Ejikele 34:13 - Bibilia Buk na Ŋun nagon koti luŋu a

¹³ A nan mo joŋdi lepeŋat kaŋo i gweyajin ti ŋutu, a nan mo pepenuŋdye lepeŋat i jurön, a nan mo toyituŋdye lepeŋat i lukata na jur lose; a nan mo tunyeji lepeŋat i loki na merya ti Yisaraele nyona ko karya ko i piritön liŋ ti jur nagon sisi ’darikin kune.

Ejikele 34:13 Iomraidhean Croise

Saumajin 106:47

Lwökundye yi ŋon MATAT Ŋun likaŋ, ko tutunundye yi kaŋo i kiden na jurön, anyen yi bubulö tindu do lyöŋesi ’dindya karin kunök nake, ko i yuöggu i pupurja na do.

Saumajin 37:3

Yendi MATAT ko kondi ’bura; gwolore i lo jur, si ’dani ’bak kujönö.

Yisaya 30:25

A i ŋilu lor tatuet duma logon bililyat ’do ’do kak lu, a luruki ti pioŋ mo ’doke ’dokon i merya lojoki liŋ ko ilurwat lojo ki liŋ.

Yisaya 49:9

anyen do kulya ko ŋutu lo rerekaadi, Lupene ta kaŋo, ko se lo gwon i mudwe adi, Kweuŋdye ta ’börik kiŋo. A se mo nyööddi i kikolin, a piritön nyöesi kase mo gwe i ko ’dulan liŋ ti merya nagon a tereryat;

Yeremia 23:8

ama a se mo milyeji adi, ’Diri ’diri gwoso na gwoŋdi MATAT na logon a joŋdya ko a nyömuŋdyö nyakwariat ti Yisaraele kaŋo i jur lo lobot, se ko i jurön liŋ logon nye a riköddu lepeŋat kata kulu. A se mo köti si ’dani i jur lose.

Yeremia 30:18

Nan MATAT lo kulya adi, Mete, nan mo nyönyökökin kötu­mit na Yakobo kadijik kase, iŋkoi, nan mo wowon konyen ko piritön kase si ’daesi, a köjinö mo nyököni ’dukö kase i sudiet, iŋkoi, kadijik temejik mo nyökö ’dukö kase i piritön ti köju kunu.

Yeremia 30:3

Kogwon mete, nan MATAT lo kulya adi, Perok mo popo logon nan mo nyökuŋdye ŋutu kwe Yisaraele se ko Yuda bot i to ’dupien, a nan mo toyituŋdye se i jur logon nan köju aje tin merenyejin kase lo, a se mo ruddye lepeŋ. ŋilo a nan MATAT lo jambu.

Yeremia 31:8

Mete, nan mo jojon ŋutu kwe lo gwon i jur lo lobot kulu, a nan mo pepenuŋdye se lo gwon i ’dutesi ti kak kulu, mora ko ŋutu mo ’dokeno, ko ŋodeki, ko wate na gwon ko ŋwajik se ko wate nagon gwe nyona ko ta ’du kune, a lepeŋat mo yitwene yitwe a lodir duma parik.

Yeremia 32:37

Mete, nan mo pepenun lepeŋat i jurön liŋ logon nan a riköddu se kata ko ŋoma ko yulön se ko woran duma kulu; a nan mo nyökuŋdye se bot i na pirit, a nan mo tiŋdi se i gwolor ’bura ’bak nene ŋo.

Yeremia 33:12

Nan MATAT lo kurumi lo kulya adi, Kayukuk se ko yidin kase mo köti peron kak i yukan i na pirit nagon a murwo ’bak ŋutu kode kijakwa na, ko i köjinö kanyit liŋ.

Yeremia 50:19

A nan mo nyökuŋdye ŋutu ti Yisaraele kase i pirit yukit, a se mo nyesi nyesu i mere Karmela ko i jur lo Basan, iŋkoi, a se mo nyesi nyesu a yimönö i merya ti Epuraima ko i jur lo Gilada.

Ejikele 11:17

Nyenagon kulyani adi, MATAT ŊUN lo kulya adi, Nan mo tutunun se kaŋo i gweyajin ti ŋutu, nan mo momorun se kaŋo i jurön logon se a toreki kata kulu, a nan mo tiŋdi se jur lo Yisaraele.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 20:42

A ta mo dene den adi nan a MATAT na joŋdi nan ta i jur lo Yisaraele nu, kweja adi ŋilo a jur logon nan koju a milyekin tiŋdu merenyejin kasu lu.

Ejikele 36:12

Iŋkoi, a nan mo tiŋdi ŋutu i wörö kasu loki, kweja adi kilo a ŋutu kwe Yisaraele, a lepeŋat mo ’debbi ta a lomoriot kase, a ta mo köti tine toliki-ŋdyö ŋwajik kase kwöŋ.

Ejikele 36:24

a nan mo joŋdi ta kaŋo i jurön, a pepenuŋdye ta kaŋo i jurön liŋ, a nyökuŋdye ta kasu i jur.

Ejikele 36:29

A nan mo lwökuŋdye ta kaŋo i konesi kasu liŋ nagon a lut kine, a nan mo saŋi ’bolot anyen radan jore, a nan mo tine jakiŋdya ta dyaŋ.

Ejikele 36:30

a nan mo tiŋdi ludweki ti kaden se ko ŋo liŋ lo toran i meleseno i radan jore, anyen ŋutu ti jurön köti böŋö gwon ti ’dö ’doju ta kwöŋ i kulya ti magor.

Ejikele 38:8

A i mukök na perok jore a ta mo lupuni lupu i mörö; iŋkoi, a i kiŋajin ti ’dutet a ta mo lupöni i mörö ko jur logon a nyököki i gwolor nanyit na kokwe i mukök na mörö, kweja adi ŋilo a jur logon ŋutu kanyit aje po kaŋo i jurön jore a momorakiŋdye i merya ti Yisaraele logon yeŋon a rubajin ko diŋit a najo kulo. Kilo ŋutu köju a jwe kaŋo i jurön, lepeŋat liŋ soŋinana si ’dani ’bura ’bak kujönö;

Ejikele 39:25

Nyenagon nan MATAT ŊUN lo kulya adi, Soŋinana nan de nyönyökun ŋutu ti Yakobo bot i to ’dupien, iŋkoi, nan wowon konyen ko kötumit na Yisaraele ’bukuluŋ; a nan mo yinöni kogwon karin kwe nake na rurwan.

Ejikele 39:27

A i diŋit na momoruŋdye nan se kaŋo i jurön ti merok kase, i kiden na gweyajin ti ŋutu a joŋdi se mede nu, a nan mo kweji mugun a loke kogwon kulya kase a jurön jore memeddya.

Amosa 9:14

A nan mo nyokuŋdye ŋutu kwe Yisaraele kaŋo i to ’dupien, a lepeŋat mo nyoggi ’duggö köjinö nagon a murwöki a si ’dani kata; a se mo ’yuddi kaden ti binyo a möji binyo kase, a se mo kuŋi meleseno a nyesi ludweki kase.

Mika 2:12

Ta ŋutu ti Yakobo, nan MATAT mo ’diri tutun ta liŋ, a nan mo momori pitono ti ŋutu ti Yisaraele; a nan mo momorakiŋdye lepeŋat i pirit na geleŋ gwoso köbilu i goro, ko gwoso teŋ na yidin i pirit yukit, a se mo woŋe adi, Gumm, kogwon se jore parik.

Mika 4:6

Nan MATAT lo kulya adi, I ŋilu lor nan mo tutun ŋutu lo bata kulo i pirit na geleŋ, a nan mo momoruŋdye ŋutu i pirit na geleŋ logon aje riköji kaŋo, se ko ŋutu logon nan a sasan kulo.

Mika 5:4

A nye mo gwo ’de gwo ’dan ko riŋit na MATAT i yuggu na yidin kanyit, i todumalan na karin ti MATAT Ŋun lonyit. A se mo si ’dani ’bak kujono, kogwon riŋit nanyit aje yegga tojo ko ’dutesi ti kak;

Jepania 3:13

a se mo tine koŋdya nene ŋo naron, a tine jambu ’burönö, a kulyaesi mumulukesi mo tine rye kase i kutusen; kogwon se mo nyenyesu a pere kak ’bak ŋutu lo tokujöŋdu se.

Nyökit 30:3

a kirut MATAT Ŋun losu mo nyö-kuŋdye ta bot, a mo won konyen ko ta, a mo pepenuŋdye ta köti i gweyajin ti ŋutu liŋ, logon MATAT Ŋun losu aje torekin ta nyin kulu.