Ejikele 30:14 - Bibilia Buk na Ŋun nagon koti luŋu a

¹⁴ A nan mo koŋdi Patorosa a murwo, a mo ’yuŋe Soan ko kimaŋ, a nan mo ’duŋökiŋdye ŋutu ti Ŋo putet.

Ejikele 30:14 Iomraidhean Croise

Saumajin 78:12

A nye kondi kulya sörösi i kak na Sowan, na gwon i jur lo Ejipeto a merenyejin kase memeddya.

Saumajin 78:43

i nu diŋit nagon nye a kwekindya kweyesi kanyit i jur lo Ejipeto, ko sörösi kanyit i kak na Sowan nu.

Yisaya 11:11

A mo gwe sona i ŋilu lor, a MATAT mo riöddi könin lonyit daŋ tomurek i toyituŋdyö na pitönö ti ŋutu kanyit lo pituŋdyö, i Asura, ko i Ejipeto, ko i Patorosa, ko i Etiopia, ko i Elam, ko i Sinar, ko i Kamat, ko i tikönyö.

Yisaya 19:11

’Diri kimak tir Soan gwe a lu ’böŋ parik; a kajujuwak lokoŋ bia ti Paro, jujuwet lose a lu ’böŋ A ta kulyani ada ko Paro adi ta a ŋwajik ti ŋutu lokoŋ, ko a ŋwajik ti moran ti ’beron kulu?

Yisaya 19:13

Kimak ti Soar aje Wora a lu ’böŋ, ko kimak ti Mempisa aje mumuluka; a se loru a ŋurupö ti goŋesi ti kötumitön kanyit aje togiraddu ŋutu kase ti Ejipeto.

Yisaya 30:4

Kogwon ma ’di nagon temejik ti Paro gwon Soan, a ŋutu kanyit lu yökieji ’dure Kanesa,

Yeremia 44:1

A lo gwe a kulyaet logon a pokin ko Yeremia i kulya ti Yudayaki liŋ logon si ’da i jur lo Ejipeto kulu, kweja adi Yudayaki lo si ’da Migedola, ko lo si ’da Takapenesa, ko lo si ’da Mempisa, se ko lo si ’da i jur lo Patorosa, adi,

Yeremia 44:15

A kirut ŋutu liŋ logon a den adi wate kase a wukiŋdya kulye ŋunyen bokuron kulo, ko lodir duma lo ŋutu wate nagon gwo ’dan nyona kune, kweja adi ŋutu liŋ logon si ’da Patorosa i jur lo Ejipeto kulo waddi Yeremia adi,

Yeremia 46:25

Nan MATAT lo kurumi ŋun lo Yisaraele lo kulya adi, Mete, nan ririŋ Amon ŋun lo No, ko Paro, ko Ejipeto ko punyen kanyit, ko moran kanyit, kweja adi, nan ririŋ Paro se ko ŋutu lo yinikiŋdyö ’börik ko lepeŋ kulo.

Ejikele 29:14

A nan mo nyökuŋdye ŋutu ti Ejipeto lo gwon i to ’dupien kulu, a nan mo joŋdi lepeŋat bot i jur lo Patorosa logon se a pipiluŋdya kata lu, nyu a lepeŋat mo gwe ko tumatyan nagon a namunyan.

Ejikele 29:19

Nyenagon nan MATAT ŊUN lo kulya adi, Mete, nan titikin Nebukadaresar mor lo Babela jur lo Ejipeto, a nye mo ’dokoddi tukwörien nanyit, a köŋi nye, a ryaggi nye; a ŋina tukwörien mo roparikin ŋutu kanyit kamörök.

Ejikele 30:15

A nan mo ’bukökiŋdye woran nio i loki na Sin nagon a pirit nago tiyit na Ejipeto, a nan mo seyaddi kaŋo ŋutu ti Ŋo logon jore parik kulo.

Ejikele 30:16

A nan mo ’yuŋe Ejipeto, a ŋutu ti Sewene mo poŋgi poŋga bia parik; a bar mo tutuluje goroma nagon a maripan ti ŋo, a mo baranyaddi lukata.

Ejikele 30:19

A nan mo ’duŋökiŋdye ŋutu ti Ejipeto putesi sona, a kirut lepeŋat mo deŋdi adi nan logon a MATAT.

Ejikele 30:8

1 diŋit na ’yuŋe nan Ejipeto ko kimaŋ a kaparak kanyit liŋ iŋge ’be ’beleŋo nu, a lepeŋat mo deŋdi adi nan logon a MATAT.

Naum 3:8

Kulya kunok ŋona a na ’but Iwolwoŋ köji No-amon nagon si ’da nyona ko Supiri le? Pion a lopakin Lepeŋ kiden, a mariŋ nanyit na kaŋo gwe a tör na ’balaŋ, pioŋ gwon a gorom nanyit tiyit.

Kenet 13:22

A se iti tojo i jur lo loki, a se poŋdi tojo Keberon; a Akiman ko Sesai se ko Talemai logon a nyakwariat ti Anak kulo gwe nyu. (Ama a Keberon iŋge ’dukö kiŋajin buryo a kokwe na ’duköri Sona Ejipeto yu nu.)