Ejikele 30:4 - Bibilia Buk na Ŋun nagon koti luŋu a

⁴ A baŋdujin mo poki i Ejipeto, a ŋutu ti Etiopia mo poŋgi poŋga bia parik i diŋit nagon ŋutu lo tatua ’do ’do kak Ejipeto yu nu, a tukwörien nanyit na Ejipeto yeka-jine kaŋo, a pipilesi kanyit dukani kak.

Ejikele 30:4 Iomraidhean Croise

Yisaya 16:7

Nyenagon ti ŋutu ti Moaba luluje lulujö, ti ŋutu liŋ luluje kögwon Moaba. A se mo delyani a tömönik kogwon ambatajin ti ludweki ti binyo ti Kir-kareset.

Yisaya 18:1

Jur kata logon ko ŋo jore lo bibirto ko köpukön adi bir bir, lo gwon i nu pele na karya ti Etiopia;

Yisaya 19:2

A nan MATAT mo topikiŋdye ŋutu ti Ejipeto i mörö ko ’börik, a se liŋ mo möröni mörö ŋadi ko luŋaser lonyit, ŋadi ko marate lonyit, köji ko köji, tumatyan ko tumatyan;

Yisaya 20:3

A MATAT kulyani adi, Gwoso nagon kölipönit liŋ Yisaya a wörö a limu ko mokosi kana kiŋajin musala nu, anyen gwon a kweyet anyen tusöŋu ŋutu ti Ejipeto ko ti Etiopia,

Yeremia 46:9

Ta ŋutu logon wörö ko kusanjin, ’dakaki ta! Ta ŋutu lo wörö ko arabiajin lo jijikö, wurösöni ta! Ta ŋutu ti Etiopia ko ti Put logon morga ’bukwö. ta ŋutu ti Luda logon a diniki rokuŋdya daŋin, iŋkoi, ta ŋutu walan, iti ta ŋerot!

Yeremia 50:15

Sirani ta sira i swötön kanyit liŋ, kogwon ŋutu kanyit aje mamaŋduko könisi adi se a tela; mariŋan kanyit nago aje ’do ’do, iŋkoi, goroma kanyit aje turöki kak. Kogwon ŋina a ropet nagon nan MATAT roropakin lepeŋ na, ropaki ta lepeŋ, konaki ta lepeŋ gwoso na koŋdi ŋutu kanyit na.

Ejikele 28:23

Kogwon nan mo susunyukin lepeŋ twanti iŋgo, a nan soŋdi katatuak i kikolin kanyit; iŋkoi, ŋutu logon ko baŋdujin mo mörö ko lepeŋ i swötön liŋ, a ŋutu kanyit lo tatua kilo mo ’do ’done kanyit kiden.

Ejikele 29:12

A nan mo koŋdi jur lo Ejipeto a murwö i kiden na jurön logon a murwöki, a köjinö kanyit mo gwe a murwöki ko kiŋajin merya iŋwan i kiden na köjinö nagon a rubajin. A nan mo torekiŋdye ŋutu ti Ejipeto i jurön, a nan mo gwögwölökiŋdye lepeŋat i kiden na jurön.

Ejikele 29:19

Nyenagon nan MATAT ŊUN lo kulya adi, Mete, nan titikin Nebukadaresar mor lo Babela jur lo Ejipeto, a nye mo ’dokoddi tukwörien nanyit, a köŋi nye, a ryaggi nye; a ŋina tukwörien mo roparikin ŋutu kanyit kamörök.

Ejikele 29:8

Nyenagon nan MATAT ŊUN lo kulya adi, Mete, nan mo jajakin do baŋdujin, a mo tokoddi ŋutu se ko kijakwa kaŋo konut.

Ejikele 38:5

Ŋutu ti Parasa, ko ti Kusa, ko ti Put gwon ko ŋutu kulök i pirit na geleŋ; lepeŋat liŋ gwon ko ’bukwö ko tere-bukan logon a witiöt.

Daniele 11:43

A nye mo gwe a duma lo tito nagon a dakap, ko tito nagon a pödo na ’dela kune se ko a duma lo tukwörien liŋ na Ejipeto; a ŋutu ti Libya se ko ti Etiopia mo gwe kanyit i mukok.

Jepania 2:12

Ta ŋutu ti Etiopia, ta koti mo tatatua ko baŋdu lo MATAT.