Ejikele 32:23 - Bibilia Buk na Ŋun nagon koti luŋu a

²³ Gulomö kase a tetenaki i piritön nagululok ti dili nagon ’bak ’dutet, ŋutu ti Asura a nukaki lolorga gulöm nanyit, lepeŋat liŋ a tatua a totoko ko baŋdujin. Kilo a ŋutu logon köju a tokujöŋdu ŋutu lo gwon jorun i kak kulo.

Ejikele 32:23 Iomraidhean Croise

Eyobo 28:13

Ŋuto ’bayin lo deŋdya kiko logon tirikin kata, nye ti bulö rye i jur lo ŋutu lo gwon jörun.

Saumajin 116:9

Nan wörö ko MATAT i komor i jur lo ŋutu lo gwon jörun kilo.

Saumajin 142:5

Pon MATAT, nan a gwiun konut ni, a nan kulyani adi, Do a ŋirit nio ’danaet, do a koret nio na wulwe i jur lo ŋutu lo gwon jörun!

Saumajin 27:13

Nan a den ’bura adi nan mo memet ’busan na MATAT i jur lo ŋutu lo gwon jörun.

Yisaya 14:17

logon a tiŋdu kak gwoso yöbu, ko a söpuggö köjinö kanyit, logon a ko yokoŋddu ŋutu kanyit lo rereka i tu kase i midijik le?

Yisaya 38:11

A nan köju kulyani adi, Nan köti mo ti met MATAT i jur lo ŋutu lo gwon jörun; a nan mo tine met lele ŋuto köti kwöŋ i kiden na se lo sisi ’da kak kulu.

Yeremia 11:19

Nan gwoso köbilityo lokoyok lo jikö i ’duŋö. Nan a ko den adi lepeŋat yöŋö mwön ko nan, a kulyani adi, Ti yi tukuki ta lo ködini kak ko ludweki kanyit. Ti yi tokoro ta lepeŋ kaŋo i kak na ŋutu lo gwon jörun, anyen karin kanyit gwon ti yeyeo köti kwöŋ.

Ejikele 26:17

A lepeŋat mo yo ’yi köli delyaet kogwon kulya kunök adi, Wöidiö do köji na kukwön, do aje likin i kiden na tör duma na ’balaŋ! Do köju a wa i tör kata, a do se ko ŋutu kulök köju iŋge tokujöŋdu ŋutu lo si ’da i tör nyona kulo.

Ejikele 26:20

a kirut nan mo rudaddi do kak i pirit na geleŋ ko ŋutu logon a tu kak i dili nagon ’bak ’dutet kulo tojo i ŋutu lo twatwa i diŋitan ti köju kunu. A nan mo tiŋdi do i si ’da i pirit na gwon i lukak na kak i pirit nagon ’beron a ko si ’darikin, mora ko ŋutu logon a tu kak i dili nagon ’bak ’dutet kulu. Nyena a do mo köti tine si ’darikin asut, a do mo gwe ’bak pirit i jur lo ŋutu lo gwon jörun. gwe ’bak pirit i jur lo ŋutu lo gwon jörun.

Ejikele 32:32

Kogwon lepeŋ a tokujöŋdu ŋutu lo gwon jörun i kak; nyenagon lepeŋ mo lo topiriki i kiden na ŋutu logon a lawe a ko tawero, logon a tatua ko baŋdujin kulo, iŋkoi, ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Naum 1:14

MATAT a tiŋdu saret kogwon kulya kasu: adi, Karin kasu mo tine ’dinya koti; nan MATAT mo tutukukin nyo-muejin na gigiru se ko nyomuejin na ninito kak i kadi na punyen kasu. Nan mo tetenakin ta dilyo nukesi, kogwon ta a lut.