Ejikele 30:18 - Bibilia Buk na Ŋun nagon koti luŋu a

¹⁸ A tuparan mo gwe a mudwe i Takapenesa, i diŋit na ’beleŋgi nan gwuluŋi saret lo Ejipeto nyu nu, a riŋit nanyit nagon nye bu ’ye mugun na mo ’bakani ’baka; a ’dikolo mo muŋge lepeŋ, a ŋwajik kanyit nawate mo joŋani i to ’dupien.

Ejikele 30:18 Iomraidhean Croise

Yuörö 10:15

Kogwon se a muk kak ’bukuluŋ, nyena a kak poŋdi a mudwe, a se iŋge nyö ŋo liŋ lo wilan i jur, ko ludweki liŋ ti kaden logon torok ti kudu aje pitun kulo; ŋo lodök a ko pitun i jur lo Ejipeto liŋ ma ’di ködini kode ŋo lo wilan mu ’diŋ.

Yisaya 10:27

a mo gwe sona i ŋilu lor adi, ŋo na sopakin nye nu mo ’dumaji kaŋo kasu i gelya, a gwuluŋi lonyit mo koroni kasu i muruto. Miriku a ŋien i swot lo Rimon,

Yisaya 13:10

Kogwon kaser ti ki se ko teŋon kase mo ti pararakiŋdya; a kolor mo gwe a mudwe i nyerun nanyit, a yapa mo tine tiŋdu parara nanyit i loja.

Yisaya 14:11

Bubu ’ya inot na mugun a joŋa kak i pirit na mulökö, ko woŋon na tomon kunök; a kuru petakine do kak, a kuju muŋge do.

Yisaya 14:25

adi nan mo ’beleŋgu ŋutu ti Asura köyö i jur, a nan mo ryokakiŋdye lepeŋat kak ko mökot köyö i merya loki; a gwuluŋi lose lo Asura mo wusajine kaŋo kasu, a sopet nase mo joŋani kaŋo kasu i gelya;

Yisaya 19:1

’Dole i kulya ti Ejipeto adi, Mete, MATAT popo i ’dikö na wökun ’de ’de, a ’duki Ejipeto; a nyömuejin ti Ejipeto mo böböŋdi i böböŋdu kanyit i komor, a töilyet ti ŋutu ti Ejipeto mö lwö ’yi lwö ’yu.

Yisaya 5:30

A se mo rumöne rumön ko go na mok se i ŋilo lor nu, gwoso rumön na tör duma na ’balaŋ, a ko lele ŋuto a metaddu tojo i kak, mete, a gwe a mudwe ko a delya; a parara aje tomudwe ko ’dikolo kanyit.

Yisaya 9:19

A kak iŋge tumön kogwon tukaŋan na MATAT lo kurumi, a ŋutu gwe gwoso namesi ti kimaŋ; a ŋutu gwe ’bayin lo won konyen ko luŋasirik kase.

Yisaya 9:4

Kogwon do aje ’beleŋgu gwuluŋi lo soparikin lepeŋat, ko ture lo gwutörikin ki ’dirinö kase, ko puri lo kasasanyanit lose, gwoso i lor lo Midiyan köju nu.

Yeremia 2:16

ŋutu ti Mempisa ko ti Takapenesa gwagwalak kwe inot.

Yeremia 27:2

MATAT lo kulya ko nan adi, Tetenakiŋdye mugun patala ko gwulupi, ko toraki konut i murut.

Yeremia 28:10

A kirut nebi Kanania ’dumaddi gwuluŋi kaŋo lo gwon ko nebi Yeremia i murut lo, a ’be ’beleŋgi lepeŋ.

Yeremia 28:13

Iti, ko jamaki Kanania adi, Nan MATAT lo kulya adi, Do aje ’be ’beleŋgu gwolor logon a kaden, ama nan mo tetenakin gwolor logon a witiöt kase i pirit.

Yeremia 30:8

Nan MATAT lo kurumi lo kulya adi, I ŋilu lor nan mo ’be ’beleŋ kaden gwolor lo gwon kase i murutö kulo, a nan mo gigiŋdye patala kaŋo kase; a Lwaka köti mo tine tokitaju se a ’dupi kase.

Yeremia 44:1

A lo gwe a kulyaet logon a pokin ko Yeremia i kulya ti Yudayaki liŋ logon si ’da i jur lo Ejipeto kulu, kweja adi Yudayaki lo si ’da Migedola, ko lo si ’da Takapenesa, ko lo si ’da Mempisa, se ko lo si ’da i jur lo Patorosa, adi,

Yeremia 46:14

Tuke ta kine kulya Ejipeto yu, laiyara ta se Migedola, ko Mempisa, ko Takapenesa, adi, Gwo ’de ta ajo, teteŋdi ta teteŋdya, kogwon merok tatatuja kasu i swö­tön liŋ.

Delyasi 2:1

A dyoŋ, MATAT ko woran nanyit aje jakin köji na Siona mudwe! Lepeŋ ki yu aje gubun kwelen na Yisaraele kak, i lor lo woran nanyit a nye gwe a ko yeye Siona nagon a tokit nanyit na mokosi.

Ejikele 29:15

A ŋina tumatyan mo gwe a namunyan lwölwöŋ kunie tumatyanjin, a mo köti tine bulakiŋdya mugun ki lwölwöŋ kulye jurön, a nan mo tiŋdi ŋutu ti Ejipeto i gwon ku ’dik parik, nyena a lepeŋat mo köti kwöŋ tine saŋu jurön.

Ejikele 30:23

A nan mo torekiŋdye ŋutu ti Ejipeto i gweyajin ti ŋutu, a nan mo gwögwölökiŋdye lepeŋat i kiden na jurön.

Ejikele 30:3

Kogwon ŋilu lor gwe nyona, iŋkoi, lor lio lo MATAT gwe nyona ko po, ŋilu lor mo gwon a ’dikolo, a mo gwe a lor tukaret lo juron.

Ejikele 31:18

I kiden na kaden ti Edene, lon logon gwoso do i kwelen ko i todumalan? Do mo jopa kak se ko kaden ti Edene i pirit na gwon i lukak na kak; a do mo topirikine i kiden na ŋutu logon a lawe a ko tawero, i pirit na geleŋ ko ŋutu logon a tatua ko baŋdujin kulo. Kine kulya kweja adi ŋilo a Paro se ko ŋutu kanyit logon jore parik kulo. Kilo a kulyaesi kwe ti MATAT ŊUN.

Ejikele 32:7

I diŋit na tatuje nan do gwoso kimaŋ nu, a nan mo muŋge ki, a nan mo tomuseji kaser, a nan mo muŋge kolor ko ’dikolo, a yapa mo tine pararaju.

Ejikele 34:27

A kaden ti mu ’diŋ mo rade ludweki kase, a kak mo topunuŋdye ŋo kanyit, a lepeŋat mo gwe ’bura kase i jur. Lepeŋat mo deden adi nan logon a MATAT i diŋit na ’be ’beleŋgi nan kaden gwolor kase i murutö nu, a lwökuŋdye lepeŋat i könisi ti ŋutu lo ri ’dikiŋdya se i gwon a ’dupi kulu.

Ejikele 38:9

a ta mo poŋdi ŋerot gwoso libibiu, a do se ko tepon kunök liŋ mo muŋge kak gwoso ’diko, kweja adi kilo a gweyajin jore parik ti ŋutu lo gwon ko do i pirit na geleŋ kilo.

Yoele 3:15

A kolor ko yapa iŋge tomuswe a kaser tine kobbu.

Lewi 26:13

Nan logon a MATAT ŋun losu logon a joŋdya ta kaŋo i jur lo Ejipeto, an ta ködyö yeŋon gwon a ’dupi ti kulu ŋutu; a nan aje ’beleŋgu ködini gwuluŋi losu a tiŋdi ta i wörö gwogwo.

Matayo 24:29

A ’de ’de i mukök na kilu perok popesi, a kolor mo musöni musö, a yapa mo tine pararaju, a kaser ki yu mo ’do ’done kak, a riŋitön ti ki mo yeyeti yeyeta.