, ŋuto geleŋ yöŋö ’bulit nanyit, ma ’di i lon swöt.

Yeremia 10:21

Kayukuk ti ŋutu a lu ’böŋ, lepeŋat a ko piyuŋdya ko MATAT, nyenagon a kulya kase tine tu ’bura, a yidin kase liŋ iŋge rekin.

Yeremia 12:10

Kayukuk jore aje kör luköbi nio na binyo, lepeŋat a ryoryok melesen nio, a iŋge kon na melesen nio nakwekwelen a yobu kana.

Yeremia 2:8

A koanejin gwe a ko pija adi, MATAT liya? Bodwat ti saresi a ko yeye nan, kayukuk ti ŋutu a toroŋdya nan, a nebijin kekejiti i karin ti Bala a kepoddi ŋo nagon ’bak ’bulit.

Yeremia 23:1

Nan MATAT lo kulya adi, Wöidiö kayukuk logon tiŋdu teŋ nio na köbilu i rekin, a liki likin kulo!

Yeremia 3:15

A nan mo tiŋdi ta kayukuk logon töili lio ’de ’deggi kulo, a lepeŋat mo yuggi ta ko deŋdya se ko kuruŋdyö na kulya.

Ejikele 13:19

Ta aje toluddya nan i kiden na ŋutu kwe anyen ryeju ’bolot saora ku ’dik logon sune ko könin kulo se ko tupesi ku ’dik ti ambata. A ta joŋdi twan i ŋutu logon ködyö ti twatwa kulo, a ta tiŋdi ru i ŋutu logon ködyö ti ru, kogwon ta a jamakiŋdya ŋutu kwe kulya ’burönö. Kilo ŋutu kwe nyanyar yiŋga kulya mumulukesi.

Ejikele 22:25

Ŋutu kasarak i lukata nanyit gwon gwoso kömiruöt lo rumön i koja na kijakwa; lepeŋat aje tatuja ŋutu, a ryaggi tukwörienjin kase se ko ŋo na gwörö go, a iŋge tiŋdu karu ’bejin wora jore i lukata nanyit.

Ejikele 33:24

ŋuro lo ŋuto, ŋutu lo si ’da i kunu piritön murwöki i jur lo Yisaraele kulu yeŋon kulya adi, Abarayama köju a ŋuto geleŋ ama lepeŋ a wuju lu jur a lonyit; ama kölumbö yi jore; lo jur ’diri aje tiki yi a lomore likaŋ.

Ejikele 34:1

A kulyaet lo MATAT poki köyö adi,

Ejikele 34:14

A nan mo tunyeji lepeŋat i pi-riton nagon a leme, a merya lojo ti Yisaraele mo gwe a piritön nagon lepeŋat nyesu kata. Nyu a lepeŋat mo pere kak i pirit nagon döru a duma kata, lepeŋat mo nyesu i loki na merya ti Yisaraele.

Ejikele 34:15

A nan ko mugun nio mo lo gwe a kayukunit lo köbilu kwe,

Amosa 6:4

Wöidiö i ŋutu lo piriki i dotoesi na tokwelenyo ko kala ti tome, a rikiŋdye ’börik kase i dotoesi, a nyesi yisi lo ’dumwe i teŋ na yidin, se ko kaja na ’dumwe i goro;

Jakaria 11:17

Wöidiö kayukunit logon ’bak bulit, logon a kölökiŋdyo yidin! Baŋdu mo totok könin lonyit se ko koŋe lonyit lutaten; a könin lonyit mo batani bata asut, a koŋe lonyit lutaten mo gwe a mo ’doke asut.

Yoane 10:8

ŋutu liŋ lo po köyö ŋerot köju kulu a kolak ko a karyakak, ama a yidin gwe a ko yiŋ se.

Konesi 20:26

Nyena nan tokurukiŋdyö ta i lo lor adi nan gwon a loke ’bak rima ti lele ŋuto,

Konesi 20:29

Kogwon nan deden adi i mukök nagon nan aje tu nu, a lujin kaŋajin mo poŋdi kasu kiden, a mo tine pitökin teŋ na yidin.

Roma 16:18

kogwon ŋutu gwoso kilo ’bayin kitakiŋdya Kristo Matat likaŋ, ama lepeŋat kita pelela kase. A lepeŋat mumuluŋge töilyet ti ŋutu logon ’bak kulya kulo ko jamesi lo paleleŋ se ko kulyaesi ’bu ’busesi.

2 Korinto 12:14

Soŋinana na gwe a daŋ tomusala nagon nan gwon ajo i tu kasu ŋini. Nan mo ti tudaraju ta i luŋgu na pariesi, kogwon nan ti ga ’yu ŋo kasu, ama nan ga ’yu ta ko ’börik kasu; kogwon ŋwajik ködyö ti ’delakiŋdya komonye kase tito, ama komonye ködyö lo ’delakiŋdya ŋwajik kase tito.

2 Petero 2:3

A se mo lulukuŋdye gurut kasu ko todinesi ’buröno kogwon goma nase. Ama putet logon koju ’beron a ’duŋoki i lepeŋat lo momöŋdu lepeŋat. Katukaranit lose ti doto.

Yuda 1:12

Kilo ŋutu gwon gwoso lut nagon ’yoddya ta na gwoŋdi ta i nyesu i pirit na geleŋ ko tojulin nasu na gwon ko Yesu i mugun na, lepeŋat nyesu ko möju ko to ’betan rurugga ’borik ka ’de. Lepeŋat gwoso ’dikolo na wuköji ko köbuŋöt a tine joŋdya kudu; lepeŋat gwoso kaden ti ’butun logon ti radan ludweki, lepeŋat a kaden logon a gwunye kaŋo ko kokori a iŋge twatwa asut.