Ejikele 30:24 - Bibilia Buk na Ŋun nagon koti luŋu a

²⁴ A nan mo togo ’yi könisi ti mor lo Babela, a tiŋdi baŋdu lio kanyit i könin; ama a nan mo ’be ’beleŋgi könisi ti Paro, a nye mo ’duani ’dua kanyit i komor gwoso ŋuto logon a böŋöji parik gwe nyona ko twan.

Ejikele 30:24 Iomraidhean Croise

Nemaya 6:9

Kogwon lepeŋat lio ’de ’dekan tokujöŋdu yi, a se yeyeji adi yi mo dadara, a riŋit nikao gwe ’bayin tutuŋet na kita. Nyena pon ŋun, böŋö togole könisi kwe.

Eyobo 24:12

Ŋutu logon gwe nyona ko twatwa rurumön köji kata, a ŋutu lo böŋöji gwine paraki; ama a Ŋun tine tiriku yiŋga momolesi kase.

Saumajin 144:1

Ti MATAT lurutat lio ŋurani ŋura! Nye a tojumukindya könisi kwe i gor, ko morin kwe i mörö.

Saumajin 17:13

Pon MATAT, ŋine ki! Gorokindye gwögwoti kase i komor, gubakindye se kak! Lwöggi nan ko bandu ilot i könisi ti ŋutu lorok;

Saumajin 18:32

Nye Ŋun logon a pitakindya riŋit köyö i mukök, ko a teten kiko lio a lo ’but ’bak ŋo naron.

Saumajin 18:39

Kogwon do a pitakindya riŋit möriet koyö i mukök; a do todulundye kaŋisak kwe kak köyö i mokosi.

Yisaya 10:15

Tulu ŋona bu ’ya muŋun ko lepeŋ lo toŋgu ko nye lo le? Kode ŋona ’duŋet lo kaden toduma ’yu mugun ko nye lo kikita ko lepeŋ lo le? Gwon gwoso nagon ture a böböŋdu ka ’dumanit lonyit, kode gwon gwoso nagon puri a ’dumuŋdya lepeŋ logon ti gwon a ködini lo!

Yisaya 45:1

MATAT lo kulya ko Korese lo welaki lonyit, logon könin lonyit lo lutaten nye aje mok lo, i te ’ya na jurön kanyit i komor, ko i laŋgu na mukökö ti moran, i ŋaju na kötumitön kanyit i komor, a kötumitön mo tine kinu.

Yisaya 45:5

Nan a MATAT, lele gwe ’bayin, a lele ŋun gwe ’bayin, ama tuŋ a nan; nan a doŋgu do ko kamba, ma ’di nagon do a ko den nan,

Yeremia 51:52

Nyenagon nan MATAT lo kulya adi, Mete ta, perok kilo popo logon nan mo ’duŋökiŋdye nyömuejin kanyit logon a ŋunyen kulo putet, a ŋutu lo böboŋoji kulo mo ’duani ’dua i jur lonyit ’bukuluŋ.

Ejikele 26:15

Nan MATAT ŊUN lo kulya ko do Turo adi, Ŋutu ti jurön lo gwon i tör duma na ’balaŋ nyona kulo mo böböŋdu i woŋon na ’doro inot adi yurum, i diŋit na ’duari ŋutu lo böböŋöji se ko i tatua konut kiden nu!

Ejikele 29:19

Nyenagon nan MATAT ŊUN lo kulya adi, Mete, nan titikin Nebukadaresar mor lo Babela jur lo Ejipeto, a nye mo ’dokoddi tukwörien nanyit, a köŋi nye, a ryaggi nye; a ŋina tukwörien mo roparikin ŋutu kanyit kamörök.

Ejikele 30:10

Nan MATAT ŊUN lo kulya adi, Nan mo tiŋdu Nebukadaresar mor lo Babela i tu ’baka ’yu na ŋutu ti Ejipeto logon jore parik kulo.

Ejikele 30:11

Nan mo jojoŋ lepeŋ nyu ko ŋutu kanyit i pirit na geleŋ i köŋu na jur. Lepeŋat a kaŋajin mörö ’bak pitono Iwolwoŋ ŋutu ti jurön liŋ, a mo ’dutuŋdye baŋdujin kase kaŋo i mörö ko ŋutu ti Ejipeto, a mo töjoreji jur ko öpuö ti ŋutu.

Ejikele 30:21

Ŋuro lo ŋuto, nan aje ’beleŋgu könin lo Paro mor lo Ejipeto. Mete, a nye gwe a ko doko ko rubat anyen lilik, anyen ködyö po a iŋgo i morga na baŋdu anyen mömö-röri.

Ejikele 30:25

iŋkoi, a nan mo togo ’yi könisi ti mor lo Babela, ama a könisi ti Paro mo gwe a lokolo-kak. A ŋutu mo deŋdi adi nan logon a MATAT, i diŋit na tiŋdi nan baŋdu lio ko mor lo Babela i könin nu, a lepeŋ riöddi kaŋo i mörö ko jur lo Ejipeto.

Jepania 2:12

Ta ŋutu ti Etiopia, ta koti mo tatatua ko baŋdu lo MATAT.