Ejikele 32:24 - Bibilia Buk na Ŋun nagon koti luŋu a

²⁴ Elam se ko ŋutu kanyit jore gwon nyu a nukaki lolorga lepeŋ. Lepeŋat liŋ a tatua a totoko ko baŋdujin. Lepeŋat aje tu kak i pirit na gwon i lukak na kak a lawe a ko tawero. Kilo a ŋutu logon koju a tokujoŋdu ŋutu lo gwon jorun i kak, a lepeŋat paruŋdye yu na kwe ko ŋutu logon aje tu kak i dili nagon ’bak ’dutet kulo.

Ejikele 32:24 Iomraidhean Croise

Suluet 10:22

a ŋwajik ti Seme gwe a ko Elam, ko Asur, ko Arepakesada, ko Luda, se ko Aram.

Suluet 14:1

A ko gwe sona i perok ti Amerapela mor lo Sinar, ko Ariok mor lo Elasar, ko Kedorlaomer mor lo Elam, se ko Tidala mor lo Goyim.

1 Dekat 1:17

A ŋwajik ti Seme gwe a ko Elam, ko Asur, ko Arepakesada, ko Luda, ko Aram, ko Usa, ko Ula, ko Geter, ko Meseke.

Eyobo 28:13

Ŋuto ’bayin lo deŋdya kiko logon tirikin kata, nye ti bulö rye i jur lo ŋutu lo gwon jörun.

Saumajin 142:5

Pon MATAT, nan a gwiun konut ni, a nan kulyani adi, Do a ŋirit nio ’danaet, do a koret nio na wulwe i jur lo ŋutu lo gwon jörun!

Yisaya 11:11

A mo gwe sona i ŋilu lor, a MATAT mo riöddi könin lonyit daŋ tomurek i toyituŋdyö na pitönö ti ŋutu kanyit lo pituŋdyö, i Asura, ko i Ejipeto, ko i Patorosa, ko i Etiopia, ko i Elam, ko i Sinar, ko i Kamat, ko i tikönyö.

Yisaya 38:11

A nan köju kulyani adi, Nan köti mo ti met MATAT i jur lo ŋutu lo gwon jörun; a nan mo tine met lele ŋuto köti kwöŋ i kiden na se lo sisi ’da kak kulu.

Yeremia 11:19

Nan gwoso köbilityo lokoyok lo jikö i ’duŋö. Nan a ko den adi lepeŋat yöŋö mwön ko nan, a kulyani adi, Ti yi tukuki ta lo ködini kak ko ludweki kanyit. Ti yi tokoro ta lepeŋ kaŋo i kak na ŋutu lo gwon jörun, anyen karin kanyit gwon ti yeyeo köti kwöŋ.

Yeremia 25:25

ko moran liŋ ti Jimiri, ko moran liŋ ti Elam, ko moran liŋ ti Madai;

Ejikele 16:52

Do ködyö poŋga lawe inot, kogwon do köju a lilija adi kiösurök a narok, kölumbö do aje koŋdya po na mamana lwölwöŋ lepeŋat, nyena ti do gwe ko kwe na yu ko poŋgi lawe inot, kogwon do a koŋdya kiösurök ŋuru gwoso se a nake.

Ejikele 16:54

Ama do ködyö poŋoŋ lawe inot ko yu na kwe i po liŋ nagon do a kon kune, a kine kulya mo tulyöŋgi lepepat.

Ejikele 26:20

a kirut nan mo rudaddi do kak i pirit na geleŋ ko ŋutu logon a tu kak i dili nagon ’bak ’dutet kulo tojo i ŋutu lo twatwa i diŋitan ti köju kunu. A nan mo tiŋdi do i si ’da i pirit na gwon i lukak na kak i pirit nagon ’beron a ko si ’darikin, mora ko ŋutu logon a tu kak i dili nagon ’bak ’dutet kulu. Nyena a do mo köti tine si ’darikin asut, a do mo gwe ’bak pirit i jur lo ŋutu lo gwon jörun. gwe ’bak pirit i jur lo ŋutu lo gwon jörun.

Ejikele 31:14

Nyena a kaden liŋ lo gwon nyona ko kare kulo mo köti tine ’duröddu ki a lojo parik, kode kusik kase tulöddu kaŋo i kiden na kaden ti rudu. Iŋkoi, a kaden logon möju pioŋ jore kulo mo tine ’duröddu ki a lojo gwoso se; kogwon lepeŋat liŋ aje paki i tatua anyen tu i pirit na gwon i lukak na kak, i kiden na ŋutu logon a liŋo kana, kweja adi kilo a ŋutu logon tu kak i dili nagon ’bak ’dutet.

Ejikele 31:18

I kiden na kaden ti Edene, lon logon gwoso do i kwelen ko i todumalan? Do mo jopa kak se ko kaden ti Edene i pirit na gwon i lukak na kak; a do mo topirikine i kiden na ŋutu logon a lawe a ko tawero, i pirit na geleŋ ko ŋutu logon a tatua ko baŋdujin kulo. Kine kulya kweja adi ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 32:18

Ŋuro lo ŋuto, luluje lulujö i kulya ti ŋutu ti Ejipeto logon jore parik kulo, gubara lepeŋat kak tojo i jur logon i lukak na kak, iŋkoi, gubara Ejipeto se ko ŋutu ti jurön lokukwön anyen moraddu ko ŋutu logon tu kak i dili nagon ’bak ’dutet kulo.

Ejikele 32:19

Do Paro ŋona lwölwöŋ ŋa i kwelen? iti kak ko pirikine i pirit na geleŋ ko ŋutu logon a lawe a ko tawero kulo.

Ejikele 32:21

a i pirit na mulökö a kimak ti riŋiton lo gwon nyu kulu mo kulyani ko Paro se ko ŋutu lo parakiŋdya lepeŋ kulo adi, Ŋutu logon a lawe a ko tawero logon aje tatua ko baŋdujin kulo aje moruŋdya kak kayaŋ ni, lepeŋat dotoni taliŋ.

Ejikele 32:25

Elam a tetenaki gulom i kiden na ŋutu kanyit jore lo tatua kilo, a gulömö kase lolorgi lepeŋ. Lepeŋat liŋ a lawe a ko tawero, a tatua ko baŋdujin. Kogwon kilo a se logon koju a tokujöŋdu ŋutu lo gwon jörun i kak, a lepeŋat paruŋdye yu na kwe ko ŋutu logon aje tu kak i dili nagon ’bak ’dutet kulo; kilo ŋutu a nukaki i kiden na ŋutu lo tatua.

Ejikele 32:30

Kasarak ti swöt lo lobot se ko ŋutu ti Sidona liŋ gwon nyu. Lepeŋat a tu kak ko yu na kusik i pirit na geleŋ ko ŋutu logon aje tatua, ma ’di nagon se a ŋutu ti riŋitön logon köju a tokujöŋdu ŋutu parik. Lepeŋat aje topiriki kak a lawe a ko tawero ko ŋutu lo tatua ko baŋdujin i pirit na geleŋ, a paŋi yu na kwe ko ŋutu logon aje tu kak i dili nagon ’bak ’dutet kulo.

Ejikele 34:29

A nan mo tiŋdi lepeŋat meleseno nagon gwon ko kujöŋ na ’but, anyen lepeŋat mo gwon ti twatwa ko magor kase i jur, a ŋutu ti jurön köti mo tine tomijö se ko ’dö ’dö-yösi.

Ejikele 36:15

A nan mo köti tine tin do i yiŋga na ŋutu ti jurön i ’da ’daŋu na do, a ŋutu mo köti tine tomijö do ko ’dö ’döyösi, a köti mo tine tiŋdu jur ilot i ’doro kwöŋ. Kilo a kulyaesi kwe ti MATAT ŊUN.

Ejikele 39:26

A i diŋit nagon se köti mo si ’dani ’bura kase i jur nu, a ŋutu mo gwe ’bayin lo tokujöŋdu se, a se mo böŋöni yu nase na kusik se ko dumesi liŋ nagon se köju a dudumuje nan kune.

Ejikele 44:13

Lepeŋat ti po köyö nyona i kitakiŋdya na nan gwoso koanejin; lepeŋat ti mijun nyona ko nene na po kwe nake na rurwan se ko i po nake parik na rurwan na totopuŋdya; kölumbö a lepeŋat mo wuji yu na kusik kogwon po na mamana nagon se a kon kune.

Daniele 8:2

I ŋo na met nan kune meta gwoso nan gwon Susa na gwon i mariŋ nago lukata, na gwon i mödöria na Elam; a nan ko titimbe, a nan gwe nyona ko kare Ulai.

Abakuk 2:16

Do a yimönö ko lawe ti gwon a bulet. luŋa moji koti ko luŋte luŋto! Dikori na gwon ko MATAT i könin lutaten na mo titiki do. a bula inot mo worani a lawe.

Matayo 11:23

Ama do Kaperanauma, do yeyeju adi do ŋona mo totodumala tojo i ’diko le? ’Bayin, ama do mo jojoŋa kak tojo i pirit na mulökö. Kogwon ko kodyö kitajin sörösi nagon a kona konut kiden kune köju ködyö a kona Sodoma, a ŋinu köji ködyö yeŋe yeŋon tojo ko lo lor.