Ejikele 31:3 - Bibilia Buk na Ŋun nagon koti luŋu a

³ Mete Asura. Lepeŋ a ködini logon gwoso tika Libanon yu, logon kenia kanyit a na ’but a muŋge rudu ko tölimöt nanyit, a gwe a lojo, a kwe nanyit tulöddi kaŋo i kiden na kaden ti rudu.

Ejikele 31:3 Iomraidhean Croise

Saumajin 92:12

Ŋutu lo rigwo ’du ’duŋö ’bura gwoso kaden tömur, se ’du ’durundyö ki gwoso kaden ti Libanon logon gwoso tika.

Yisaya 37:24

Do a kweni ’ye MATAT i kölipöpök kulök, a do aje kulya adi, Nan a tu ki ko arabiajin kwe jore tojo i kusik ti merya, töjö i lukata liŋ na Libanon; a nan tukukiŋdye kak kaden lojo lo tötoguŋdya logön gwöso tika kulo, kö kaden saru lo wulwe; a nan poŋdi tojo kö ko ’du nanyit na ’dutet, kö i rudu lonyit lo ’di ’dija gö.

Yeremia 17:8

Lepeŋ gwoso ködini loron a ’yutuki nyona ko kare, loron kokori kanyit ririkörö tojo ko kare kata. A i diŋit naŋon kölön sa ’yu pape na a nye tine kujono, a koropo kanyit yeŋe gwon a nadök. A i kiija loron kudu ’bayin lo a nye tine yeye. a tine jaran i radan na ludweki.

Yeremia 50:18

Nyenagon nan MATAT lo kurumi Ŋun lo Yisaraele lo kulya adi, Mete, nan mo ririŋ mor lo Babela se ko jur lonyit, gwoso na riŋge nan mor lo Asura köju nu.

Ejikele 17:22

Nan MATAT ŊUN lo kulya adi, Nan ko mugun nio mo koti ’du ’duŋun kene i kwe na ködini lojo logon gwoso tika, a mo ’yuddi lepeŋ; nan mo ’do ’do-ŋun kene namunyan na wilun i pilya nanyit, a nan mo ’yutukiŋdye i pilya na mere lojo;

Ejikele 19:11

A kenia kanyit iŋge wora a nago nagon jujukin gwon a puriet ti ŋutu kasarak. A ŋilo ködini iŋge ’duröddu ki a lojo i kiden na kaden ti rudu logon a ’dija, lepeŋ memeta pajo i tojolan nanyit ko kenia kanyit jore.

Ejikele 31:10

Nyenagon nan MATAT ŊUN lo kulya adi, Kogwon ŋilo ködini aje ’duröddu ki parik, a kwe nanyit tulöddi kaŋo i kiden na kaden ti rudu, a lepeŋ iŋge ’du ’duŋga kanyit i töili kogwon tojolan nanyit,

Ejikele 31:16

A nan mo tiŋdi ŋutu ti jurön i böböŋdu i wopon na ’doro nanyit adi yurum, i diŋit na gubaddi nan lepeŋ kak i pirit na mulökö nu se ko ŋutu logon tu kak i dili nagon ’bak ’dutet kulo; a kaden liŋ ti Edene, logon a kaden ti Libanon lokwekwelen parik, kweja adi kaden liŋ logon a möju pioŋ najore kulo mo sukani suka i pirit na gwon i lukak na kak nu.

Ejikele 31:17

A lepeŋat köti mo iti kak i pirit na mulökö ko lepeŋ i pirit na geleŋ, i ŋutu logon a tatua ko baŋdujin kulo, kweja adi kilo a jurön logon köju parakiŋdya lepeŋ a sakani i tölimöt nanyit kulu.

Ejikele 31:5

Nyena a lepeŋ ’duröddi ki lwö-lwöŋ kaden liŋ ti rudu, a kenia kanyit gwe jore, a garani gara a najo; kogwon pioŋ jore aje ’dur kata.

Ejikele 31:6

A kwen liŋ ’duŋge kadijik kase i kenia kanyit; a kijakwa liŋ ti mu ’diŋ yuŋweni torela kase i mukök na ŋilo ködini, a jurön liŋ logon a temejik kulo sakani i tölimöt nanyit.

Ejikele 31:8

A kaden logon gwoso tika lo gwon i melesen nio na ŊUN kulo tine bulö mupö lepeŋ, a kaden araja tine töjowe ko kenia kanyit, a kaden aremon tine bulö töjowe asut ko kenia kanyit, kweja adi, kaden liŋ lo gwon i melesen nio na ŊUN kulo ti bulö lwöŋgu kwelen nanyit.

Ejikele 32:22

Asura se ko yodom nanyit na ŋutu gwon nyu, lepeŋat liŋ a tatua a totoko ko baŋdujin, a lepeŋat nukani lolorga nye Asura.

Daniele 4:10

Makune ŋo na met nan köyö i kwe kune i diŋit na gwoŋdi nan koyo i dotoet nu; mete, nan a meddya ködini i kiden na kak, a gwe a lojo parik.

Daniele 4:12

Koropo kanyit kwekwelen, ko lu-dweki kanyit jore, a po liŋ ryeji kinyo i lukata nanyit. Kijakwa ti mu ’diŋ saka i tölimöt nanyit, a kwen ti ki sakani i kenia kanyit, a po liŋ lo gwon jörun kulo nyesi kata.

Daniele 4:7

A kirut ’bunuk, ko ŋutu lo jwöjwöŋgu ko winikö, ko ŋutu lokoŋ ti Kaledea, ko katökorok ti kulya poŋdi köyö ni; a nan takiŋdye se ŋina rudweet; ama a lepeŋat tine den nyönyökökiŋdyö nan tokoret nanyit.

Jepania 2:13

A nye mo riöddi könin lonyit i moro ko swot lo lobot a mo tuka-ŋi Asura; a nye mo koŋdi Ninewe a murwo ko a kak nateyon gwoso yobu na sese.

Jakaria 11:1

Do Libanon, ŋane ŋa kötumi. A tön kunök, anyen kimaŋ böŋö tototum kaden kulök logon gwoso tika!

Jakaria 11:2

Do ködini saru, luluje lulujö kogwon ködini logon gwoso tika lo aje ’doro kak, kogwon kaden lokwekwelen aje körö! Ta kaden ti Basan ti mian, luluje ta lulujö kogwon yöbu nagon a rudu aje toko kak!

Ka’duŋök 9:15

A purudi kulyani ko kaden kulo adi, Ko ta ködyö ’börökiŋdya nan a mor losu ko töilyet loke, nyena poŋdi ta i ’dana köyö i tölimöt; ama ko ’bayin sona a ti kimaŋ tuleŋ koŋe köyö anyen totumbö kaden ti Libanon logon gwoso tika.