Ejikele 34:16 - Bibilia Buk na Ŋun nagon koti luŋu a

¹⁶ a nan mo tiŋdi se i peron kak, ŋilo a nan MATAT ŊUN lo kulya. A nan mo galaddi nagon a likin kune, a nan mo nyökuŋdye bot nagon a girara kaŋo kune, a nan mo doggi nagon a böböŋoji kune ko rubatan, a nan mo ruruŋge se nagon a namunyak kune, a nan mo meddi napir ko nago; a nan mo tunyeji se ’bura.

Ejikele 34:16 Iomraidhean Croise

Saumajin 147:3

Nye totoligga ŋutu logon töilyet kase a ’be ’beleŋo kilo, a nye toŋi ’dikasin kase.

Saumajin 72:2

Ti nye ’duŋge putesi ti ŋutu kulök rigwo, ko ti nye lilikindye ŋutu kulök lomerika gwogwo!

Yisaya 1:5

Ko ta yeŋon gwon a karerenyak, a ta de ’bitoni i nan pirit? Kwe liŋ mimien, a toili liŋ aje doddya.

Yisaya 10:16

Nyenagon MATAT logon a MATAT lo kurumi, mo sunyukiŋdyö sokan i kiden na walan kanyit kamörök, a go na sa ’yu pape gwoso ’yuŋa na kimaŋ mo mokakine i kwelen nanyit lukata.

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yisaya 49:26

A nan mo tunyeji se logon ruruduja do ko mugunya kase gwak, a se mo mere meran ko rima kase gwak gwoso binyo napaleleŋ. A ŋutu liŋ mo kuruŋdye adi nan a MATAT kalwökönit ilot, ko a kadakanit ilot, nan Riŋit lo Yakobo.

Yisaya 5:17

Nyena a yisi ti köbilu mo bayaddi gwoso i pirit yukit nase, a yisi ti melon lopir mo nyööddi i rubajin.

Yeremia 10:24

Pon MATAT, riŋge nan, ama riŋge ko temet na gwon jojo, ’bayin ko woran inot abur, anyen do gwon ti tu ’baka ’yu nan.

Yeremia 23:15

Nyenagon nan MATAT lo kurumi lo jambu i kulya ti nebijin adi, Mete, nan mo tunyeju kulo ŋutu ko lo ’burtölöŋ, a nan mo tumaddi lepeŋat ko pioŋ nagon a wiri; kogwon lauŋdya nase na nan Ŋun aje rekin i jur ’bukuluŋ suluja ko nebijin ti Yerusalema.

Yeremia 23:5

Nan MATAT lo kulya adi, Mete, perok molu popo logon nan mo towiluŋdye Kene na löti lo rigwo i kumut na Dawidi, a ŋina Kene mo gwe a mor logon saŋu ko koŋon, a mo ’duŋge putesi jojo, a mo koŋdi kulya na rigwo i jur.

Yeremia 31:8

Mete, nan mo jojon ŋutu kwe lo gwon i jur lo lobot kulu, a nan mo pepenuŋdye se lo gwon i ’dutesi ti kak kulu, mora ko ŋutu mo ’dokeno, ko ŋodeki, ko wate na gwon ko ŋwajik se ko wate nagon gwe nyona ko ta ’du kune, a lepeŋat mo yitwene yitwe a lodir duma parik.

Yeremia 50:11

Ta karyakak lo ryaggu ŋutu kwe lomoriot kilo, ma ’di ködyö ta lyölyöŋi, ma ’di ködyö ta nyonyola, ma ’di ködyö ta wörö abur gwoso tagwok i döru kata, ma ’di ködyö ta wuwuŋi gwoso kusanjin kaluwak,

Yeremia 50:6

Ŋutu kwe a likin gwoso köbilu; kayukuk kase aje tulyapara lepeŋat, a se tiŋdi se i wörö abur i merya; lepeŋat wöröji suluja i merya tojo ko lurwat, a iŋge böŋö pirit nase nagon a goro lose na.

Yeremia 9:15

Nyenagon nan MATAT lo kurumi, Ŋun lo Yisaraele lo kulya adi, Mete, nan mo tunyeju kulo ŋutu ko lo ’burtölöŋ, a nan mo tumaddi lepeŋat ko pioŋ nagon a wiri.

Ejikele 20:34

Nan mo riöddu könin lio iŋgo kaŋo i joŋdya na ta kaŋo i jurön logon ta köju a tore aji kata kulu.

Ejikele 24:5

’dumuŋdye turu ’buti geleŋ logon nyumwe i teŋ. Sone kaden i ŋilo sape mukök; deŋi po na gwon i lukata nanyit kune, ko ’duni ’du kuyu kanyit köti i lukata nanyit.

Ejikele 34:11

Kogwon nan MATAT ŊUN lo kulya adi, Mete, nan ko mugun nio mo kekeŋ mukök na köbilu kwe, iŋkoi, nan mo gagalara se.

Ejikele 34:4

Ta a ko rurugga se nagon a namunyak kune, ta a ko toke ’ya nagon a gilö kune, ta a ko doggu nagon a boböpöji kune, ta a ko nyökuŋdyö bot nagon a girara kaŋo kune, ta a ko ga ’yu nagon a likin kune, ta aje yuggu se ko tukaŋan ko woran.

Ejikele 39:18

A ta mo nyesi lokorio ti ŋutu walan, ko a möji rima ti kasarak ti na kak. Iŋkoi, kilo a köbilu lopijoki, ko yisi, ko yidin, ko dwönin, kilo liŋ a toro ’bo lopir ti Basan.

Mika 5:3

Nyena nye mo puŋutukin ŋutu ti Yisaraele i konisi ti merok kase, tojo ko diŋit nagon ŋuto na gogga i ta ’duuŋdyo na a Iwoggu mugun; a kirut pitono ti luŋasirik kanyit mo yitöni yito i ŋutu kase.

Mika 7:14

Yuŋgi ŋutu kulok ko ture ilot, kilo a teŋ na köbilu nagon a lomore inot, logon si ’da ka ’de mu ’diŋ kata i jur logon ko kinyojin lo ’but; ti lepeŋat nyesi i jur lo Basan ko lo Gilada, gwoso i perok ti ’beron koju kulu.

Jepania 3:19

Mete, i ŋinu diŋit a nan mo kona-kiŋdye karudak kulok liŋ arabat. A nan mo lwöggi ŋutu logon a bata, a momori ŋutu logon aje toreki, a nan mo löpuŋge lawe nase a pupuret anyen kuörö i kak ’bukuluŋ.

Jakaria 10:3

A woran na MATAT tuleki i kayukuk, a nye mo riŋge lopijoki; a MATAT lo kurumi ’yö ’yi teŋ nanyit nagon a kötumit na Yuda ko kulya na ’but, a mo tiŋdi se i gwon gwoso kusan nanyit nagon ko riŋit möriet i gor.

Matayo 15:24

A nye waddi adi, Nan tuŋ a sunyue i yidin ti kotumit na Yisaraele nagon a likin kune.

Marako 2:17

A na yiŋge Yesu kine kulya nu, a nye kulyani ko se adi, ŋutu logon mugunya kase a na ’but ti ’dekan katoruönit, ama ŋutu lo gilö lo ’dekan katoruonit; nan a ko po i luŋgu na ŋutu logon ko löti lo rigwo ama i luŋgu na katoronyak.

Luka 19:10

Kogwon nan Ŋuro lo ŋuto aje po i ga ’yu ko i Iwoggu na ŋo nagon aje likin kune.

Nyökit 32:15

Ama a kotumit na Yesurun pire pirön, a gwe a lo totogwo; se a pirön, se a po a lo yurumok, ko a lo ’deyoŋak; a kirut se kö ’yi Ŋun lo gweja se lo, a lauŋdye ŋilo Lurutat Kalwökönit lose.