Ejikele 30:5 - Bibilia Buk na Ŋun nagon koti luŋu a

⁵ A Etiopia, ko Put, ko Luda, ko ŋutu liŋ ti jur lo Arabi, ko ti Libya, se ko ŋutu ti kulye juron logon a julin kase, mo totokoni kak ko baŋdujin ko se i pirit na geleŋ.

Ejikele 30:5 Iomraidhean Croise

2 Dekat 12:3

A Sisak poŋdi ko arabiajin lo jiriko miajin puök wot murek ko kajoŋak ti kusanjin alipan merya buker. A ŋutu logon po ko lepeŋ Ejipeto kulu gwe jore parik ti bulo kenalepeŋat a ŋutu ti Libya, ko ti Sukim, ko ti Etiopia.

Yisaya 18:1

Jur kata logon ko ŋo jore lo bibirto ko köpukön adi bir bir, lo gwon i nu pele na karya ti Etiopia;

Yisaya 20:4

nyenagon jojo sona a mor lö Asura mo nyömöddi kaŋo ŋutu ti Ejipeto lo momoka se ko ŋutu ti. Etiopia lo joŋa a ’dupi kulo teton ko muduŋin, a limuö ko mokosi kana, ko wi kase gwon köke a gwe a yu na kwe ko Ejipeto.

Yeremia 25:20

ko ŋutu liŋ logon a Lwaka lo gwon kase kiden kulo; ko moran liŋ ti jur lo Usa, ko moran liŋ ti jur lo ŋutu ti Pelesete, kweja adi ti Asekelon, ko ti Gaja, ko ti Ekron, se ko ti pitönö ti ŋutu ti Asedoda.

Yeremia 25:24

Moran liŋ ti jur lo Arabi koti titiki i möju, ko moran liŋ ti kötumitön ti ŋutu logon a ŋo ’ya ’börik i toyem logon si ’da i yobu na sese kulo;

Yeremia 44:27

Mete ta, nan ŋilo tiju lepeŋat i konakiŋdya na lepeŋat kulya narok ti gwon a kulya na ’but; kweja adi ŋutu liŋ ti Yuda lo gwon i jur lo Ejipeto kulo mo tatatua ko baŋdujin se ko dyaŋ, tojo ko se a tu ’bakala asut.

Yeremia 46:9

Ta ŋutu logon wörö ko kusanjin, ’dakaki ta! Ta ŋutu lo wörö ko arabiajin lo jijikö, wurösöni ta! Ta ŋutu ti Etiopia ko ti Put logon morga ’bukwö. ta ŋutu ti Luda logon a diniki rokuŋdya daŋin, iŋkoi, ta ŋutu walan, iti ta ŋerot!

Yeremia 50:37

Baŋdu juŋ a kusanjin kanyit ko arabiajin kanyit lo jijikö, se ko teŋon liŋ ti kamörök logon a Lwaka lo gwon kanyit kiden kulo, anyen se ködyö wora a ŋutu wate! Baŋdu juŋ a tukwörienjin kanyit liŋ, anyen se ködyö ryaryaka!

Ejikele 27:10

A ŋutu ti Parasa, ko ti Luda, se ko ti Put kitari do gwoso kamörök walan se ko ŋutu kulök i pirit na geleŋ; a lepeŋat iŋge lilikiŋdyö ’bukwö kase ko terebukan kase logon a witiöt kulo konut i mariŋ loki. Kilo a se logon jakiŋdya do minyo.

Ejikele 38:5

Ŋutu ti Parasa, ko ti Kusa, ko ti Put gwon ko ŋutu kulök i pirit na geleŋ; lepeŋat liŋ gwon ko ’bukwö ko tere-bukan logon a witiöt.

Daniele 11:43

A nye mo gwe a duma lo tito nagon a dakap, ko tito nagon a pödo na ’dela kune se ko a duma lo tukwörien liŋ na Ejipeto; a ŋutu ti Libya se ko ti Etiopia mo gwe kanyit i mukok.

Jepania 2:12

Ta ŋutu ti Etiopia, ta koti mo tatatua ko baŋdu lo MATAT.