Ejikele 32:31 - Bibilia Buk na Ŋun nagon koti luŋu a

³¹ A MATAT ŊUN kulyani adi, Paro mo meddi lepeŋat a mo suŋge mugun i kulya ti ŋutu kanyit jore parik—iŋkoi, ŋilo a Paro se ko kamörök kanyit liŋ logon a tatua ko baŋdujin kulo.

Ejikele 32:31 Iomraidhean Croise

Delyasi 2:13

Pon köji na Yerusalema, nan Tamakin do nyo, ko tojoju do ko nyo? Pon köji na Siona, nan tojoju do ko nyo anyen nan boŋo sugga do? Kogwon ’dika inot a nagalaŋ gwoso tor duma na ’balaŋ, na nona logon bubulo toligga do?

Ejikele 14:22

Ama ko ködyö kulye pitönö a pitöki anyen lupe kaŋo i lukata nanyit kweja adi lyan ko wate, a ko lepeŋat a tu kasu yu, a ta iŋge met gwiliŋisi kase se ko konesi kase, a töilyet kasu mo kö ’yi delya kogwon ŋo narok liŋ nagon nan a jakin Yerusalema kune.

Ejikele 31:16

A nan mo tiŋdi ŋutu ti jurön i böböŋdu i wopon na ’doro nanyit adi yurum, i diŋit na gubaddi nan lepeŋ kak i pirit na mulökö nu se ko ŋutu logon tu kak i dili nagon ’bak ’dutet kulo; a kaden liŋ ti Edene, logon a kaden ti Libanon lokwekwelen parik, kweja adi kaden liŋ logon a möju pioŋ najore kulo mo sukani suka i pirit na gwon i lukak na kak nu.

Ejikele 32:32

Kogwon lepeŋ a tokujöŋdu ŋutu lo gwon jörun i kak; nyenagon lepeŋ mo lo topiriki i kiden na ŋutu logon a lawe a ko tawero, logon a tatua ko baŋdujin kulo, iŋkoi, ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.