Ejikele 33:3 - Bibilia Buk na Ŋun nagon koti luŋu a

³ A ko lepeŋ meddya merok i po, a lepeŋ kuddye tore i toŋiju na ŋutu, adi, Kunyar ta, merok kilo popo!

Ejikele 33:3 Iomraidhean Croise

Nemaya 4:18

A ka ’dukok ti gorom liŋ geleŋ geleŋ aje torakiŋdya baŋdujin kase i mukökö a se leru kikitaji. A ŋuto lo kuddya tore gwe koyo nyona.

Nemaya 4:20

Ama ko ta a yiŋga woŋon na tore i nene pirit, momoraddi ta kayaŋ yu ŋun likaŋ de lo moro i kulya kaŋ.

Yisaya 58:1

Wogoro ki parik; an do ko dara, ti gworo ilot woge gwoso tore, tukökiŋdye ŋutu kwe tukwölöŋesi kase, takiŋdye kötumit na Yakobo toronjin kase.

Yeremia 4:5

Tamaki ta kine kulya i Yuda, ko laiki ta i Yerusalema, kute ta toriot i jur ’bukuluŋ; sirani ta sira parik adi; Ti yi momori ta momora ko ti yi iti ta i köjino nago na titiyu!

Yeremia 51:27

Togwi ’dikiŋdye ta beret i kak, kute ta toriot i kiden na jurön; tetenaki ta jurön i mörö ko lepeŋ, luŋgi ta tumatyanjin i mörö ko lepeŋ, kweja adi Ararat, ko Mini, se ko Asekenaja; wuluŋdye ta duma lo kamörök i mörö ko lepeŋ; joŋdi ta kusanjin gwoso mayat soso’diöt na ’di ’dikun.

Yeremia 6:1

Ta ŋutu ti Benyamina, lupene ta kaŋo i kiden na Yerusa­lema, wöki ta i ’dana! Kute ta tore Tekoa nyu, ’biliki ta beret na gor ki Betakerema nyu, kogwon ŋo naron ŋina pupukun i swöt lo lobot, kweja adi a tukaret duma parik.

Ejikele 3:19

Ama ko do ködyö a takin ŋuto loron adi, Kunyar! a lepeŋ tine ’bön löpukuŋdyö kaŋo i toron nanyit, kode i kiko lonyit loron, lepeŋ mo twatwan nyuŋ gwon ko toron, ama a do mo lwöggi ru inot.

Osea 8:1

Sukiŋdye buruŋ i konut i kutuk! Loguluseni kata i loki na kadi nio na MATAT, kogwon ŋutu kwe aje ’beleŋgu tomoret na teten nan ko se na, ko a laŋgu saresi kwe.

Yoele 2:1

Kute ta toriot Siona yu; kute ta toriot sorosi i loki na mere lio loke lo rurwan; ti ŋutu liŋ ti jur boŋdi böŋdu kogwon lor lo MATAT popo,

Amosa 3:6

Ko ŋuto kuddya tore köji, a ŋutu ŋona gwe ti kujono le? A ko kulya narok a ’dukin köji, ŋina ŋona ’bayin a kita na MATAT le?

1 Korinto 14:8

A ko löri na gor a julö a ’bököri, a ŋutu dene ada adi se a luŋu i gor anyen teteŋdya ’börik ajo?