Ejikele 33:31 - Bibilia Buk na Ŋun nagon koti luŋu a

³¹ A lepeŋat mo poŋdi konut ni gwoso nagon ŋuto po i meddya na nebi na, a lepeŋat mo si ’dakine konut i komor gwoso ŋutu kwe, a lepeŋat mo yiŋge ko do jambu nyo, ama a lepeŋat mo tine kon po na jam do kune. Lepeŋat kwekiŋdya nyaŋu duma ko kutusen kase kana, ama a töilyet kase gwi ’diki i po nagon mo jakiŋdya se ’bulit.

Ejikele 33:31 Iomraidhean Croise

Matayo 13:22

Nyomot logon a weki a ’do ’done i kiden na kikwa kulo ŋilo a ŋuto logon a yiŋga lo kulyaet, a wiwinyesi ti na kak, ko nyaŋu na tukworien ’deŋ lo kulyaet, a nye gwe a pudi.

Luka 11:28

Ama a nye kulyani adi, Bia do kulya adi, Ŋutu logon yiyiŋ kulyaet lo Ŋun ko ’de ’dep nye kulo a kalyöŋök.

Yisaya 29:13

A MATAT kulyani adi, Kilo ŋutu a mijun köyö nyona ko kutusen kase kana, a bu ’ye nan ko ŋedep kwe kana, ama töilyet kase gwon pajo köyö, a kujönö nase na nan gwe a saret lo ŋutu lo todiniki se kana;

Ejikele 8:1

A ko gwe sona i kiŋa tobuker, i perok mukanat ti yapa tobuker, na si ’dari nan köyö midi se ko temejik ti Yuda i pirit na geleŋ nu, a riŋit na MATAT ŊUN poki köyö i mugun.

Yeremia 44:16

Yi ti ’bon yiŋga kulyaesi logon do a jamakin yi i karin ti MATAT kulo.

Yisaya 28:13

Nyenagon a kulyaet lo MATAT mo gwe i lepeŋat gwoso saret i loki na saret, saret i loki na saret, todinet i loki na todinet, todinet i loki na todinet, kunie ni, kunie yu; anyen se ködyö tutu, a ’dororo ko ki ’dirinö, a ’beleŋoni ’beleŋo, a lokani loka, a mokani moka.

Luka 10:39

a nye gwe ko kiaser na luŋu a Maria, nagon a si ’da ko Yesu i mokosi i yiŋga na kulyaesi logon lepeŋ jajam kulo.

Luka 8:21

Ama a nye waddi se adi, Ŋote nio se ko luŋasirik kwe a ŋutu logon yiŋga kulyaet lo Ŋun a kone kon nye.

Epeso 5:5

Dene ta den ’bura adi, ŋuto logon a kalupe, kode logon koŋdya ŋo narok nagon toyujö kusik ti ŋutu, kode lo goma ŋo gwoso nye a ŋun lonyit, ŋuto gwoso ŋilo ti bulö wuju nene ŋo i Tumatyan na Kristo se ko Ŋun.

Konesi 10:33

Nyena a nan soŋdi ŋutu ’de ’de i luŋgu na do. Do a koŋdya ’bura kogwon do a po. Nyena yi liŋ kulo ni ko Ŋun i komor anyen yiŋga kulya liŋ nagon Matat a sarakin do i jambu kune.

Luka 16:14

A Parusijin logon nyanyar gurut kulo, ko yiŋge kine kulya liŋ, a se kweni ’e kweni ’e Yesu ’dö ’döju.

Matayo 19:22

a na yiŋge titinti lo kine kulya nu, a nye iti tu dedelyaji, kogwon nye a kworinit parik.

Matayo 6:24

Lele ŋuto ’bayin logon bubulö kitakiŋdya ŋutu murek; kogwon kode nye maŋdu lele a nyaŋi lele, kode nye twöju lele a lauŋdye lele. Ta ti bulö kitakiŋdya kö Ŋun ko tukwörien.

Ejikele 22:27

Ŋutu lokukwön i lukata nanyit gwon gwoso lujin lo koja kijakwa; lepeŋat ’buköddu rima a tukaŋi ŋutu, anyen wuju ’bulit na rye i kikolin lorok.

Ejikele 14:1

A kulye temejik ti Yisaraele poŋdi köyö ni, a si ’dakine köyö i komor.

Saumajin 119:36

Löŋukundye töili lio i todinesi kunök, ti gwon i bebeleja na tukwörien!

Yeremia 12:2

Do a ’yuddu lepeŋat, a kokori kase iŋge ’bekoddu kak; se a ’duŋö a iŋge toran ludweki. Lepeŋat ŋupi ’di ’diŋdya do ko kutusen kase, ama töilyet kase gwon pajo ko do.

Ejikele 22:13

Nyenagon mete, nan a naŋgu könisi dedelya kogwon ’bulit na ryö ŋutu kulök i kikolin lorok, koti kogwon rima nagon a ’buköŋ konut kiden kune.

Ejira 4:14

Nyena kogwon yi a nyesu ’balaŋ konut kadi pon mor, a tine jukin koyi a meddya ŋutu i lauŋdya na do pon mor, nyenagon yi a soŋdu ŋina waraga anyen toyiyikiŋdyo do pon mor,

Yisaya 42:20

Nye memeddya ŋo jore, ama ti kurun lepeŋat, swö kanyit gwon ŋa, ama a nye tine yiŋga.

Yeremia 42:21

Nyena nan aje nyönyökökin ta ŋo liŋ i lo lor, ama a ta gwe a ko twöju gworo lo MATAT Ŋun losu i ŋo nagon lepeŋ a sunyun nan i jamakiŋdya na ta kune.