Ejikele 30:16 - Bibilia Buk na Ŋun nagon koti luŋu a

¹⁶ A nan mo ’yuŋe Ejipeto, a ŋutu ti Sewene mo poŋgi poŋga bia parik; a bar mo tutuluje goroma nagon a maripan ti ŋo, a mo baranyaddi lukata.

Ejikele 30:16 Iomraidhean Croise

Yeremia 44:1

A lo gwe a kulyaet logon a pokin ko Yeremia i kulya ti Yudayaki liŋ logon si ’da i jur lo Ejipeto kulu, kweja adi Yudayaki lo si ’da Migedola, ko lo si ’da Takapenesa, ko lo si ’da Mempisa, se ko lo si ’da i jur lo Patorosa, adi,

Ejikele 28:18

Do aje köŋu piritön kunök nake na rurwan, kogwon toronjin kunök jore i tugwöŋu inot a naron. Nyena a nan iŋge jon kimaŋ konut kiden i ’yuŋa na do, a nan totumbe do a do worani a kurök i kak ni a ŋutu liŋ memed-dya.

Ejikele 30:13

Nan MATAT ŊUN lo kulya adi, Nan mo tutukar nyömuejin logon a punyen, iŋkoi, a nan mo tu ’baka ’yi punyen kana i lukata na Mempisa; a kasaranit mo tine pukun köti asut i jur lo Ejipeto; a nan mo tokujoŋdi jur lo Ejipeto.

Ejikele 30:14

A nan mo koŋdi Patorosa a murwo, a mo ’yuŋe Soan ko kimaŋ, a nan mo ’duŋökiŋdye ŋutu ti Ŋo putet.

Ejikele 30:15

A nan mo ’bukökiŋdye woran nio i loki na Sin nagon a pirit nago tiyit na Ejipeto, a nan mo seyaddi kaŋo ŋutu ti Ŋo logon jore parik kulo.

Ejikele 30:17

A ŋutu teton ti Ono ko ti Pi-beset mo totokoni kak ko baŋdujin; a ŋutu ti kine köjinö mo jopani i to ’dupien.

Ejikele 39:6

A nan mo soŋdi kimaŋ i ’yuŋa na Magoga se ko ŋutu logon si ’da ’bura ’bak kujönö i juron lo gwon i tikönyö kulo; a se mo deŋdi adi nan logon a MATAT.

Osea 9:6

Kogwon mete, se mo wowökön kaŋo i tukara, a Ejipeto mo wuji se, a öpuo kase mo nukani Memijisa yu. A tito kase lo ’but ti pödö mo muluwani muluwa ko lo ’yu ’yuri; a kikwa mo ’duŋe kase i kemialan.