Ejikele 32:18 - Bibilia Buk na Ŋun nagon koti luŋu a

¹⁸ Ŋuro lo ŋuto, luluje lulujö i kulya ti ŋutu ti Ejipeto logon jore parik kulo, gubara lepeŋat kak tojo i jur logon i lukak na kak, iŋkoi, gubara Ejipeto se ko ŋutu ti jurön lokukwön anyen moraddu ko ŋutu logon tu kak i dili nagon ’bak ’dutet kulo.

Ejikele 32:18 Iomraidhean Croise

Saumajin 30:9

’Bulit a nyo i rima kwe ko nan a tu kak i gulöm? Putut ŋona bubulö ŋuŋuŋa do le? Se bubulö kwekindya kulya kunök ti to ’diri?

Saumajin 63:9

Ama se logon ga ’yu tukaŋu ru nio kilo mo luŋö i togulu na kak;

Yisaya 14:15

Ama do lo a joŋa kak tojo i pirit na mulökö, tojo i pele na wi.

Yisaya 16:9

Nyenagon a nan mo gwine kogwon lu ködini lo binyo lo Sibema, gwoso na gwije nan Yajer nu; ta Kesebon ko Eleale, nan wöwök ta ko ŋolitan kwe; kogwon siraesi ti mörö a ’durukin kasu i ludweki ko kasu i ’butun.

Yeremia 1:10

Meddi, i lo lor nan aje tiŋdu do a ’duma lo jurön ko a duma lo tumatyanŋin anyen gwunyuŋdyö se kaŋo ko, anyen dukakiŋdya se kak, anyen köŋu se ko anyen söpuggö se, köti anyen to ’duŋö se ko anyen ’yuddu se anyen raradan.

Ejikele 26:20

a kirut nan mo rudaddi do kak i pirit na geleŋ ko ŋutu logon a tu kak i dili nagon ’bak ’dutet kulo tojo i ŋutu lo twatwa i diŋitan ti köju kunu. A nan mo tiŋdi do i si ’da i pirit na gwon i lukak na kak i pirit nagon ’beron a ko si ’darikin, mora ko ŋutu logon a tu kak i dili nagon ’bak ’dutet kulu. Nyena a do mo köti tine si ’darikin asut, a do mo gwe ’bak pirit i jur lo ŋutu lo gwon jörun. gwe ’bak pirit i jur lo ŋutu lo gwon jörun.

Ejikele 31:14

Nyena a kaden liŋ lo gwon nyona ko kare kulo mo köti tine ’duröddu ki a lojo parik, kode kusik kase tulöddu kaŋo i kiden na kaden ti rudu. Iŋkoi, a kaden logon möju pioŋ jore kulo mo tine ’duröddu ki a lojo gwoso se; kogwon lepeŋat liŋ aje paki i tatua anyen tu i pirit na gwon i lukak na kak, i kiden na ŋutu logon a liŋo kana, kweja adi kilo a ŋutu logon tu kak i dili nagon ’bak ’dutet.

Ejikele 31:16

A nan mo tiŋdi ŋutu ti jurön i böböŋdu i wopon na ’doro nanyit adi yurum, i diŋit na gubaddi nan lepeŋ kak i pirit na mulökö nu se ko ŋutu logon tu kak i dili nagon ’bak ’dutet kulo; a kaden liŋ ti Edene, logon a kaden ti Libanon lokwekwelen parik, kweja adi kaden liŋ logon a möju pioŋ najore kulo mo sukani suka i pirit na gwon i lukak na kak nu.

Ejikele 32:12

A nan mo tiŋdi ŋutu kulök logon jore parik kilo i totoko kak ko baŋdujin ti ŋutu walan logon a kaŋajin logon morö ’bak pitönö lwö-lwöŋ ŋutu ti kulye jurön liŋ kulo. A lepeŋat mo koŋi kwelen na Ejipeto, a ŋutu kanyit liŋ logon jore parik kulo mo tukarani tukara.

Ejikele 32:16

Ŋilo a köli delyaet logon ŋutu wate ti jurön mo yoyo. Lepeŋat mo yo ’yu ŋilo köli delyaet i kulya ti Ejipeto se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 32:2

ŋuro lo ŋuto, yo ’yi köli delyaet i kulya ti Paro mor lo Ejipeto, yuluki lepeŋ adi, Wöidiö do kömiru titinti i kiden na jurön! Do gwe gwoso kinyoŋ lo gwon i Supiri, a do buŋe pioŋ ko kume ilot, a do köbuŋe pioŋ ko mokosi kulök, a kököröji pioŋ ti kinasi ti Supiri.

Ejikele 32:21

a i pirit na mulökö a kimak ti riŋiton lo gwon nyu kulu mo kulyani ko Paro se ko ŋutu lo parakiŋdya lepeŋ kulo adi, Ŋutu logon a lawe a ko tawero logon aje tatua ko baŋdujin kulo aje moruŋdya kak kayaŋ ni, lepeŋat dotoni taliŋ.

Ejikele 43:3

A ŋo na met nan köyö i töili kune gwe gwoso na met nan na pöri nye i tukaŋu na köji nu, ko gwoso ŋo na met nan köyö i töili nyona ko kare Kebar kunu; a nan ’dorone kak rupu.

Osea 6:5

Nyenagon nan aje totok ta ko tuluö logon a kutusen ti nebijin, nan aje tatuja ta ko kulyaesi ti kutuk nio, a ’duŋgö nio na putesi pararaaddi kaŋo.

Mika 1:8

Kogwon ŋina kwe nan mo dedelya a gwine gwien parik, a nan mo rusuŋdye boŋgwat kaŋo a wöröni a limu kana; a nan mo woŋe gwoso gwagwe, a gwine gwoso tutwo.

Matayo 11:23

Ama do Kaperanauma, do yeyeju adi do ŋona mo totodumala tojo i ’diko le? ’Bayin, ama do mo jojoŋa kak tojo i pirit na mulökö. Kogwon ko kodyö kitajin sörösi nagon a kona konut kiden kune köju ködyö a kona Sodoma, a ŋinu köji ködyö yeŋe yeŋon tojo ko lo lor.

Luka 19:41

A nagon Yesu gwe nyona ko ’dur nu, a nye meddi köji a nye gwine lepeŋ ko ŋolitan,

Roma 12:15

Morakiŋdye ta i lyöpön ko ŋutu logon lyölyöŋi kilo, köti morakiŋdye ta i delya ko ŋutu logon dedelya kilo.