Ejikele 33:8 - Bibilia Buk na Ŋun nagon koti luŋu a

⁸ A ko nan ’dek kulya ko ŋuto loron adi nye a loron, nye ’diri mo twatwan, ama a do ködyö gwe a ko takin lepeŋ adi, Kunyar! anyen lepeŋ löpukuŋdyö kaŋo i kikolin kanyit, ŋilo ŋuto loron mo twan nyuŋ gwon ko toron, ama a nan mo luŋgi rima kanyit konut i könin.

Ejikele 33:8 Iomraidhean Croise

Suluet 2:17

ama ködini denet lo kulya na ’but ko narok do ti nyesu ludweki kanyit kwöŋ. Kogwon i pilu lor logon do mo nyesi ludweki kanyit lu, do ’diri mo twatwan.

Suluet 3:4

A munu kulyani ko nu Ŋuto adi, Ta ti twatwa asut.

Tolupesi 11:21

’Diri gwak ŋuto loron mo ti köloji kana ’bak riŋet, ama a se logon ko loti lo rigwo mo lwokoni lwoko.

Katokuönit 8:13

ama ŋuto loron mo ti si ’da ’bura, a tine tojo ’ya gwiliŋit lonyit gwoso tölimöt, kogwon lepeŋ ti kujönö ko ŋun i komor.

Yisaya 3:11

Wöidiö, ŋutu lorok! kulya kase mo gwon a narok, kogwon ropesi ti konesi kase mo roropakise.

Ejikele 18:18

A ko gwe gwoso monye lonyit, kogwon nye a karudanit a ryaggi kulye ŋutu, a koŋdi ŋo nagon ’bayin a na ’but i kiden na ŋutu kanyit, mete ta, lepeŋ aje twan kogwon toronjin kanyit.

Ejikele 18:20

Ŋuto logon a toroŋdya lo mo kakaŋu. A ŋuro mo tine poŋga kogwon toron na monye, a monye mo tine poŋga kogwon toron na ŋuro. Ŋuto lo rigwo ropaki torigwo nanyit, a katoronyanit ropakine toron nanyit.

Ejikele 18:4

Mete ta, ru na ŋutu liŋ a nio; kweja adi ru na monye se ko ru na tore a nio. Ŋuto logon a toroŋdya lo mo kakaŋu.

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 33:14

Ma ’di köti ko nan a kulya ko ŋuto loron adi nye ’diri mo twatwan, ama ko nye a löpuggö i toron nanyit, a koŋdi ŋo nagon a na ’but i saret ko a gwak,

Ejikele 33:6

Ama ko katiyunit a met merok i po, a gwe a ko kuddya tore anyen toŋiju ŋutu, a ko merok a po a morgi lele lose, ŋilo ŋuto tatua nyuŋ gwon ko toron, ama a nan mo luŋgi rima kanyit ko katiyunit i könin.

Kenet 27:3

Monye likaŋ a twakin i yöbu; a nye gwe ’bayin i kiden na pepenet na ŋutu lo pepenakiŋdya ’börik ko Korak kase kiden i rerenya ko MATAT kulu, ama nye aje twan kogwon toron nanyit; a nye gwe ’bak ŋuro lulalet.