Ejikele 33:4 - Bibilia Buk na Ŋun nagon koti luŋu a

⁴ A kirut ko ŋuto logon a yiŋ woŋon na tore, ama a tine ŋien a ko merok a mok lepeŋ a tatuje lepeŋ, a kine gwe a kulya kanyit.

Ejikele 33:4 Iomraidhean Croise

2 Samuele 1:16

A Dawidi kulyani ko ŋuto lo Amalek lo adi, Ti rima kunök gwe konut i kwe; kogwon kutuk inot na pökiŋdyö do adi do lo tatuja ŋuto logon MATAT a welakin a mor lo.

1 Moran 2:37

Kogwon i lor logon do tiri kaŋo a laŋgi loro Kidirona lu, dene den ’diri adi do twatwan; a rima kunök mo gwe konut i kwe.

2 Dekat 25:16

Ama na jambi nye kine kulya nu, a mor pipije lepeŋ adi, Yi a wulun do a kajujuwanit lo mor le? Yiŋani taliŋ! Nyo nagon do yoŋo tatua? A nebi yiŋani yiŋa, ama a kulyani adi, Nan deden adi ŋun aje tiriku tukaŋu do, kogwon do a koŋdya ŋina ŋo, a do gwe a ko yiŋ jujuwet nio.

Tolupesi 29:1

Ŋuto logon a ririŋa ko kulyaesi daŋin jore ko a kawo ’duŋanit lo murut mo gwagwalaka asut ’de ’de kijek ti bulö tetena.

Yeremia 25:3

Suluja i kiŋa topuök wot musala lo gwoŋdi Yosia ŋuro lo Amon a mor lo Yuda lo, tojo ko lo lor, kulyaet lo MATAT a pokin köyö a joŋga kiŋajin merya murek wot musala, a nan gwe a ko jaran i jamakiŋdya na ta, ama a ta tine ’bon yiŋga.

Yeremia 6:17

Nan a tiŋdu ta katiyuk i gwögwöŋu na merok, a nan jujuje ta adi, Yiŋge ta kuta na toriot. A lepeŋat kölumbö waddi adi, Yi ti ’bön yiŋga.

Ejikele 18:13

a luŋgi ’yalet i ŋo na kuröji kanyit a tiŋdi kakurönit i robba ko wöli; ŋuto gwoso ŋilo ŋona gwon jörun le? ’Bayin, lepeŋ ti gwon jörun kwöŋ; lepeŋ ’diri twatwan kogwon nye aje koŋdya kine ŋo liŋ na mamana, a rima kanyit mo poki kanyit i kwe.

Ejikele 33:5

Iŋkoi, lepeŋ aje yiŋ woŋon na tore, a gwe a ko ŋien, a kine gwe a kulya kanyit. Ama ko lepeŋ ködyö a ŋien, a lepeŋ ködyö aje lwöggu ru nanyit.

Ejikele 33:9

Ama ko do a kunyaŋu ŋuto loron anyen lepeŋ löpukuŋdyö kaŋo i kiko lonyit, a lepeŋ gwe a ko löpuggö i kiko lonyit, a lepeŋ mo twane twan nyuŋ gwon ko toron, ama a do mo lwöggi ru inot.

Lewi 20:9

Kogwon ŋutu liŋ logon moru monye kode ŋote ködyö tatatua; nye aje moru monye kode ŋote nanyit a rima kanyit gwe kanyit i kwe.

Konesi 18:6

A lepeŋat renyani lepeŋ, a momoroji lepeŋ. Nyena a Paulo nanaji boŋgwat kanyit kune, a kulyani ko se adi, Ti rima kasu gwe kasu i kusik! Nan a loke. Soŋinana nan lo iti i ŋutu ti kulye jurön.

Konesi 20:26

Nyena nan tokurukiŋdyö ta i lo lor adi nan gwon a loke ’bak rima ti lele ŋuto,

Yakobo 1:22

Ko mumuluŋga ta ’borik i yiŋga na gilo kulyaet kana, ama kone ta kon.