Ejikele 34:10 - Bibilia Buk na Ŋun nagon koti luŋu a

¹⁰ Nan MATAT ŊUN lo kulya adi, Mete ta, nan a miriku losu lo kayukuk; a nan mo luŋgi köbilu kwe kasu i konisi; a nan mo teŋgi ta i tunyeju na köbilu; a ta kayukuk köti mo tine tunyeju ’borik asut; a nan mo ryakuŋdye köbilu kwe kaŋo kasu i kutusen anyen gwon ’bayin a kinyo losu.

Ejikele 34:10 Iomraidhean Croise

Saumajin 23:5

Do lo tindu nan kinyo a merok kwe gwe i meddya; do a we ’ya kwe nio ko welet, a diköri nio iŋge barandu.

Yeremia 21:13

Nan MATAT lo kulya adi, Do naŋon si ’da i pirit na ’dir, iŋkoi, do lurutat logon gwon i pirit naŋon a ’dar, mete, nan a miriku ilot.Do kulya adi, Ŋa logon mo po kak ni i mörö koyi? Adi, Ŋa logon mo lulupe i pirit naŋon yi si ’da kata na?

Yeremia 39:6

A mor lo Babela iŋge tatu ŋwajik ti Sedekia Ribila yu ko lepeŋ i komor. A mor lo Babela koti iŋge tatu ŋutu liŋ lokukwön ti Yuda.

Yeremia 50:31

Nan MATAT Ŋun lo kurumi lo kulya adi, Do ka ’du ’duŋanit, mete, nan a miriku ilot, kogwon lor ilot logon nan mo riŋge do lo aje po.

Ejikele 13:23

Nyenagon ta mo köti ti meddya kulya nagon a köpuröt kana kasu i töilyet, a mo tine galuŋdya ŋo i to ’bunun. A nan mo riŋuŋdye ŋutu kwe kaŋo kasu i könisi; a kirut ta mo dene den adi nan logon a MATAT.

Ejikele 13:8

Nyenagon nan MATAT ŊUN lo kulya sona adi, Kogwon ta jambu kulya nagon a köpuröt kana, a ŋo na met ta kasu i töilyet kune gwe a ’burönö, nyenagon mete ta, nan mo gwon a miriku losu. Ŋilo a kulyaet lio lo MATAT ŊUN.

Ejikele 21:3

Taki jur lo Yisaraele adi, MATAT lo kulya adi, Mete, nan a miriku ilot, a nan mo ’dutuŋdye baŋdu lio kaŋo i soko ’bo, a nan mo ’dupöddi kaŋo konut ŋutu liŋ lo ’but ko lorok.

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 3:20

Köti ko ködyö ŋuto lo rigwo a löpuköddu kaŋo i torigwo nanyit, a koŋdi toron, a nan iŋge tikin ŋurupit köpuket kanyit ŋerot, a lepeŋ mo twane twan; nyenagon kogwon do a ko takin lepeŋ adi, Kunyar! lepeŋ mo twatwan kogwon toron nanyit, a konesi kanyit na rigwo nagon nye a kon kune mo tine yeyeo kwöŋ; ama a nan mo luŋgi rima kanyit konut i könin.

Ejikele 34:2

ŋuro lo ŋuto, keŋ keju kulya narok i kulya ti kayukuk ti Yisaraele, keŋ keju ko taki lepeŋat adi, Ta kayukuk, MATAT ŊUN lo kulya adi, Wöidiö, ta kayukuk ti Yisaraele logon deŋdya tunyeju ’börik kilo! Kayukuk ködyö ti tunyeju yidin le?

Ejikele 34:22

Nyena nan mo Iwolwök teŋ na köbilu kwe, a lepeŋat köti mo tine ryaka kwöŋ; a nan mo ’duŋökiŋdye putet i kiden na köbilu ko köbilu.

Ejikele 34:8

Nan MATAT ŊUN lo kulya adi, ’Diri ’diri gwoso na gwoŋdi nan na, kogwon köbilu kwe aje kölöki i kokoa, iŋkoi, köbilu kwe aje nyei ko gwuruŋin, kogwon kayukunit ’bayin; köti kogwon ŋutu kwe logon a kayukuk a ko galaddu köbilu kwe, ama lepeŋat deŋdi tunyeju ’borik, a gwe a ko tunyeju köbilu kwe;

Ejikele 34:9

nyenagon ta kayukuk, yiŋge ta kulyaet lio lo MATAT.

Ejikele 35:3

taki lepeŋat adi, MATAT ŊUN lo kulya adi, Ta ŋutu ti mere Seir, mete ta, nan a miriku losu, a nan mo riöddi könin lio kaŋo i mörö ko ta, a nan mo koŋdi jur losu a murwö ko a ruba.

Ejikele 5:8

nyenagon nan MATAT ŊUN lo kulya sona adi, Mete, nan, iŋkoi nan lepeŋ a miriku losu; nan mo ’du ’duŋökin ta putesi i kiden na köji nasu a ŋutu ti jurön memeddya.

Naum 2:13

Nan MATAT lo kurumi lo kulya adi, Nan a miriku losu, nan mo ’yu ’yur arabiajin kasu lo jijiko, a mo tatuje torela kasu ti komiruŋt ko baŋdujin, a nan mo tutuŋe tutuŋ po nagon ta a koja i kak ni kune, a gworolo ti luyökie kasu mo tine yiŋa koti kwöŋ.

Jakaria 10:3

A woran na MATAT tuleki i kayukuk, a nye mo riŋge lopijoki; a MATAT lo kurumi ’yö ’yi teŋ nanyit nagon a kötumit na Yuda ko kulya na ’but, a mo tiŋdi se i gwon gwoso kusan nanyit nagon ko riŋit möriet i gor.

Ebere 13:17

Twöji ta temejik kasu ko kuŋge ta lepeŋat, kogwon lepeŋat titi ta gwoso ŋutu logon mo pipiya i kulya kasu. Ti ta gwe ti todelyaju lepeŋat anyen se kita ko lyöŋön, kogwon ko se kita ko ’du ’duatu a kine kulya tine parakiŋdya ta.

1 Petero 3:12

Kogwon Matat meddya ŋutu lo rigwo, a lepeŋ gwe ajo i yiŋga na kwakwasesi kase; ama komor na Matat gwon a natun ko ŋuto lo koŋdya arabat.