Ejikele 32:10 - Bibilia Buk na Ŋun nagon koti luŋu a

¹⁰ A nan mo tiŋdi gweyajin jore ti ŋutu i lwö ’yu kase i toilyet ko do, a moran kase mo kujönöni kujonö kogwon do i diŋit nagon nan ’di ’diŋge baŋdu lio kase i komor nu; iŋkoi, a lepeŋat mo kikirani kikira diŋitan liŋ, a i lor lo ’doro ’yi do lu a ŋutu liŋ kujono ni kujö-ŋo, ŋuto geleŋ kujöno ru nanyit an tukara.

Ejikele 32:10 Iomraidhean Croise

1 Moran 9:8

Ama ma ’di nagon ŋina kadi a yeŋga ki sona, a ŋutu liŋ logon wöwö-röri kanyit nyona kulo mo söŋi söŋu a se mo piuŋge piugga, a pipije adi, Ko nyo nagon MATAT a konakin lo jur ko na kadi sona?

Yisaya 30:32

a gwutesi liŋ ti ture lo tetenakin MATAT lepeŋat a riŋet lo mo gwe ko woŋon na tiŋgiliet ko na tomon; a nye mo möröni gor ko se ko könin lo wiwiŋö.

Yeremia 51:9

Yi ködyö aje toke ’ya Babela, ama a nye gwe a ko tokela. Ti yi kölöki ta lepeŋ, ko ti yi iti ta ŋadi geleŋ kanyit i jur; kogwon ’duŋöki na toronjin kanyit aje yeŋga ki, a iŋge ’durökin ma ’di tojo i ’dikolo yu.

Ejikele 26:16

A kirut moran liŋ ti kilo jurön lo gwon i tör duma na ’balaŋ nyona kulo mo kiuŋdye kak i si ’daesi kase ti tumatyanjin, a mo rusuŋdye kaŋo boŋgwat kase najo nagon a muisi se ko boŋgwat kase na ripaki minyojin kata kune; a böböŋdu mo muluje lepeŋat gwoso boŋgwat; a se mo si ’dani i kujöŋ a mo böböŋdi böböŋdu diŋitan liŋ, a mo söŋi söŋu ko do ko kujönö.

Ejikele 27:35

A ŋutu liŋ logon si ’da i jurön lo gwon i tikönyö kulo iŋge lwö ’yu kase i töilyet ko do; a moran kase iŋge kujönö parik, a komorsikan kase gwe a nagusu-lak.

Ejikele 30:9

A i ŋilu lor a ŋutu logon nan soson kulo mo iti kaŋo ’de ’de koyö i komor, i tokujoŋdu na ŋutu ti Etiopia logon a ko den adi kulya kine popo kulu; a lepeŋat mo poŋgi poŋga i lor lo tukarari Ejipeto lu. Ma ’di soŋinana ŋilu lor gwe i po.

Jakaria 11:2

Do ködini saru, luluje lulujö kogwon ködini logon gwoso tika lo aje ’doro kak, kogwon kaden lokwekwelen aje körö! Ta kaden ti Basan ti mian, luluje ta lulujö kogwon yöbu nagon a rudu aje toko kak!

Nyökit 29:24

Nyena lepeŋat se ko jurön liŋ mo ŋa adi, Ko nyo nagoŋ MATAT a konakiŋdya ŋilo jur sona? Tupape na ŋina woran duma kweja nyo?

Nyökit 32:41

ko nan ködyö a jujö wale liŋ lo meme ’dekta, a könin liŋ ’dumuŋdye ’duŋgö na putet, a nan mo ropakiŋdye ŋutu lo ŋisa ko nan kulo, iŋkoi nan mo ropakiŋdya ŋutu lo maman nan kulo.

Kweyatti 18:10

A lepeŋat mo gwo ’de pajo kukujönö parik i tomie nanyit, a luluje adi, Wöidiö köji duma! Wöidiö Babela köji na riŋit! Do a ’duŋöki putet i saa geleŋ tuŋ!