Ejikele 32:15 - Bibilia Buk na Ŋun nagon koti luŋu a

¹⁵ I Diŋit nagon nan koŋdi jur lo Ejipeto a murwo, ko i diŋit nagon ŋo liŋ ti jur a ryakaji, ko i diŋit nagon nan tatuje ŋo liŋ logon si ’da i lukata nanyit kulo nu, a kirut lepeŋat mo deŋdi adi nan logon a MATAT.

Ejikele 32:15 Iomraidhean Croise

Saumajin 24:1

Kak na a na MATAT se ko ŋo liŋ na gwon i lukata nanyit kune, iŋkoi, kak ko ŋutu logon si ’da kata a kanyit.

Saumajin 9:16

MATAT a tindu mugun i dena, a nye ’duŋge ŋutet; ŋutu lorok a loka ko kita na kon se ko könisi kase.

Yuörö 14:18

A Ŋutu ti Ejipeto de dene den adi nan logon a MATAT, na wuji nan bulet i diŋit na te ’yi nan Paro ko arabiajin kanyit lo jijikö se ko kamörök kanyit lo wörö ko kusanjin kulo nu.

Yuörö 14:4

A nan mo togo ’yi töili lo Paro, a nye mo kepoddi but nase, a nan mo te ’yi Paro se ko teŋ na kamörök kanyit liŋ a nan mo ryekiŋdye mugun bulet; a Ŋutu ti Ejipeto mo dene den adi nan logon a MATAT. A Ŋutu ti Yisaraele iŋge koŋdya gwoso na saraki ’e se nu.

Yuörö 7:5

A Ŋutu ti Ejipeto mo dene den adi, nan a MATAT i diŋit na riöddi nan könin lio ko Ejipeto loki, a joŋdi Ŋutu ti Yisaraele kaŋo kase kiden nu.

Ejikele 29:12

A nan mo koŋdi jur lo Ejipeto a murwö i kiden na jurön logon a murwöki, a köjinö kanyit mo gwe a murwöki ko kiŋajin merya iŋwan i kiden na köjinö nagon a rubajin. A nan mo torekiŋdye ŋutu ti Ejipeto i jurön, a nan mo gwögwölökiŋdye lepeŋat i kiden na jurön.

Ejikele 30:19

A nan mo ’duŋökiŋdye ŋutu ti Ejipeto putesi sona, a kirut lepeŋat mo deŋdi adi nan logon a MATAT.

Ejikele 30:26

A nan mo torekiŋdye ŋutu ti Ejipeto i gweyajin ti ŋutu, a nan mo gwögwolo-kiŋdye lepeŋat i kiden na jurön. A kirut lepeŋat mo deŋdi adi nan logon a MATAT.

Ejikele 32:14

A kirut nan mo tiŋdi pioŋ kase i gwon a nasulyöŋok, a nan mo tiŋdi pioŋ ti karya kase i ’dokon a nake gwoso welet. Kilo a kulyaesi kwe ti MATAT Ŋun.

Ejikele 6:7

A ŋutu lo tatua mo ’do ’done kasu kiden, a ta mo dene den adi nan a MATAT.