Ejikele 33:12 - Bibilia Buk na Ŋun nagon koti luŋu a

¹² Do ŋuro lo ŋuto, jambi ko ŋutu kasu adi, Löti lo ’but lo ŋuto lo rigwo ti bulö lwöggu lepeŋ i diŋit na toroŋdi nye nu; a toron na ŋuto loron mo tine to ’doro ’yu lepeŋ i diŋit na löpukuŋdye nye kaŋo kanyit i toronjin nu. A ko ŋuto lo rigwo a toroŋdya, a löti lonyit lo rigwo tine bulö lwöggu ru nanyit.

Ejikele 33:12 Iomraidhean Croise

2 Dekat 7:14

a ko kodyo ŋutu kwe logon a luŋu ko karin kwe a tokoyogga ’borik, a kwakwaddi kwakwaddu, a ga ’yi komor nio, a löpuŋge lopuggo i kikolin kase lorok, nyena a nan mo kirut yiŋge yiŋga ki yu, a nan mo pitökiŋdye toronjin kase a toke ’yi jur lose.

Yeremia 18:10

A ko lepeŋat a koŋdya ŋo narok köyö i komor a tine yiŋga gworo lio, a nan mo kirut löpuŋge Iopuggo i ŋo na ’but naŋon nan a yeyeju konakiŋdya se na.

Yeremia 18:8

A ko ŋutu ti ŋilo jur loron nan a jambu i kulya kase kulo a löpukuŋdyö kaŋo kase i konesi narok, a nan mo löpuŋge lopuggo i ŋo naron naŋon nan a yeyeju konakiŋdya se na.

Ejikele 18:21

Ama ko ŋuto loron a löpukuŋdyö kapo i toronjin kanyit liŋ nagon nye kökon kune, a ’debbi saresi kwe liŋ lo wuro, a koŋdi po na ’but i saret ko a gwak, ŋilo ŋuto ’diri gwon jorun, lepeŋ ti twan.

Ejikele 3:18

Ko nan ’dek kulya ko ŋuto loron adi, lepeŋ ’diri twatwan, a do ködyö gwe a ko takin lepeŋ adi, Kunyar! kweja adi ko do a ko jambu i kunyaŋu na ŋilo ŋuto loron i kö ’yu na kiko lonyit loron anyen lwöggu ru nanyit, nyena a ŋilo ŋuto loron mo twane twan nyuŋ gwon ko toron, ama a nan mo luŋgi rima kanyit konut i könin.

Ejikele 33:2

Ŋuro lo ŋuto, jambi ko ŋutu kasu ti jur. Kulyani ko lepeŋat adi, Ko nan a soŋdu merok i jur a ŋutu ti jur wuluŋdye ŋuto kase kiden a tiŋdi lepeŋ a katiyunit i gwögwöŋu na merok.

Ejikele 33:20

Ama ta kulya adi, Kiko lo MATAT ti gwon jojo. Ta kötumit na Yisaraele, nan mo ’du ’dupökin ta liŋ geleŋ geleŋ putesi gwoso i kikolin kasu.

Roma 3:25

Ŋun a kweja lepeŋ anyen rima kanyit lalaju toronjin ti ŋutu lo yubbö nye kulo. Ŋun a koŋdya sona anyen kwekiŋdya adi nye a lo rigwo. kogwon i diŋitan ti ’beron nye a teŋgu mugun a gwe a ko riŋga toronjin.

1 Yoane 2:1

Ŋwajik kwe, nan wurökiŋdyo ta kine kulya anyen ta böŋo gwon ti toroŋdya. Ama ko ködyö lele ŋuto a toroŋdya, yi kata ko ŋuto logon gwo ’dan i kulya kaŋ ko Ŋun Monye i komor, ŋilo ŋuto a Yesu Kristo logon a lo rigwo lo.