Ejikele 31:8 - Bibilia Buk na Ŋun nagon koti luŋu a

⁸ A kaden logon gwoso tika lo gwon i melesen nio na ŊUN kulo tine bulö mupö lepeŋ, a kaden araja tine töjowe ko kenia kanyit, a kaden aremon tine bulö töjowe asut ko kenia kanyit, kweja adi, kaden liŋ lo gwon i melesen nio na ŊUN kulo ti bulö lwöŋgu kwelen nanyit.

Ejikele 31:8 Iomraidhean Croise

Suluet 13:10

A Loto ’bi ’yi konyen kanyit ki i woŋu, a nye meddi jur liŋ lo kare ’Yardene, a ŋinu kak gwe a nadon gwoso melesen na MATAT, iŋkoi, gwoso jur lo Ejipeto ko ŋuto tu tojo Soar ŋinu diŋit gwon a kokwe nagon MATAT a ko nyuŋ koŋu Sodoma ko Gomora nu.

Saumajin 37:35

Nan a meddya ŋuto loron sisi ’da ko riŋit nanyit a duma, a ’duŋe ’duŋö, a garani gara gwoso ködini lodon i ŋirit na ŋunundye nye na.

Saumajin 80:10

A tölimöt nanyit muŋge merya, a kenia kanyit muŋge kaden temejik logon gwoso tika.

Koli Lo ’but Parik 5:15

Mokosi kanyit a togwi ’diesi logon a ŋurupo nakwe namilyapak, a iŋge to ’depaki i gwo ’diesi logon a dakap nake. Lepeŋ meta gwoso Libanon, ko gwoso kaden logon gwoso tika lo nyunyumwe.

Yisaya 51:3

kogwon nan a luŋgu lepeŋ nagwoŋdi nye geleŋ nu, a nan ’boroji lepeŋ a tiŋdi nye i ŋdi a ŋutu jore. Kogwon nan MATAT a suŋga Siona; a nan iŋge suŋga piritön murwöki kanyit, a nan tiŋdi yöbu nanyit i gwon gwoso Edene, ko yöbu nanyit na sese i gwon gwoso melesen nio na MATAT; a lyöŋön ko nyola mo ryeni kanyit, ko tiŋdu na lyöŋesi se ko yolo na kölisi.

Ejikele 28:13

Do köju si ’da Edene yu nagon a melesen na ŊUN; do jupu ŋurupö nakwekwelen liŋ na gwörö go, kweja adi, sardiö, ko topajo, ko yasipidi, ko krisölitö, ko berilo, ko onukion, ko sapira, ko antarak, se ko samaragado. Köti minyojin kulök logon a dakap lo tutulujö ko a gigiru a tetenaki do i lor lo yuŋwe ’i do lu.

Ejikele 31:16

A nan mo tiŋdi ŋutu ti jurön i böböŋdu i wopon na ’doro nanyit adi yurum, i diŋit na gubaddi nan lepeŋ kak i pirit na mulökö nu se ko ŋutu logon tu kak i dili nagon ’bak ’dutet kulo; a kaden liŋ ti Edene, logon a kaden ti Libanon lokwekwelen parik, kweja adi kaden liŋ logon a möju pioŋ najore kulo mo sukani suka i pirit na gwon i lukak na kak nu.

Ejikele 31:18

I kiden na kaden ti Edene, lon logon gwoso do i kwelen ko i todumalan? Do mo jopa kak se ko kaden ti Edene i pirit na gwon i lukak na kak; a do mo topirikine i kiden na ŋutu logon a lawe a ko tawero, i pirit na geleŋ ko ŋutu logon a tatua ko baŋdujin kulo. Kine kulya kweja adi ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 31:3

Mete Asura. Lepeŋ a ködini logon gwoso tika Libanon yu, logon kenia kanyit a na ’but a muŋge rudu ko tölimöt nanyit, a gwe a lojo, a kwe nanyit tulöddi kaŋo i kiden na kaden ti rudu.

Ejikele 31:7

Ŋilo ködini kwekwelen kogwon a duma parik, a kenia kanyit garani gara a najo, kogwon kokori kanyit a ’bekoddu kak i pioŋ najore.

Kweyatti 2:7

Ŋuto lo gwon ko swö lo ti nye yiŋge ŋo nagon Mulökötyo Loke a takin kanisajin kune. Ko Ŋuto logon a te ’ya lo, nan mo ’bu ’burukin i nyesu na ludweki ti ködini toruet lo gwon i Melesen nakwekwelen na Ŋun lo.