Ejikele 34:11 - Bibilia Buk na Ŋun nagon koti luŋu a

¹¹ Kogwon nan MATAT ŊUN lo kulya adi, Mete, nan ko mugun nio mo kekeŋ mukök na köbilu kwe, iŋkoi, nan mo gagalara se.

Ejikele 34:11 Iomraidhean Croise

Suluet 6:17

Mete, nan mo jojon bar i kak i tukaŋu na ŋo liŋ lo gwon jörun i na kak kulo; a ŋo liŋ lo gwon i na kak kulo mo tatuani tatua.

Saumajin 119:176

Nan a girara gwoso köbilityo na likin; galaddi nan köliŋönit ilot kogwon nan ti böŋö saresi kulök.

Saumajin 80:1

Pon Kayukunit lo Yisaraele, tindi swö i yiŋga, do logon meyaddu kötumit na Yosepa gwoso teŋ na toro ’bo, yiŋge yi; do logon si ’da i kerubajin loki lo,

Yisaya 45:12

Nan lo teteŋdya kak, a nan gwekiŋdye ŋutu nyin; a nan riöddi ’dikolo ko könisi kwe, a nan saŋi kurumi na ki liŋ.

Yisaya 48:15

’Diri a nan, nan ko mugun aje jambu, iŋkoi, nan a luŋgu lepeŋ, nan aje joŋdya lepeŋ a kulya kanyit mo iti ’bura.

Yisaya 51:12

Nan ko mugun nio a nye lo suŋga ta; ko nyo nagon ta kujönö ŋutu kana logon mo twatwa le, logon a gweya gwoso döru,

Yisaya 56:8

Nan MATAT Ŋun logon tutunuŋdya bot ŋutu ti Yisaraele lo riköji kulo, lo kulya adi, Nan köti mo tutunun ŋutu kulye logon a ko nyuŋ jwe.

Yeremia 23:3

a kirut nan ko mugun nio mo tutuŋdye pitönö ti teŋ na köbilu kwe i jurön liŋ logon nan köju a rikoddi se kata kulu, a nan mo nyökuŋdye se kase i ŋoro, a se mo rade radan, a mo ŋdine ŋdi.

Yeremia 31:8

Mete, nan mo jojon ŋutu kwe lo gwon i jur lo lobot kulu, a nan mo pepenuŋdye se lo gwon i ’dutesi ti kak kulu, mora ko ŋutu mo ’dokeno, ko ŋodeki, ko wate na gwon ko ŋwajik se ko wate nagon gwe nyona ko ta ’du kune, a lepeŋat mo yitwene yitwe a lodir duma parik.

Ejikele 11:17

Nyenagon kulyani adi, MATAT ŊUN lo kulya adi, Nan mo tutunun se kaŋo i gweyajin ti ŋutu, nan mo momorun se kaŋo i jurön logon se a toreki kata kulu, a nan mo tiŋdi se jur lo Yisaraele.

Ejikele 20:41

A i diŋit na joŋdi nan ta kaŋo i kiden na gweyajin ti ŋutu, a tutunuŋdye ta kaŋo i jurön logon ta a tore aji kata kulu nu, a nan mo wuji ta gwoso rubaŋga lo mon paleleŋ; a nan mo kweji mugun a loke kogwon kulya kasu a ŋutu ti jurön memeddya.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Ejikele 6:3

Ta merya ti Yisaraele, yiŋge ta kulyaet lo MATAT Ŋun! MATAT Ŋun lo kulya ko merya, ko lurwat, ko luruki, se ko piritön na ’dir adi, Mete ta, nan, iŋkoi nan lepeŋ mo jajakin ta ŋutu logon ko baŋdujin i mörö ko ta, a nan mo kököröji piritön kasu kwakwasesi na gwon i ko ’dulan ti merya kine.

Osea 5:14

Kogwon nan mo gwon gwoso kömiru i kotumit na Epuraima, nan gwon gwoso kömiru titinti i kotumit na Yuda. Nan ’diri ko mugun nio mo kekeren se ka ’de ka ’de, a iti tu, nan mo jojoŋ se, a lele ŋuto gwe ’bayin lo lwölwöggu.

Lewi 26:28

a nan köti mo wöröjine a wok ko ta ko woran na pape, a nan lepeŋ mo ririŋge ta daŋin buryo kogwon toronjin kasu.

Jakaria 10:3

A woran na MATAT tuleki i kayukuk, a nye mo riŋge lopijoki; a MATAT lo kurumi ’yö ’yi teŋ nanyit nagon a kötumit na Yuda ko kulya na ’but, a mo tiŋdi se i gwon gwoso kusan nanyit nagon ko riŋit möriet i gor.

Jakaria 9:16

A MATAT ŋun lose mo lwöggi se i ŋilu lor kogwon se a teŋ na ŋutu kanyit; a se mo mimilyaŋti kanyit i jur gwoso jibia ti kwe.

Luka 19:10

Kogwon nan Ŋuro lo ŋuto aje po i ga ’yu ko i Iwoggu na ŋo nagon aje likin kune.

Yoane 10:11

Nan a kayukunit lo ’but. Kayukunit lo ’but pakiŋdya ru nanyit kogwon yidin kanyit.

Yoane 10:16

Kunie yidin kwe kata nagon ’bayin a ti lo goro. Nan ködyö jojon se köti, a se mo yiŋge gworo liŋ, a se mo gwe a teŋ geleŋ ko kayukunit geleŋ.

Nyökit 32:39

Meddi ta adi, Nan ma ’di nan lo a nye, lele Ŋun gwe ’bayin ake nan tuŋ; nan logon tatatuja, ko nan logon totorujö; nan logon böböŋöddu, ko nan logon totobia ’yu; ŋuto ’bayin logon bubulö riŋaddu kaŋo köyö i könin.