Ejikele 34:12 - Bibilia Buk na Ŋun nagon koti luŋu a

¹² Nyena gwoso nagon kayukunit galaddi köbilu kanyit i diŋit nagon köbilu kanyit liŋ aje reara pajo nu, nyena a nan mo iti i galaddu na köbilu kwe; a nan mo lwokuŋdye se kaŋo i piritön liŋ nagon se a reara kata kunu i lor lo ’dikolo ko lo mudwe logon adi ’dii.

Ejikele 34:12 Iomraidhean Croise

Tolupesi 27:23

Dene den gwiliŋit lo teŋ na köbilu kunök, ko tini ti teŋon ti yidin kunök ’bura;

Yisaya 40:11

Nye mo yukuddu teŋ nanyit gwoso kayukunit lo yidin, a nye mo tutunuŋdye yisi kanyit i könisi, nye mo ’dokoddi lepeŋat kanyit i kido, nye mo meyaddi katunökök madaŋ madaŋ.

Yisaya 50:10

Ŋa logon kasu kiden logon kukuk MATAT, a yiŋge gworo lo kölipönit lonyit? Ŋilo ŋuto wöwörö i mudwe a tine gwon ko parara, ama a nye yinikiŋdye karin ti MATAT a tökökiŋdye mugun i Ŋun lonyit.

Yisaya 56:8

Nan MATAT Ŋun logon tutunuŋdya bot ŋutu ti Yisaraele lo riköji kulo, lo kulya adi, Nan köti mo tutunun ŋutu kulye logon a ko nyuŋ jwe.

Yeremia 13:16

Bu ’ye ta MATAT ŋun losu i ŋerot nagon nye a ko nyuŋ joŋdya mudwe, a kokwe nagon ta a ko nyuŋ kopuko i merya logon gwoso korikori na kak kulu; ta ga ’yu parara ama a nye mo lopuke a mudwe lurwo adi ’dii.

Yeremia 23:3

a kirut nan ko mugun nio mo tutuŋdye pitönö ti teŋ na köbilu kwe i jurön liŋ logon nan köju a rikoddi se kata kulu, a nan mo nyökuŋdye se kase i ŋoro, a se mo rade radan, a mo ŋdine ŋdi.

Yeremia 31:10

Ta ŋutu ti jurön, yiŋge ta kulyaet lo MATAT, tokuörö ta ŋilo kulyaet i tikönyö lo gwon pajo kulu adi, Nye lo torekiŋdya kötumit na Yisaraele lo mo pepenun se, a mo yuggi se gwoso na yuggi kayukunit köbilu kanyit na.

Yeremia 31:8

Mete, nan mo jojon ŋutu kwe lo gwon i jur lo lobot kulu, a nan mo pepenuŋdye se lo gwon i ’dutesi ti kak kulu, mora ko ŋutu mo ’dokeno, ko ŋodeki, ko wate na gwon ko ŋwajik se ko wate nagon gwe nyona ko ta ’du kune, a lepeŋat mo yitwene yitwe a lodir duma parik.

Yeremia 33:12

Nan MATAT lo kurumi lo kulya adi, Kayukuk se ko yidin kase mo köti peron kak i yukan i na pirit nagon a murwo ’bak ŋutu kode kijakwa na, ko i köjinö kanyit liŋ.

Ejikele 30:3

Kogwon ŋilu lor gwe nyona, iŋkoi, lor lio lo MATAT gwe nyona ko po, ŋilu lor mo gwon a ’dikolo, a mo gwe a lor tukaret lo juron.

Ejikele 32:7

I diŋit na tatuje nan do gwoso kimaŋ nu, a nan mo muŋge ki, a nan mo tomuseji kaser, a nan mo muŋge kolor ko ’dikolo, a yapa mo tine pararaju.

Jepania 1:15

ŋilu lor a lor lo woran, a lor lo sasanya ko a lo tomie, a lor tukaret ko a korit, a lor lo mudwe ko a lo mu ’duk na kak, a lor lo ’dikolo ko a lo mudwe logon adi ’dii.

Jakaria 10:3

A woran na MATAT tuleki i kayukuk, a nye mo riŋge lopijoki; a MATAT lo kurumi ’yö ’yi teŋ nanyit nagon a kötumit na Yuda ko kulya na ’but, a mo tiŋdi se i gwon gwoso kusan nanyit nagon ko riŋit möriet i gor.

Jakaria 9:16

A MATAT ŋun lose mo lwöggi se i ŋilu lor kogwon se a teŋ na ŋutu kanyit; a se mo mimilyaŋti kanyit i jur gwoso jibia ti kwe.

Luka 15:8

Kode köti, ko nene ŋuto gwon ko kamisajin puök, a ko nye a tolikin nene geleŋ nye ŋona ti mokakiŋdya lombo, a reji kadi, a ga ’yi ga ’yu ’bura, tojo nye a ryö lepeŋ le?

Luka 19:10

Kogwon nan Ŋuro lo ŋuto aje po i ga ’yu ko i Iwoggu na ŋo nagon aje likin kune.

Yoane 10:16

Kunie yidin kwe kata nagon ’bayin a ti lo goro. Nan ködyö jojon se köti, a se mo yiŋge gworo liŋ, a se mo gwe a teŋ geleŋ ko kayukunit geleŋ.