Ejikele 33:16 - Bibilia Buk na Ŋun nagon koti luŋu a

¹⁶ A toronjin nagon lepeŋ köju a kon kune mo tine yiyiki lepeŋ arabat kwöŋ lepeŋ aje koŋdya po nagon a na ’bu i saret ko a gwak, a nye ’diri mo rune ru

Ejikele 33:16 Iomraidhean Croise

Saumajin 103:9

Nye ti gwon i kekendya koyi perok liŋ, köti nye ti yeŋon i woran nanyit ŋupi.

Yisaya 1:18

Nan MATAT lo kulya sona adi, Po ta, ti yi lilije ta kulya kaŋ. Ma ’di nagon toronjin kasu gwon a nator, a se de gwe a nakwe gwoso luru lo lilik; ma ’di se gwon a nator gwoso rima, a se de gwe a nakwe gwoso waratat.

Yisaya 43:25

Ama do a ti ’dikin nan ko toronjin kunök, do a tudaraju nan kö kulya kunök nakwölögök. Nan ko mugun nio a nye logon bubutöddu lyaŋesi kunök kogwon kulya kwe lepeŋ, a nan mo tine yiyiuŋdyö toronjin kunök.

Yisaya 44:22

Nan aje toreara lyaŋesi kunök kaŋo gwoso ’dikolo, a toronjin kunök iŋge toreki gwoso luru; yitweni köyö ni, kogwon nan aje dakun do.

Ejikele 18:22

A nene na toronjin nagon nye köju a kon kune tine yiyiki lepeŋ arabat, a lepeŋ ködyö gwe jörun kogwon torigwo nagon nye a kon na.

Ejikele 20:11

A nan tiŋdi se saresi kwe lo wurö, a kwekiŋdye se jujuwesi kwe logon ko ŋuto a ’dep se kulo a rune ru.

Ejikele 33:17

Ama ŋutu ti jur losu kulya adi Kiko lo MATAT ti gwon jojo; ama kölumbö kikolin kase logon ’bayin jojo

Roma 5:16

iŋkoi, tuka ’de kata i kiden na ’doket nagon ŋun ’doggi Ŋutu ’bak ropet na se ko toron na lu ŋuto geleŋ. Kogwon ŋina toron na lu ŋuto geleŋ joŋdya ’duŋöki adi nye a loron, ama i mukök nagon ŋutu a koŋdya toronjin jore a Ŋun ’doggi lepeŋat kana i ’duŋökiŋdyö na se adi se ’bak kulya.

Roma 5:21

Nyena gwoso nagon tumatyan na toron jakiŋdya ŋutu twan na, sona köti tumatyan na ’busan na nyaŋu na Ŋun tiŋdu ŋutu i gwon rigwo ko Ŋun i komor, a tiŋdi se ru na yeŋ nyin kogwon Matat likaŋ Yesu Kristo.