Ejikele 30:15 - Bibilia Buk na Ŋun nagon koti luŋu a

¹⁵ A nan mo ’bukökiŋdye woran nio i loki na Sin nagon a pirit nago tiyit na Ejipeto, a nan mo seyaddi kaŋo ŋutu ti Ŋo logon jore parik kulo.

Ejikele 30:15 Iomraidhean Croise

Saumajin 11:6

Nye to ’doju kuk ti kimaŋ ko pisek gwoso kudu i ŋutu lorok; nye sondu köbuŋot lo ’yu ’yuŋa i riŋga na se.

Yuörö 16:1

A se ŋiörö kapo Elim yu, a i perok puök wot mukanat ti yapa tomurek na yuöddi se kaŋo i jur lo Ejipeto nu, a momoret liŋ na Ŋutu ti Yisaraele ’dure i yöbu na Siyin, na gwon i kiden na Elim ko Sinai.

Ejikele 30:14

A nan mo koŋdi Patorosa a murwo, a mo ’yuŋe Soan ko kimaŋ, a nan mo ’duŋökiŋdye ŋutu ti Ŋo putet.

Ejikele 30:16

A nan mo ’yuŋe Ejipeto, a ŋutu ti Sewene mo poŋgi poŋga bia parik; a bar mo tutuluje goroma nagon a maripan ti ŋo, a mo baranyaddi lukata.

Naum 1:6

Ko lepeŋ a woran ŋa logon bubulo gwo ’dan? ŋa logon bubulo ŋoŋga woran nanyit na pape? Woran nanyit ’bukuŋdyo kaŋo gwoso kimaŋ. a lelya gwagwalakani gwagwalaka ka ’de ka ’de kanyit i komor.

Kweyatti 16:1

A kirut nan yiŋge gworo lobot lo kuun kaŋo i kadi na Ŋun lukata, takiŋdye malaikajin buryo adi, Iti ta, ’buköki ta woran na Ŋun nagwon i diköriöt buryo kine i na kak.