Ejikele 30:6 - Bibilia Buk na Ŋun nagon koti luŋu a

⁶ Nan MATAT lo kulya adi, Ŋutu logon parakiŋdya Ejipeto kulo mo ’do ’doro, a riŋit na Ejipeto nagon nye bu ’ye mugun na mo rorokuŋdye kak; a ŋutu mo totokoni kak ko baŋdujin kanyit lukata, suluja Migedola tojo ko Sewene. Kilo a kulyaesi kwe ti MATAT Ŋun.

Ejikele 30:6 Iomraidhean Croise

Eyobo 9:13

Ŋun ti bulo teŋgu woran nanyit; a kaparak ti kijakutat Raba pere kak kanyit i mokosi.

Yisaya 31:3

Ŋutu ti Ejipeto gwon a ŋutu kana ti gwon a Ŋun; a kusanjin kase gwe a lokorio ti — gwon a ködudwölön. A ko MATAT a riörö könin lonyit kaŋo, a kaparak mo köpuköni köpukö, a se lo paparaki kulo mo ’dorone ’doro, a se liŋ mo twatwane twatwa i pirit na geleŋ.

Yisaya 49:12

Meddi, kulye ŋutu mo popo pajo, ko meddi, kulye mo i swöt lo lobot ko i tokotyaŋ, ko kulye köti i jur lo Sinim.

Yeremia 48:14

Nyo ta kulya adi, Yi a walan, yi a kamörök kaŋajin?

Ejikele 29:10

Nyenagon mete, nan a miriku ilot do se ko kinasi kulök ti Supiri, a nan mo koŋdi jur lo Ejipeto a ruba ko a murwö, suluja Migedola tojo ko Sewene, köti tojo ko lokökorit lo Etiopia.

Ejikele 33:28

A nan mo koŋdi jur a murwö ko a ruba; a riŋit nagon ŋilo jur bu ’ye mugun na mo ’bakani ’baka, a merya ti Yisaraele mo gwe a rubajin, anyen po gwon ’bayin lo lwöpöddu kata.

Naum 3:9

Etiopia ko Ejipeto a riŋit nanyit nagon ’bak ’dutet, a ŋutu ti Put ko ti Libya gwe a kaparak kanyit.