Ejikele 3:8 - Bibilia Buk na Ŋun nagon koti luŋu a

⁸ Mete, nan aje togulukin kwe inot i kusik kase, a nan aje togulukin komor inot i komorsikan kase gwoso dwönin lo mömörö.

Ejikele 3:8 Iomraidhean Croise

1 Moran 21:20

A Aba kulyani ko Eliya adi, Miriku liŋ, do a ryö nan? A nye waddi adi, Nan aje ryö do, kogwon do aje tugwörökiŋdyö mugun a ’duŋiet lo toron ko MATAT i komor.

Yisaya 50:7

Kogwon MATAT Ŋun ŋaparakindya nan, nyenagon a nan tine yuran, nyenagon a nan tiŋdi komor nio a nago gwoso lele nagon a wiyu, a nan deŋdi adi nan mo ti gwon ko yu na kwe;

Yeremia 1:18

Mete, i lo lor nan aje tin do i gwo ’dan go gwoso köji nago na titiyu, ko a iŋgo gwoso togwi ’diet logon a witi, ko a iŋgo gwoso mariŋ nagon a molwö i lo jur ’bukuluŋ, kweja adi i moran ti Yuda, ko i ŋutu temejik kanyit, ko i koanejin kanyit se ko i ŋutu ti jur.

Yeremia 15:20

A nan mo koŋdi do gwoso mariŋ nago na titiyu nagon a mölwö, nagon te ’ya kilo ŋutu; a lepeŋat mo moroni ko do, ama a se mo tine te ’ya do, kogwon nan gwon ko do i garakiŋdya ko i Iwoggu na do, ŋilo a nan MATAT lo kulya.

Yeremia 5:3

Pon MATAT, do a kametanit lo kulya ’diri, ’bayin sona le? Do aje gwuddyo lepeŋat, ama lepeŋat ti ’bon tiriku; do a tutup lepeŋat, ama se lalaun tojumisi kunok. A lepeŋat koŋdi komorsikan kase a nago lwoŋgu ŋurupit, a renyani lopuggo toilyet.

Ejikele 3:7

Ama kötumit na Yisaraele mo ti ’bön yiŋga do kogwon se ti ’dekan yiŋga nan; kogwon kötumit na Yisaraele liŋ gwon ko kusik a nago ko töilyet a iŋgo.

Ejikele 3:9

Nan aje kon komor inot a nago gwoso ŋurupit logon lwöŋgu lele na wiyu. An do ko kujönö lepeŋat kode delya komorsikan kase najögitök, kogwon se a kötumit na karerenyak.

Mika 3:8

Ama ko gwe gwoso nan, nan a jore ko riŋit, nan a jore ko Mulökötyo lo MATAT, nan a jore ko ’duŋgo gwogwo ko topurwan anyen tukökiŋdyö Yakobo logon a Yisaraele lyaŋesi se ko toronjin kanyit.

Ebere 11:27

Ko ŋina yupet, a Mose kö ’yi Ejipeto, a tine kujönö woran na mor; a lepeŋ iŋge ŋoŋaddu tojo ko ’dutet gwoso ŋuto logon a meddya Ŋun logon ti bulö meta lo.