Ejikele 34:18 - Bibilia Buk na Ŋun nagon koti luŋu a

¹⁸ Ta ŋona a ko nyesu leme tojo i yimönö a iŋge ryoryok lele leme le? Ta ŋona a ko möju pioŋ nake tojo i yimöno a iŋge kökobur kunie le?

Ejikele 34:18 Iomraidhean Croise

Suluet 30:15

Ama a Lea pipije lepeŋ adi, Do a tikaddu lalet lio, do yeyeju adi kine a kulya ku ’dik le? A do de tikaddi ludweki ti maŋöarak lo jon ŋuro lio kulo Köti le? A Raele waddi adi, Ko sona a nye dotoni ko do i lo tukwaje kogwon ludweki ti maŋöarak lo jon ŋuro ilot kilo.

2 Samuele 7:19

Ŋina ŋo kolumbo meta a ŋo na ’dit konut pon MATAT Ŋun; ama koti do a jambu kulya ti kotumit nio nan köli-ponit ilot i diŋitan najo ti molu kunu, a do aje kwekiŋdya nutu kine kulya pon MATAT Ŋun!

Tolupesi 25:26

Ŋuto lo rigwo logon kölökindyö ŋuto loron kiko, lepeŋ gwon gwoso loro logon pioŋ kanyit a köburö, kode gwoso kidi lo körö.

Yisaya 32:6

Kogwon lu ’böŋ jambu tu ’böŋön, a töili lonyit yeyeji ŋonyan anyen nye koŋdya tolutan a jambi ’burönö i kulya ti MATAT, anyen teŋgu ŋutu lo maŋora i nyesu na kinyo, ko anyeti renya ŋutu lo moka kure i möju na pioŋ.

Yisaya 7:13

A MATAT waddi ko nebi i kutuk adi, Nyena ta kotumit na Dawidi, yiŋge ta! Gwon a kulya na ’di ’dik kasu i tudaraju na ŋutu, nagon a ta koti de tudaraji Ŋun liŋ le?

Ejikele 16:20

a do ’dumuŋdye ŋwajik kulok lulyan ko nawate, logon do a yuŋwekin nan kulo, a wukiŋdye kilo nyomuejin a kinyo lose. Do yeyeju adi ŋina ŋo a na ’dit Iwolwoŋ wuton inot le?

Ejikele 16:47

Do a ko mirakiŋdya gwiliŋisi kase ka ’de i koŋdya na po na mamana, ama i diŋit a na ’dit a do iŋge lwöŋ se i konesi kase liŋ narok.

Ejikele 32:2

ŋuro lo ŋuto, yo ’yi köli delyaet i kulya ti Paro mor lo Ejipeto, yuluki lepeŋ adi, Wöidiö do kömiru titinti i kiden na jurön! Do gwe gwoso kinyoŋ lo gwon i Supiri, a do buŋe pioŋ ko kume ilot, a do köbuŋe pioŋ ko mokosi kulök, a kököröji pioŋ ti kinasi ti Supiri.

Ejikele 34:19

Nyo nagon köbilu kwe nyesu ŋo nagon ta a ryoryok ko mokosi kasu, a möji pioŋ nagon ta a kökobur ko mokosi kasu?

Mika 2:2

Lepeŋat be ’ya meleseno, a riŋun-dye se, a be ’yi kadijik a ’dumaddi se ko riŋit; lepeŋat ru ’ya ŋutu ko midijik kase, a ru ’ye ŋutu ko kak jin kase lomoriot.

Kenet 16:13

Ŋina a ŋo na ’dit le nagoŋ do a toyuuŋdyö yi kaŋo i jur logon le ko siwatat ’do ’dokon kata lu; anyen ko tatuja yi i yöbu, a do köti ’duŋökiŋdye mugun a matat kayaŋ ŋerot?

Kenet 16:9

ŋina a ŋo na ’dit kasu le nagoŋ Ŋun lo Yisaraele a geluŋdya ta kaŋo i momoret na Yisaraele, i tomijuŋdyö na ta kanyit nyona, i koŋdya na kita i kemia nanyit na MATAT, ko i gwo ’dan i komor na momoret i kitakiŋdya na se?

Matayo 23:13

Wöidiö, ta katodinök ti Saresi ti Mose se ko Parusijin, kamumulukak! Kogwon ta a kinun ŋutu kaŋo i Tumatyan na Ki; ta ko ’börik a ko lupö nyin, a tine rukökiŋdyö ŋutu i lupö lukata logon ’de ’dekan lupö kilo. [

Luka 11:52

Wöidiö ta bodwat ti Saresi! Ta aje ’dumara kaŋo ŋaet lo kotumit nagon ŋutu lupö i kuruŋdyö na kulya; ta ko ’börik a ko lupö nyin, a ta teŋgi ŋutu logon lupö lukata kulo.