Ejikele 33:2 - Bibilia Buk na Ŋun nagon koti luŋu a

² Ŋuro lo ŋuto, jambi ko ŋutu kasu ti jur. Kulyani ko lepeŋat adi, Ko nan a soŋdu merok i jur a ŋutu ti jur wuluŋdye ŋuto kase kiden a tiŋdi lepeŋ a katiyunit i gwögwöŋu na merok.

Ejikele 33:2 Iomraidhean Croise

Yisaya 62:6

Do Yerusalema, nan aje saraki-ŋdya katiyuk i tiju na gorom inot nagon a mariŋ; a se mo tine yiŋa taliŋ kwöŋ ko tuparan ko tukwaje. Ta logon a katoyeyeok ti MATAT, ko yukan ta,

Yeremia 12:12

Karyakak aje po i yöbu na sese, i piriton liŋ nagon a ko ’dulan na gwon kana; a baŋdujin ti MATAT tukaŋi jur ’bukuluŋ suluja i ’dutet tojo ko nene ’dutet, a ŋo lo gwon jorun tine ryo yukan kwoŋ.

Yeremia 25:31

A woŋon nanyit mo woŋoro tojo i ’dutesi ti kak, kogwon MATAT gwon ko putet ko juron, a nye mo si ’dakine i ’duŋgo na putet lo ŋutu liŋ, a nye mo tiŋdi ŋutu lorok i tatua ko baŋdu. Kilo a kulyaesi kwe ti MATAT.

Yeremia 51:12

Togwi ’diki ta beret ki nyona ko mariŋ na Babela; tiŋdi katiyuk i tiju na köji go; tiŋdi ta ŋutu i piritön ka ’de ka ’de i domba, kogwon MATAT aje yeyeju a iŋge koŋdyapo nagon nye aje jam na i kulya ti ŋutu lo si ’da Babela kulo.

Ejikele 11:8

MATAT ŊUN lo kulya sona adi, Ta kukujönö baŋdujin tukaresi, nyena nan mo jojon ŋutu logon ko baŋdujin i mörö ko ta.

Ejikele 14:17

A ko nan a soŋdu ŋutu logon ko baŋdujin i mörö ko ŋilu jur, a sarakiŋdye lepeŋat anyen wöröji ’e ŋilu jur ’bukuluŋ a ködyö tukaŋi ŋutu se ko toro ’bo—

Ejikele 14:21

Nan MATAT ŊUN lo kulya adi, A naron bia parik ko nan a sunyukin Yerusalema kine riŋesi iŋwan narok parik nagon nan riŋge ŋutu, kweja adi. baŋdu, ko dyaŋ, ko kijakwa ti mu ’diŋ, se ko twanti iŋgo anyen tukaŋu ŋutu se ko toro ’bo!

Ejikele 3:11

Iti ko ŋutu kasu lo gwon i to ’dupien yu kulu, ko jambi ko lepeŋat kulo ma ’di ko se ŋona yiyiŋ kode se ti ’bön yiŋga. Taki lepeŋat adi, Kulo a kulyaesi ti MATAT Ŋun.

Ejikele 3:27

Ama ko nan a jambu ko do, a nan mo paji kutuk inot a do mo takiŋdye se adi, Kulo a kulyaesi ti MATAT ŊUN. Ko ŋuto logon yiyiŋ a ti nye yiŋge, ko logon rerenya yiŋga, a ti nye renyani; kogwon se a kötumit na karerenyak.

Ejikele 33:1

A kulyaet lo MATAT poki köyö adi,

Ejikele 33:12

Do ŋuro lo ŋuto, jambi ko ŋutu kasu adi, Löti lo ’but lo ŋuto lo rigwo ti bulö lwöggu lepeŋ i diŋit na toroŋdi nye nu; a toron na ŋuto loron mo tine to ’doro ’yu lepeŋ i diŋit na löpukuŋdye nye kaŋo kanyit i toronjin nu. A ko ŋuto lo rigwo a toroŋdya, a löti lonyit lo rigwo tine bulö lwöggu ru nanyit.

Ejikele 33:17

Ama ŋutu ti jur losu kulya adi Kiko lo MATAT ti gwon jojo; ama kölumbö kikolin kase logon ’bayin jojo

Ejikele 33:30

Ama do ŋuro lo ŋuto, ŋutu kasu logon jambu i pirit na geleŋ i kulya kunök logon gwo ’dan i tölimösi ti goroma ko i kötumiten ti kadijik kulo, tujamakin ko ’börik lele takiŋdya luŋaser adi, Po ko yiŋge ko kulyaet lo po ko MATAT lo a nyo?

Ejikele 33:7

Nyena do ŋuro lo ŋuto, nan aje kon do a katiyunit lo kötumit na Yisaraele. Ko do yiyiŋ kulya na jam nan kine, a kirut ti do taki lepeŋat adi, MATAT lo kulya adi, Kunyar ta!

Ejikele 37:18

A nagon ŋutu kasu pija do anyen kwekiŋdya se ko ŋina ŋo kweja nyo nu,

Ejikele 6:3

Ta merya ti Yisaraele, yiŋge ta kulyaet lo MATAT Ŋun! MATAT Ŋun lo kulya ko merya, ko lurwat, ko luruki, se ko piritön na ’dir adi, Mete ta, nan, iŋkoi nan lepeŋ mo jajakin ta ŋutu logon ko baŋdujin i mörö ko ta, a nan mo kököröji piritön kasu kwakwasesi na gwon i ko ’dulan ti merya kine.

Osea 9:8

Kötumit na Epuraima gwon i domba na ŋutu ti Ŋun ko tomirikulan a duma, a nebi gwe a boyi na kwen i kikolin kase liŋ, Lepeŋ a birya i kadi na Ŋun lonyit.

Lewi 26:25

A nan mo joŋdi merok kasu loki logon mo riŋga ta kogwon ta a ko ’debba tomoret nio; a ko ta a momora-kiŋdya kasu i köjinö lukata a nan mo sunyukiŋdye ta twanti iŋgo, a ta mo wuwuki i könisi ti merok.

Jakaria 13:7

Nan MATAT lo kurumi lo kulya adi, Do baŋdu, piki ki i mörö ko kayu-kunit lio ko i marate lio. Gwutöki ŋilo kayukunit kak, a yidin kwe mo reki rekin; a nan mo gwuddye kayukuk lo ’di ’dik.